Çakbînî.com

Hevdîtina gêncên kurd bidawî bû (FOTO)

2008-10-24T19:23:00.004+02:00

Hevdîtina gênc û xwendekarên kurd ku ji alîyê HEVKAR-ê ( Komela Karkerên Kurdistanê li Hamburgê) li bajarê Gluckstadtê hatibû lidarxistin bidawî bû. Nîzê 50 genc û xwendekarên kurd ji Swêd, Norwêc, Danîmarka, Brîtanya û Almanyayê beşdarî hevdîtinê bûn hefteyek xweş û efektîf bi hev re derbas kir.

Netkurd.com

Hevdîtina di çarçoveya projeya Yekîtîya Ewrûpayê de pêk hat hefteyekê derfet da gencên kurd ku ew li ser prosesa întgerasyonê ya li welatên ew lê dijîn minaqeşe û behsa tecrube û serpêhatîyên xwe bikin.

Runiştinên roja sêyem bi axavtina serokê HEVKAR-ê M.Elî Yildirim dest pê kir.Yildirim di axavtina xwe de li ser giringîya cîhgirtina di prosesa întegrasyonê rawestîya û got divê em ji alîyekî de em norm û pîvanên civaka em tê de dijîn û li alîyê din jî nasname û zimanê xwe jibîr nekin. Piştî ku pedagog M.Şefîq ONCU li ser pêvajo, pirs û pirsgirêkên întegrasyonê li Almanyayê û sîsetema xwendegehên Almanyayê û herweha rewşa xwendekarên biyanî referaetk da, rê liber minaqeşeyan vebû. Grûbên beşdar jî him beşdarî minaqeşeyan bûn û him jî ji welatên ew lê dijîn,him ji tecrubeyên xwe yên şexsî û bi mînakan welat bi hev re miqayese kirin.

Roja pêncan ya hevdîtinê şandeyek amerîkî ku bi heman mebestê li Almanyayê bû tevî nûnera konsolosxaneya amerîkî ya Hamburgê Martîna Schulz û karmendên wezareta karê derva ya amerîkî beşdarî hevdîtina gencên kurd bû û wan jî li ser prosesa întegrasyonê li DYA-yê agahî dan û li gencên kurd gohdarî kirin. Şande di nava wan de melayek û ji kesên bi karê întegrasyonê dibilîyan û pirrayîya wan bi eslê xwe biyanî pêk dihat. Şandeya amerîkî dilxweşîya xwe bi elaqe û angajmana gencên kurd destnîşan kir û hêvîya xwe bi xwendina xwendekarên kurd li Amerîkayê diyar kir.

Dîsa di vê hefteyê de genc bi hev re li bajarê Hamburg û Berlînê gerîyan, li Hambûrgê şaredarî, li Berlînê Parlamento ziyaret kir, çalakîyên çandî hatin lidarxistin û li ser rewşa kurdên dervayî welêt jî minaqeşe hatin meşandin. Hejayî gotinê ye ku zimanê semîner û referatan û hemû runiştinan bi kurdî û îngilîzî bû û hate dîtin ku pirrayîya beşdaran herdu zimanan bi awayek serkevtî bikartînin.

Hunermend û derhênerê kurd Mahmud Cambay jî rojekê beşdarî hevdîtina ciwanan bû û di nava çend saetan bi ciwanan re şanoyek amade kir û pêşkêş kir.

Serokê HEVKAR-ê M.Elî Yildirim piştî bidawîbûna hevdîtinê ji bo me ev proje nirxand û dilxweşîya xwe destnîşan kir. Yildirim got; armanca me ev bu ku bi hevdîtinên weha ciwan û xwendekarên kurd yên li welatên cuda, cuda bînin gel hev, wan bi hev bidin nas kirin, derfetê bidin wan ku ew tecrubeyên xwe ragihînin hev û bi wasiteya referatan agahîyên rast ragihînin wan. Yildirim bi berdewamî got; Bi teybetî ez di karim bejîm Projekyek gelek baş bû û serkeftî derbas bû. Ez di karim dîsa bejîm bi we babetê belkî cara yêkemîn ê ku jî 5 welatên Yekîtîya Ewrupayê ciwanên me tên ba hev. Belkî cara ewulî bû nesîbê HEVKAR ê. Hemû grûb bi kehfxweşî belav bûn û daxwaz jî bona salên pêşîya me jî hat kirin. Ez wek berpirsê Projeyê û Serokê Hevkar-ê gelek kêfxweş bûm û ez di karim bêjim proje gîhate armanca xwe.

Wenêyan: http://www.netkurd.com/nuce_bixwine.asp?id=13799

Jêder: Netkurd.com

Çima Rûdaw Holanda?

2008-10-15T13:37:00.006+02:00

Ji bo bersiveke baş bo vê pirsê pêdivî ye em pêşî pirsa navborî bikin du pirs. Çima Rûdaw û bo çi Holanda?

***Bi rastî jî, çima Rûdaw?

Niha, Rûdaw serbixwe ye. Ev dihê wê wateyê ku Rûdaw serbest e. Ango stafa Rûdawê kare bi serekî azad bixebite, bê ku bestî be hesab bide kesên biryardar ên li jor wan. Bi raya ezbenî, bi vê boneyê jî tema xebatên rojnamegeriya azad bi awayî herî qenç dihê standin, encamên van xebatan jî dibin encamên herî serketî...(berdewamiyê bixwîne)

Sîdar Bengîn Epozdemir

Herwiha Rûdaw xwedî-ceribandin e jî. Ji sernivîskarî heta berpirsiyar yan nivîskarê/a dawîn 'têra xwe' ji karên rojnamegerî û rewşenbirî sûd wergirtine. Ziman zane. Rê û rêbaz zane. Vêca tevî ku xwedî-ceribandin e Rûdaw, netewî ye jî. Yek tişt bi dilê min gelek girîng e, ku ew jî nîşana yekbûna kurd û Kurdistanê ye. Mixabin ku bixwe hê baş nikarim tîpên erebî-kurdî bixwînim lê belê pir-pir zelal diyar dibe ji naverokê ku stafa Rûdawê jî li ser vê yekê hevbîr e.

Ev yek berî her tiştî bi bijartina stafê ya mijaran diyar dibe. Staf helbet bêhtir ceribandina xwe ya li ser başûrê heye, lê belê anîna rojevê ya mijarên cuda-cuda ji rojeva Amed, Mahabad û Qamişlokê jî wê nîşanê dide ku Rûdaw sînorên Kurdistanê red dike û nanase. Mijarên cihanê jî cih digirin. Herwisa bi nêrîna min divê Rûdaw -weke yekem rojnameya başûrî- jênager bimîne li ser wê xalê ku malper him bi zaravayê soranî, him bi kurmancî ye û di nav rojnameyê bixwe de jî nûçeyên kurmancî hene. Ev helwest helwesteke bêhempa ye di çapemeniya îroyîn de û nirxa Rûdawê bilindir dike.

***Baş e çima Holanda?

Holanda yek ji damezrênerên pêşiya Yekîtiya Ewropayê (YE) ye. Heta niho jî endam-dewleteke payebilind a vê giringtirîn dezgeha Ewropayê ye. Tevî axa wê ya kêm, gelheya wê ya hindik (16,5 milyon), bi hebûna xwe jî girgîn e di nav pevajoyên biryarstandina YE-yê de.

Holanda nasnameyeke xwe ya bêhnfireh (bi tolerans) û azad heye. Gotineke ku di barê Holandayê de pir dihê gotin: “Bêhnfirehtirîn dewleta cihanê ye”. Herwiha civaka wê -pirsgirêk hebin jî- pirçandî ye. Ji 175 zêdetir nasname hene li Holanda. Lê berbiçav nemaze mixribî (ereb), surînam (ji başûrê Amerîkayê), tirk û kurd hene li vî welatê piçuk lê bihêz.

Bi gotineke din eger li welatekî demokrasiyeke rasteqîn bûbe sedema bêhnfirehî, azadî, mafên mirovan û pevrejiyaneke aştiyane, mînaka cihanê ya herî balkêş dibe Holanda.

Ji bo vê jî pir hêsan e mirov holandiyan serwextî rewabûna doza me bike...
Pir hêsan e mirov bi holandiyan re rûne, taybetmendiyên baş ên civaka wan nîşan bide û -ji sedema nebûna demokrasiyê- pirs û pirsgirêkên kurd di warê wan taybetmendiyan de berhevdu deyne...
Pir hêsan e mirov holandiyan bide fêmkirin ku kurd ne terorîst, belkî mirovê herî aşitîxwaz e...
Pir hêsan e mirov dozeke mafdar ber çavê yekî/e dî mafdar nîşan bide, gava ku doz jixwe dozeke mafdar e...
Pir hêsan e mirov holandiyan bike hogir ji xwe re...

Pir hêsan e lê jê re xebat divê...

Ji ber vê yekê jî, Rûdaw Holanda dihê...
sidaro4@hotmail.com

Jêrenot: Malperek li malperên kurd ên heyî zêde bûye û wê ev malper bibe malpera navborî, wate beşa Holanda/holandî ya rojnameya Rûdawê: www.rudaw.nl . Rûdaw, ku di rojnameya xwe de bi soranî û kurmancî û di malpera xwe de jî bi heman zarave ligel zimanê ingilîzî beşa xwe heye, dixwaze bandora xwe ya bidestxistî ya erênî bi vê boneyê firehtir bike bi armanca lobbiya kurd li derveyî welêt...

Ji www.rudaw.net hat girtin...

Dîroka emerîkiyan bi kurtebirî :-))

2008-10-05T12:52:00.003+02:00

TZP Kurdî: Em perwerdeheke girgîn dixwazin

2008-09-25T00:18:00.004+02:00

Rûdawnêt Sîdar Bengîn Epozdemir, Îzmîr - Ji sala 2006an pê ve rêxistina kurd a bi navê 'Tevgera Ziman û Perwerdeya Kurdî' (TZP-Kurdî) li Tirkiyeyê ji bo paşeroja zimanê kurdî û bi vê xebatê ji bo parastina nasnameya kurdî dixebite û çalakiyan li dar dixe. "Em perwerdeya girgîn (aktîv) dixwazin, lê mixabin ku dewlet ji vê yekê ditirse," Xecê Şen, yek ji damezrênerên rexistina TZP-Kurdî dibêje.

(reporteke min ku berê de di rojnameya Rûdaw de bi soranî û di malpera Rûdaw de bi kurmancî hat weshandin)

Rûdaw.net

Berdewamiya nûçeyê...

TZP-Kurdî rexistinek e ku mamosteyên zimanê kurdî perwerde dike, semînar, komcivîn û çendek xwepêşandan jî li dar dixe ji bo parastina zimanê kurdî ku bi metirsiya windabûnê ve rûbirû ye li Tirkiyeyê û bakurê Kurdistanê.

Wane

Xecê Şen yek ji damezrênerên rêxistinê ye û herwiha waneyên (dersên) zimanê kurdî jî dide ciwanên kurd; "Wane didim keç û xortên 18, 19, 20, 21 salî û bitementir. Demek berî min di polê de ji wan pirsî; ka gelo dizanin ez çima wane didim wan. Li ser bêdengbûna şagirtan min ji wan re qala giringiya parastina ziman û hebûna me kir. Piştre baş têgihiştin ka kêşeya me çî ye. Tekîldariyeke germ nîşan didin, ku ev jî sedema dilcoşiyê ye." Zimanê rojane Şen pê dide û qala kêşe û astengiyên li himber zimanê kurdî dike. Bo nimûne metirsiyeke mezin ew e ku zimanê kurdî ne zimanê rojane ye li bakurê welat e. Lê ji aliyekî dî her ku diçe ji sedema xurtbûna hesta bindestiyê û şêwazên nû ji bo pêdakirinê kurdî dîsa hebûneke xwe heye. Lê Şen li ser vê yekê dibêje: "Zimanê rojane tirkî ye. Heta tirkî be dê bişaftin û xwebişaftin hebe û zêdetir tesîra xwe bike li ser zimanê kurdî. Û bi têkçûyîna zimanê kurdî, mayîna nasnameya kurdî jî di bin metirsiyeke mezin de ye" Şen careke dî dubare dike.

Evînî

Li ser rewşa xwe ya kesî, Şen dibêje ew di hesreta evîneke kurd û kurdane de ye û hestên xwe wiha tîne ziman: "Carek min bi siyasetmedarekî naskirî li ser vê yekê gengeşiyekê kir. Min jê re qala evîniyê kir û min got "nabe evîndarê min bi kurdî nezanibe". Piştî ku siyasetmedar gote min "karê te dijwar e, tu nikarî yekî wisa ku bi dilê te ye jî bibînî". Min lê bersivand ku nexwe ez dixwazim heta dawiya temena xwe bi tenê bim".

Paşeroj

Ji qisetên Xece Şenê diyar dibe ku TZP-Kurdî plan û bernameyên xwe yên hêvîdar heye: "Em dixwazin akademiyeke zimanê kurdî damezrînin li Amedê. Ji bo lêkolîna ziman û wêjeya (edebiyata) kurdî. Herwisa em dixwazin mamoste bigihînin da ku ew jî şagirtan fêrî kurdî bikin". Şen herwisa dibêje ku rêxistina wê niha amadeyiya çalakiyeke mangirtina (greva) xwendekarên kurdên li dibistanên tirk dike. "Hefteya pêşîn a sala nû ya perwerdeyî, em ê zarokên xwe neşînin dibistanan. Hefteya duwem jî em ê li bajarên cuda-cuda xwepêşandan li dar bixin. "Reng e van xwepêşandanan dîsa tekîldariyeke mezin ji aliye gelê kurd bîbinin herweku di yekem xwepêşandana ji bo zimanê kurdî a di meha 6an a borî jî girseyek mezin bi beşdariya xwe piştgirî nîşan dabû.

Nazdar: bo watkird bo?

2008-09-23T10:43:00.006+02:00

RûdawNêt Hewlêr - Le çend rojî rabirdû (çend roj berê) klîpî 'Ey bo watkird bo' (Ey te çima wiha kir çima?) le kenale asmaniyekanî (li qenalên ezmaniyan) kurdî pexşkira (hat pexşkirin) ke kiçe goranîbêjî (stranbêj) bakûrî kurdistan Nazdar legel goranîbêj Goran Saleh pêkewe (pêkve, pevre) gutuwiyane (gotin).

Lew klîpe da (Di wê klîbê de) Nazdar le ezmûnêkî nuwê da goraniyekey be soranî‌u be hawbeşî (hevbeşiya) legel goranîbêjî gencî hewlêrî Goran Saleh gutuwe (gotiye).

Le nawerastî mangî (meha) 8, Nazdar yekemîn‌û nuwêtirîn (nûtirîn) elbûmî xoy (albûma xwe) be nêwî (bi navê) 'Hey dunyayê' le Kurdistan û derewey (derveya) Kurdistan bilawkirdewe (belav kir) ke lelayen (ku ji aliyê) kompaniyay hunerî Çwarçrawe çap‌û bilawkirayewe (hat çap û belavkirin).

Rûdaw.net

Şivan distirê: Xewna min...

2008-09-19T20:29:00.004+02:00

Xewna min - Sivan Perwer

Bila herkes heta sibê bêje "tema dengê Şivan nemaye", bila heta sibê hezar xeletiyên wî bihejmêrin, ji bo min qet watedar nîn e, nayê wateyek. Ez ji niha ve bi heyecan im ku ez ê sibê êvarê li bajarê xwe, Maastricht, qasî se'etek dilê xwe rehet bikim bi deng û awazên mestirîn hunermendê me, Şivan Perwer...

Bila her bijî mamoste Şivan...

Yek ji xweştirîn stranên Şivan Perwer bi we re pay dikim..

Sîdar

Di festîvala Lawê Salê de, baştirîn law dihê xelatkirin

2008-09-18T20:03:00.005+02:00

Rûdawnet - Hewlêr Di festîvala Lawê Salê ê salê de, Wezareta Werziş û Lawan ya Hikumeta Kurdistanê, xelatê dide baştirîn lawê salê.

Ji bo duwemîn sal, Wezareta Spor û Lawan a Hikumeta Kurdistanê mezintirîn festîval a “Lawê Sal” ê li êvariya roja 23/12/08 û di ahengeke cemawerî de, sazdike û kesên serkeftî jî xelat dike.

Rûdaw.net

Xelatê lawê salê van warên jêrî bi xweve digire;

1- Xwediyê pêdawistiyê taybet.
2- Edeb “Hozan, çîrok û roman”.
3- Hunera mûzîk û stranê.
4- Hunera şêwekarî bi hemû şêweyên xweve digel dizaynê.
5- Hunera sînema, drama û ekterî.
6- Dahênana zanistî.

Merc û pêvanên beşdarbûyan bi vê şêweyê ye;

1- Kesê navzed kirî, kurdistanê be, çi li nava herêmê be yan li derve.
2- Kesê navzed kirî, di warê xwe de xwedî nexş û berhemê nayab be.
3- Temenê kesê navzedkirî di navbera 14- 30 saliyê da be.
4- Zanyariyên temam û bi dukomênt li ser kesê navzedkirî amadebin.
5- Aliyekê bawerpêkirî berhema wî bi dukomêntt nirxandibe.
6- Berhema desnîşankirî di ti derfetên din de nehatibe xelatkirin.
7- Navê temam, edres û jimareya telefona kesê navzed kirî aşkira be.
8- Di her warekî de, kesek dihê xelatkirin.
9- Diyarkirina dîwana wezaret û ferhengxaneyên wezaretê û rêveberiyên werziş û lawan li sercem bajar û bajarokên kurdistanê û malpera wezaretê û e-maila contact@mosy-krg.org . tikaye li serdêra e-mailê binivise xelatê lawê salê ji bo peywendîkirinê ye.
10- Roja dawiyê ji bo peywendîkirinê 30/11/2008.

Keçikên Serêkaniyê

2008-09-17T22:30:00.004+02:00

Wextê çavan dineqînin dilê lawan dihelînin...

Alî Merdan - Ay Çendim Xoş Ewê

2008-09-16T12:26:00.008+02:00

Ji deng û awazên hunermendê nemir Alî Merdan, straneke evîndarî...

Gotinên stranê him bi tîpên latînî, him jî bi tîpên erebî di klîbê de cîh digirin. Sipasiyeke taybet ji bo 'Smmko'yê li ser Youtube ku çendîn stranên hunermendên kurd ên mezin tomar kiriye û ligel gotinên stranan bi cîh kiriye ser netê... Klîbên dî dikarin bi riya vê adresê bên dîtin: http://nl.youtube.com/user/Smmko

Ji Sîdar: Werin xizmeta bloga kurdî bikin...

2008-09-14T14:05:00.007+02:00

Malpereke nûçegihan ne, pir in. Malpereke siyasî? No, ji wan jî me gelek hene, belkî jî zêde. Malpereke rêxistinî? Nexêr, ew jî na.

Bi raya xwendevanan, bi raya ezbenî, bi raya herkesî ku dizanim kes dema wî tune ye ku malpereke dî ku seredana wê qet neke li favoriyên xwe zêde ke. Bi raya herkesî ku min jê agahî standine, baştirîn tişt ew e Çakbînî.com bibe weblogeke baş a ciwanan.

Pêwîst e naverok diyar, armanc xuyayî be. Herwiha xwenasînek hebe baş e. Ez bi xwe, bi barê ku vêga di stûyê min de ye, nikarim di van mehên pêş de portaleke mezin a ji bo ciwanan pêk bînim. Ji vê re dem divê, destjêberdana hin projeyên min ên mayî ku ew jî kevirok in di dîwara xizmeta kurdan de divê. Ez nikarim vêga wî bikim.

Çakbînî.com li gor hêza xwe serkeftî bû û serkeftî ye. Beşa soranî-kurmancî tekildariyeke baş dibîne, klîb gelek tên temaşekirin û bi giştî tekildariyeke mezin ji fikir û ramanên ciwanan re tê nîşandan.

Guman li ser tunebe wê Çakbînî serkeftî bimîne jî. Lê bila malpera Çakbînî karên xwe bidomîne wek 'weblog'ek. Tiştê herî di cîh de, tiştê herî baş ew e.

Lewre blogên bi zimanê kurdî kêm in. Hebin jî (Çakbînî tê de) tijî ne bi nivîsarên ku di malperên asayî de jî derdikevin.

Divê ciyawaziyek hebe.

Çakbînî bila be 'Rojnivîska Serxet a Ciwanên Kurd'. Bila jiyana rojane ya ciwanên kurd ên çar aliyên cîhanê bîne ziman. Bila cîh bide mijarên ku hêj bi zimanê kurdî ser nehatiye nivîsandin. Bila kêşe û kêfxweşiyên ciwanan nîşan bide. Bila bila bila!

Şêweya ku ez dibêjim şêweya ku min pê nivîsarên xwe yên dawî nivîsandine ye. Mebesta min li vir, nivîsarên ku bi peyvên 'Ji Sîdar' dest pê dikin.

Hêviya min ew e çend ji nivîskarên xwe qayîl bikim bi wê yekê ku ji niha pê de nivîsarên taybet ji Çakbînî re binivisînin û vê yekê bi şêweya 'blogê' bikin...

Ciwan paşeroj e paşeroj geş e!!!

Sîdar Bengîn Epozdemir
Sernivîskarê Çakbînî.com

Kasara kurd bû cîhanî

2008-09-13T22:43:00.003+02:00

Sînemekara cîhanî a biyat Kurd, Emîre Kasar, li festîvala sînemaya Vînîsiya ya Îtalaiya bala wênegiran kişand, dema ew bi xwe û tîmê fîlmê wan yê nû (Ev şeve) gihşte festîvalê ku yeke ji wan fîlmên hilbijartî ji bo wergirtina xelata şêrî zêrîn ê festîvalê.

Emîre Kasar ekterek a binyat kurde, rûniştvana welatê Brîtaniyaye. Li 1/7/1971 ji bavekî Kurd û dayikeke Rûs ji dayik bûye. Emîre li Brîtaniya û Êrlende mezin bûye. Destpêkê weku nîşandana cilûbergan ji aliyê wênegir Hêlmot Nîwtin dahênanên wê hatine aşkrakirin. Emîre Kasar beşdarî li zêdetir ji 30 fîlman de kiriye û di bêtiriya wan de rola serekî lîztiye, ta niha çend xelat bi dest xwe ve înane.

Rûdaw.net

Barîna Helbestê

2008-09-05T14:30:00.004+02:00

Di royên tengezariya germa havînê de,
Di wextên sev kurt, roj dirêjtir de
Di ezmanên bi bêhna binefsan de,
Sînga te bû nîsangeha min,
Û min jî pênûs lê çikand.

Ferzan Şêr

(ji bo berdewamiya helbestê, bitikîne...)

Me tengezarî kire sahî,
Me sev kurttir, roj dirêjtir,
Û binefs zêdetir,
Xewn sîrîntir kirin.
Her ku tu bi dilê min ve hatî,
Her ku te destê min mizda,
Û da ber berpala sînga xwe,
Ez bûm helbest
Û li te bariyam.

Ferzan Şêr

Hozan Serhat

2008-09-02T12:41:00.003+02:00

Payîz e

Ji bo xwendevanên ku nikarin têkevin Youtûbê:

Lê Dayê

Lé Dayé - Hozan Serhat

Dengî gîtar daway dillî jinan e

2008-09-01T00:24:00.003+02:00

Korsî fêrbûnî gîtar ke 3 sale le layen Nawendî Fêrbûnî Roşinbîrî û Hunerî ser be şarewanî Erxenî bakûrî Kurdistan berêwedeçê, le layen jinanewe begermî pêşwazî lê kira.

L'ew 160 kesey le mawey (di demeke) 3 sallî rabirdû beşdariyan l'em korse da kirduwe 105iyan jin in. Rûken Demîr ke yekêk e le (yek e ji) serperiştiyaranî korseke raygeyand ew amêrey (amûr) ziyatir le hemû amêrekanî dîke gencan arezuwî lê deken, amêrî gîtare "ew denganey le têlî gîtar derdekewin guzarşt le daxwaziyekanî jinan deken".

Rûdaw.net

Rûken amajey b'ewe da ke behoy "koneperestî komelayetî" jinan l'ew pêşkewtinane bêagan û behoy asankariyekanî şarewanî le koy 160 kes 105 jin b'ew hunerewe xerîk (gîro) in. Demîr amajey b'eweş da ke le beramber (li himber) "tûwandinewey neteweyî da pêwîst e le hemû layenekanî jiyan da dengî xoman berz bikeynewe", gutîşî (herwiha got) "min 3 sale dême ew şuwêne, jinan zor begermî pêşwazî le kare huneriyekan deken, eger pêwdange feodaliyekan nemênin, ewa daxwaziyekan ziyatir (bêhtir) debin".

Sereray ewey rîgey piyawan ziyatir kirawetir (vekirîtir) e, ke çî rêjey ew jinaney rûdekene fêrbûnî mosîqa le piyawan ziyatir e. Zor l'ew kiçaney l'em korsane beşdariyan kirduwe, be zehmetiyekî zor xêzanekaniyan razîkirduwe rîgeyan pê biden beşdarî biken. Demîr basî l'eweş kird ke jinan bo fêrbûnî gîtar amadeyiyekî zor nîşan deden û êsta tîpêkî pîşegeriyan damezranduwe.

Kurd PR-ê nizanin...

2008-08-31T01:32:00.006+02:00

Dema ku dibêjim PR, qesta min 'Public Relations', ango bi kurdî -ger şaş nebim- 'Peyvendiyên Gelemperî'. Baş e çî ye PR?

Ezbenî bestî be rastiyê bêje ne tenê têgehek e, belku hunerek e jî!

(...)

Ji bo berdewamiya nivîsarê, bitikînin...

Sîdar Bengîn Epozdemir

Bitikîne

Ji Sîdar: Dawî lî gera min tê, lê Çakbînî dîsa dest pê dike...

2008-08-28T22:47:00.004+02:00

Niho li Îzmîrê me û sibê vedigerim mala xwe. Bi gotineke din ji sibê pê ve jiyana min a rojane dîsa dest pê dike: kar, xwendin, nivîsandin. Herwisa nûkirina webloga Çakbîniyê jî!

Ku qala şûnên ku min dîtine bikim belkî nivîsarek têrê neke! Ji ber wê yekê pêşî dixwazim wêneyan belav bikim. Dû re ez karim hin ceribandin û serpêhatiyên xwe bi xwendevanên hêja re pay bikim...

Ev dem, hemû dema we xweş, geş û çakbîn...

Fermo ligel wêneyên gera min a li Tirkiyeyê û Kurdistanê (başûr Û bakur)...Bitikînin...

Sîdar Bengîn Epozdemir

Xwezayiya Kurdistanê li baxçeyek: bajarê Wanê...

Wezîrê Rewşenbîrî Felakeddîn Kakeyî...

Geliyê Elî Beg...

Parka li himber bajarê Soranê...

Parka Mînare li Hewlêrê...

Nivîsgeha rojnameya Rûdaw li Hewlêrê...

Rûreşî: li welatê xwe ye lê nikare navê sîteya xwe deyne 'Welat': diçe dûv re 'W'yê temam dike...

Hesenkeyf...

Têketina axa 'piçek'-azad :))...

Ji Sîdar: Atîna germ e, xweş e... [WÊNE]

2008-08-11T18:48:00.012+02:00

Li Atîna me, paytextê Yewnanîstanê. Îro çûm serdana Akropolîsê bikim. Bû minasebet ku ez gelek wêneyên xweşik bikêşînim. Di bin ve nivîsara xwe de ez wan dîmenan belav dikim ji xwendevanên hêja re.

Li Atîna ez îro pê hesîyam ku rûye min dişibe yewnaniyan.

Piştî ku çend car hin yewnan silava xwe bi zimanê xwe dan min, min got gelo eger ez îro hemû roj ji hemû kesên ku rastî min dibin re bêdeng bim gelo dê çend kes dîsa bi yewnanî dest bi axaftinê bikin bi min re. Mecbûr bim rastiye bêjim hema bêje hemû yewnanî gotin qe ez jî ji wan im. :-)

Ne xem e. Piştî min got ez kurd im, xwe dixistin bin ax û xwelî ji min re. Bawer bikin hinek ji dijayetiya tirkan bûn.

Ji bilî vê balkêşiyê tiştekî din pir seyr bû. Monûmenta Akropolîs insanên ji çar aliyên cîhanê dikêşiya xwe. Bi guhê min çend ziman ketin, ingilîzî, ingilîziya emirîkiyan, fransizî, ispanyolî, îtalî, zimanekî slavî (ku ez wan zimanan nikarim qenc jev cuda kim) û holandî. Bi rastî jî Akropolîs hêjayî dîtinê bû. Herçiqas kêfa min zêde neyê ji temaşekirina avahiyên kevnare, dîsa jî bi çuyîna xwe kêfxweş bûm.

Ha, tiştekî din jî hebû, min îro ala rengîn dît li balafirgeha Dusseldorfê. Di logoya şirketeke seferî ya kurd de hebû û li ber nivîsgeha vê şirketê aliqandî bû.

Li heman balafirgehê min tabelayeke hêşyariyê dît, ser de bi tirkî ´Dikkat´ hatibû nivîsandin. Wek hûn dizanin ji 3 mîlyon zêdetir tirk hene li Almanya û heçku welatê wan nîn e li balafirgehan bi zimanê xwe tên hêşyarkirin. Gelo em ê kengê lêdaneke tam kurdane bixwin? Haja we jê ye? Nabêjim perwerde jî, hema bila lêdan be, bi kurdî dijûn bêne avêtin pêşveçunek e!!!!

Ala rengîn jî tabelaya 'Dîkkatê' jî belav dikim...

Sibê derbasî Lesvos dibim, ji wê jî îdî berê xwe didim Tirkiyeyê. Diçim havîngeha bi navê Dîkîliyê.

Heta blogeke din bimînin di xêr û xweşiyê de.

Fermo ligel wêneyên ku min îro kişandine...Bitikînin...

Sîdar Bengîn Epozdemir

Ji Sîdar: Min daye rê, ez diçim bigerim...

2008-08-10T17:40:00.002+02:00

Min daye rê îdî, bes e. Piştî ku heval, hogir, nas û hezkirî ez ji hesûdan teqandim min jî berê xwe daye rê û di vê meha pêş me de ez ê ji xwe re bigerim.

Aachena ku ez niha li wê me tê de, ez ê biçim Atîna Yewnanîstan, Dîkîlî, Îzmîra Tirkiyeyê û bajarên kurda weke Diyarbekirê, Zaxok, Hewlêr û Silêmaniyê. Belê, îsal diçim başûrê welat jî.

Sedema çûyîna min -bi taybetî ya ji bo başûrê Kurdistanê- beşek ji bo gerê, beşeke girîng jî ji ber karên rojnamegeriyê ye. Me ligel çend hevalan biryar daye ku em ji meha 10an pê ve rojnameyeke kurd a profesyonel û serxet ava bikin û bi rê ve bibin. Ji bo vê min çend hevdîtin plan kirine, ez ê çend hevpeyivînan jî çêkim bi kurdên cûrbicûr. Dema dibêjim cûrbicûr, wate ew e ku ferq nake rewşenbîr bin, nivîskar bin, yan karmend bin, bêkar bin...

Ji bo berdewamiya nivîsarê pêl kin...

Me divê çîroka rojane ya kurdan bi holandiyan bidin fêmkirin. Me divê ewan me baş fêm bikin da ku bibin layengirên kurda.

Ji bo vî jî eger xwendevanên me hebin li Tirkiyeyê, li bakur an başûrê Kurdistanê, ku divên çîroka xwe pay bikin bi holandî wate ewropiyan re, bila bi me re peyvendî danin: cakbini@gmail.com .

Wekî dinê, min niyet e ez bi taybetî li ser gera xwe ya Kurdistanê tiştine binivîsim û ku ji destê min hat divêm van nivîsan bi wêne û dîmen bixemilînim.

Lê anha hêj diyar nîn e bê derfet dê çi bin.

Heta blogeke dî, ligel vê strana xweşik a Koma Kamkaran bimînin di xêr û xweşiyê de...

Sîdar Bengîn Epozdemir

Lobiyekî Kurdistandost le Ewrupa

2008-08-07T22:27:00.006+02:00

Zor kes basî giringî hebûnî lobiyekî Kurdistandost le Ewrupa da dekat. Ezîş l'ewe da legel ew zor kesane da hawram, çunke rastî ewey ke zorbey ew biriyare giringe siyasiyaney le wilatanî ewrupî da dedrên, derencamî ew guşaranen ke lobiyekan deyxene ser biriyarderekan, pêwîstî be lêkolînewey qûl bo lêtîgeyştinî niye. Belam têgeyştin l'ewey ke çon çonî lobiyek drust debê‌û duwatirêş ew hemû karîgeriyey leser hikumet u perlemanekan debê, basêke ke pêwîstî be têraman e.

Hêmin Ebdulla

Ji bo berdewamiya nivîsarê, pêl kin...

Lobiyekan zortir le encamî pêwîstîhebûnî girupêk bo parastinî berjewendiyekanî wilatêk, gelêk, kompaniyaiyek, partêk yan hendêk car yaneyekî werzişî‌sazdekirên. Karî ew lobiyaneş guşarixstinêkî dîplomatîk û zor car dîmokirasîyane ye bo ser nêwendekanî biriyar ta ew biriyaraney ke deyden le berjewendî ew girupane da bin ke lobiyekan‌ kariyan bo deken. Belam guşarsazkirdinîş karêkî asan niye, çunke zorcar hendê biriyarderî uriya û aza naçine jêr barî guşarekanewe. Boye lobî naçar in ke teniya pişt b'ew endamaneyan nebestin ke xoyan xizandote şuwêne hestiyarekanî nizîk le biriyarderekanewe. Belku le rêyî mêdiya û pêwendiye cemaweriyekanîşewe (Public Relations)‌kar le ray giştî biken, ke be bê ewey xoşiyan pêyî bizanin, bibin be hêzî guşar û beşêkî‌lobiyeke!

Le Ewrupa zor kompaniyay taybetî şîretkarî hen ke rêga b'ew girupane nîşandeden ke le hewlî sazkirdinî lobî dan. Ew kompaniyayane ke nadewletîn, ezmun û pisporêtî defroşin û eger zanîşiyan kiriyarêkî çakît xoşiyan lobîstî çakit bo debîninewe. Lobîstekanîş kariyan sazkirdinî lobî u dozînewey endamî nuwê‌debêt.

Min agam l'ew hewlane ye ke le Emrîka bo sazkirdinî lobiyekî hawşêwe bo Kurdistandostekan dedrêt, lê le ewrupa nembîstuwe ke hîç hewlêkî wa hebêt. Belam eger hat û rojêk le rojan Hikumetî Kurdistan yan her girup û partêkî wilatdost, bîrokeyekî uway kirde amanc û penay weber ew kompaniya şîretkarane bird, ba bîrî neçêt ke ew rastîaney xwareweyan sebaret be kurdanî ewrupa pêbilêt:

- Revendî kurdî le Ewrupa le ruwî jimarewe revendêkî çikole niye. Bo nimûne le elmaniya nizîkey milyonêk kurd dejîn. Le wilatanî dîkey ewrupîş herçende hêndey elmaniya kurd zor nîn, belam gelek kemtirîş nîn.

- Kurde ewrupiyekan hewldeden ke nasnamekeyan biparêzin û hendêcar karêkîş bo nasandinî dozekeyan biken. Bo nimûne suwêdinşînekaniyan twanîuiyane dewlet razîbiken ke piştîwaniyekî şiyawî bas le birewdan be kulturekeyan bikat. Le wilatanî dîkeş be sûdwergirtin lew yasayaney ke bo parastinî mafî kemînekan hen, kor û komelî kurdî, be hawkarî darayî ew dewletane dademezrên. Ew kor û komelaney ke eger rûdawêkî giring ruwîda, endamekaniyan ko dekenewe û leser şeqame nazdarekanî ewrupa da bedem rêpêwanewe hutafî dûbare buwewe dekêşin!

- Kurde ewrupiyekan parastinî ziman û ferhengî xoyan zor be l'awe giring e. Boyeş zoriyan pêyiyan çaktir e ke hemîşe, sereray nakokî ye zor û zebendekaniyan, be yektiriyewe serqal bin û rû l'ew diniyay dereweye neken ke reng e ewey ataturk neytwanî be tund û tîjî lêyiyan bistênê, ewan be dostayetî lêyiyan birfênin! Herboyeş‌eger beşêkî zoriyan paş salanêkî dûr û dirêj dû ristey rewan be zimanî wilatî duwemiyan nazanin û bo raperandinî karêkî sadeş kun be kun be duway wergêr û dostî zimanzan da degerên, nabê pêtan seyr bê!

- Turkekanî Ewrupa ke rikaberî serekî kurdan in l'ew şere dîplomasiye ayindeyiye da, roj be roj lobiyekaniyan behêztir deken. Ewan be helbijardinî dêmokirasiyane, endamekaniyan degeyenine perleman û deyanken be dengî karîger. Le mêdiyakanda nivîskarekaniyan debine sernûserî rojnaman û goşenûsî çak. Fîlm u mozîkiyan seyrîdekirê û qise û basî leser dekirê. Le beramberîşda kurdekan ke teniya le rêpêwankirdinda azan, ke rêpêwanêk sazbiken, girupêkiyan deçin û ewî dîke baykotî dekat. Ke ahengiyan kirdin zû zû deyken be şere çeqo û egerîş wîstiyan binûsin, ewe yan le Paltalk yanîş le malperêk da kat û uzey zêrîniyan be hêrîşkirdine ser yekdî be fîro deden!

- Kurdekanî Ewrupa, be hoy dûreperêziyanewe le civakî ewrupî ta iêstaş neyantwanîwe ew wêneyey ke debuwaye sebaret be dozekeyan le zeynî Ewrupiyan da biçespê bîxulqênin. zorbey ewrupî ke bîr le Kurdistan dekenewe, yan nawî pekekey le dewlet yaxîbuwiyan! Yan dête zeyn, yanîş delên: ewane daway dewletî xoyan deken u nayandenê.
Belam ke bîriyan bo nimûne be lay Rwanda da bçêt, ewe girte be girtey fîlmî 'Hotêl Rwanda'yan dête pêşçaw ke ektere rwandayiyekey nawî serincî hemû diniyaî be lay wilatekeyda rakêşa.

Zor be kurtî: eger xwastêkî rast hebêt, sazkirdinî lobî karêk‌niye ke nekirê. Belam amadekarî zor û pişûdrêjiyekî çakî dewêt. ‌

Hêmin Ebdulla

Ev nivîsar berê di hejmareke kovara Rûdaw de derçûbû.

Ji awazên hunermenda dengxweş Sosin: Rêka min dûr e...

2008-08-04T21:30:00.006+02:00

Çakbînî îro klîba hunermenda dengxweş û ciwan Sosin a bi navê 'Rêka min dûr e' pêşkêşî xwendevanên hêja dike.

Ji bo xwendevanên ji welatên ku Youtube lê hatiye qedexekirin, em lînka imeem.com jî datînin...

Fermo, hûn û derd û kulên hunermend Sosin...

Sosin - Rêka min dûr e

Ji Sîdar: Nivîsara min a yekem, 'Adar'

2008-08-03T23:02:00.010+02:00

Îro dema ku min înboksa e-maila xwe piçek sererast dikir ez rastî yekem kuncnivîsara xwe bûm ku di dema xwe de di malpera Netkurdê de derketibû. Nivîsar li ser meha Adarê ye. Eger dirust bim nivîsar piçek jî kesî ye, lê xem nîn e. Ji bo min pir balkêş bû ez yekem nivîsara xwe berhev daynim bi nivîsarên ku ez van rojan di netê de bi xwendevanan re pay dikim.

Sedem giringiyê ez li vir nivîsarê bi hemû şaşîtiyên yên xwe di warê rêzimanî û rastnivîsî de belav dikim...

Bi hêviya ku bibe sedema pênûshilgirtina çendîn gencên dî ku xwe tevlî civaka zimanheziyê bikin...

Sîdar Bengîn Epozdemir

Adar

Adar e. Mehêk e ku ne kêfa min jê re tê, ne jî nayê. Wek şexs, ji alîyêk ve ez xem dikim ji bo bapîrê xwe, yê ku di roja 12mîn a vî mehê çû ser dilovanîya xwe, lê ji alîyêk ve jî, ez rojbîna xwarzîya xwe yê ku di eyni rojê ji dayîk bûye, pîroz dikim. Wek Kurdêk, ez Newroz pîroz dikim, lê melheza sedan zarok dikim ku nikarin cejna Kurdan pîroz bikin.

Ji bo berdewamiya nivîsarê pêl li vir bike...

Adar e û, befir dibare! Dema diçim male, di otobusê da ez temaşe derve dikim dema ku em disekinin ber ronahîya trafîkê. Inca ez dibînim ku tişt çawan spî bûne. Dar, ban, çîmen. Dêyêk keça xwe di berfê da kaş dike. Zarok ji şahîyan nizane çi bike. Tam di vî deqqê da, mp3 ya min strana Şivan li ser Helepçe pêşkêş dike ku ez guh bidim. Û ez melheze sedan zarok dikim ku nikarin tema jîyanê derxînin.

Adar e û, adar mehêk e ku me Kurdan tîne ba hev. Em bi hev ra Helepçe bi bîr tînin, berîya ku em bixêrhatin didin e salêkê nûh. Di vî sala nuh da, ez bawer dikim pevajoyên gelek girîng di pêş de hene ji bo Kurdan.

Adar e û, ez ji xwe pirs dikim, çi kêm e di jîyana min da? Piştê ku min nota Şivan a dawî seh kir, mp3 ya xwe digirim,. Û pê ra bersiv distînim. Li pişt min, keçkêkê Çînî bi zimanê xwe bi hevala xwe ra dipeyve. Temaşe nava otobusê dikim. Nasyonalîteyên cuda hene. Çave min li jinkêkê bi emir dikeve, û ez ji xwe pirs dikim, dibe ku ew jî Kurd e? Çiqas rengê dapîra min dide.

Adar e, û ew tiştê ku tune di jîyana min, cîyêkê azad e ku ez bikarbim Kurd bim. Ciyêk ku ez bikarbim têde bi Kurdî bipeyvim, govend bigirim, binîvsînim, helbestan çêkim, stranan bêjim, bigirîm û bikenim. Di welatê ku ez têde dijîm (Holanda) van azadîyen min hene. Lê ez dizanim ku ez van azadîyan zêde bikar naynim. Ji ber ku domedarê min tijî nasyonalîteyên bîyanî ye di nav welatêk ku esas welatê min nine.

Dema ku ez digihêjim malê ez şa me ku dê û bavê min li wir in. Bi kurdî silav didim wan û em ser masê rûtinin. Piştê xwarinê ez bi baz diçim jor, ku ez fekrime nuçeyên dawî li ser Kurd û Kurdistan. Li sîteya Rizgari.org rastê nivîsa Hatice Yaşar dibim. Gotina wî ya dawî min zehf tesîr dike.

Yaşar dibê: “Pewîst e her Kurdêk tenê yek slogan bikarbîne. Ez Sevra xwe dixwazim!

Inca ez hîn dibim ku çi kêm e û ez çi divêm di jîyana xwe da.

Ez Sevra xwe dixwazim. Ez Kurdistana xwe dixwazim!

Sîdar Bengîn Epozdemîr
sidaro4@hotmail.com

HSV Hamburg nirxî van der Vaart be 13 milyon diyar dekat

2008-08-02T19:33:00.004+02:00

Yaney (koma, taqima) Hamburgî elman amade ye estêre (stêrê) holendiyeke bidate yaney Real Madrîdî Îspanya.

Duway (Piştî) ewey le yekem hêngaw (gav) da îdarey yaney Hamburgî elmanî dawakariyeke yaney Real Madrîdî Îspanya retkirdewe (rêd kiribû), ke (ku) bo kirîn van der Vaart yarîzanî (lîstbazê) holandî pêşkêş kirdibû, berpirsan ew yaneye biryarî xoyan (ya xwe) gorî (guhert) û êsta (niha) amaden (amade ne) ew yarîzane bidene Real Madrîd.

Rûdaw

Ji bo berdewamiya nûçeyê pêl li vir bike...

Rojnamey 'Bild'î elmanî leser zarî berpirsanî Hamburg rageyand ke amaden beramber (himber) 13 mîlyon Euro dest le (ji) van der Vaart helgirin (berdin), bepê (bi ya) ew rojnameye Hamburg be kêmtir l'ew nirxe amade niye hîç wûtûwêjêk (gotûbêjek) legell îdarey Real Madrîd bikat.

Van der Vaart (25) bepê bondêk (peymanek) ta sal 2010 yarîzanî Hamburgî elmanî ye.

Rûdaw

No qoment...

2008-08-01T21:48:00.003+02:00

Bi rastî jî: no qoment....

Ciwanên kurd û Özz Nûjen

2008-07-31T21:20:00.005+02:00

Me got ku çima nivîskarên jin kêm in, her hinekan ji xwe re li tembûrekê xist; şaş fahm kirin, -çi bi nivîskî û çi jî bi devikî- bi tekirmeyan hatin me. Him mêr û him jî jinan berê tîrên xwe dan me û li ser destî berdanê. Em çi bikin? Me jî got ku berdinê bavê mino, berdê… Hestiyê zimên tune ye.

Lê xweş bide dewsa guleyan, xweş nabe dewsa gotinan…

Baş e, em bibêjin ku em pêşiyê li jinan digrin da ew bi pêş de nekevin û di civatê de nebin xwedî şexsiyeteke xurt, le ciwanên kurd? Kê rê li ber wan girtiye ku ew daxilî cîhana nivîsê nabin? Heger hûn bala xwe bidin rojname û kovarên kurdî, heger hûn bala xwe bidin roman û çîroka kurdî, hûn ê bibînin bê çend xort bi vê meseleyê re eleqeder dibin.

Enwer Karahan

(ji bo berdewamiya nivîsarê, pêl bikin)

Di vî warî de kanbaxiya herî mezin jî li Ewrûpayê û nemaze jî li Swêdê heye. Her çi qasî li Swêdê ziman û edebiyata kurdî bi pêş de ketiye û gelek nivîskar û navdar derxistiye jî gava ku em îroj li vê rastiyê dinêrin, ew di derûdoreke teng de û di himêza çend kesan de maye. Ez îstisnayan nizanim lê mirov nikare çar xortên kurd li Swêdê bibîne ku ew bi nivîs û edebiyata kurdî re eleqedar dibin. Ez bawer nakim ku ew bi kurdî jî dixwînin. Yanî ew hesasiyeta ku li hemberî axaftina kurdî tê nîşandayin, ji sedî pencê wê ji bona nivîsîna kurdî nayê nîşandayin.

Bi baweriya min ev meseleyeke cidî û civakî ye ku divê ji hêla ilmî ve li ser wê bête sekinîn, lê rastiyek heye ku tu kurdekî/ê rê li ber xortên xwe negirtiye ku ew bi nivîsa kurdî ve danekeve; bileksê wê ye ku gelek kes mihawele dikin da ciwanên kurd daxilî jiyana nivîsîna kurdî bibin. Alîkariya wan tê kirin ku ew di vî warî de bi cesret bin û ew teşwîq bibin.

Ev nayê wê maneyê ku ciwanên kurd ji heqê vî karî dernakevin, lê ew ji xwe re nakin kar û zorê nadin xwe. Ew bi rêya herî hêsan, yanî bi rêya zimanê civata ku ew lê dijîn tevdigerin û hin ji wan bi wî zimanî dinivîsin jî.

Di meselya nivîsîna kurdî de Özz Nûjen nimûneyeke hêja ye ku xortên kurd ji xwe re wî bikin rêber. Teva ku ew di cîhana kultur û hunerî ya Swêdê de xwedî cîhekî gelekî baş e jî ji demekê û vir de ye ku ew bi kurdî maqaleyan dinivîse û li gora qaweta xwe dixwaze ev ziman bibe zimanê wî yê ragîhandina fikrî. Ew bi vê helwêsta xwe tesîreke gelekî pozîtîf li ser xortên kurd dike ku ew li şêrîniya zimanê xwe hay bibin.

Di van salên dawiyê de ciwanên kurd di civata Swêdê de –nemaze jî di seheya kultur, huner û masmediyayê de- roleke gelekî baş dilîzin û ew xwedî tesîreke baş in. Mirov kîjan kanala radiyo yan jî televîzyonê vedike, miheqeq li kurdekî/ê rast tê. Ev yeka hanê bi qandî rehma Xwedayî kêfa mirovî tîne, loma jî îmajeke kurdan ya baş bi saya serê xortên me çêbûye. Em di vî warî de ji wan razî û bi wan serbilind in, lê em piçekî jî ji wan digazinin ku ew mîna Özz Nûjenî bi xurtî li zimanê xwe bixwedî dernakevin.

Him di meseleya jinan de û him jî di ya ciwanan de, divê kesên xwedî tecrube ji wan re bibin alîkar ku ew li ber barê vî zimanî rabin. Heger xort û jin bi awayekî aktîfî piyên xwe nedin ber vî barî, em ê di bin de bitewin. Em ê têk neçin lê zahmet e ku em bi awayekî xurtî vî zimanî dewrî qirnên li dû xwe bikin. Loma jî pêwîstiya me bi çend xortên din yên nola Özz Nûjenî heye ku ew qelemên xwe bilind bikin û bêjin, “Em li vir in!”.

Sibat, 2006

Enwer Karahan

Ev nivîsar berî du sal hatibû weşandin di netê de. Bersiveke bo bersiva nivîsareke dî ya birêz Karahan bû: binêr nivîsara Aryan Akrayî.. Ji ber giringiya wê û bi destûra nivîskar Karahan, em îro dîsa belav dikin.

Ji Sîdar: Polonyayî ji Şehrîbana Kurdî hez dikin: xeber bidinêê!! [VIDYO]

2008-07-30T19:31:00.001+02:00

Biratî ne, mirov biratî bi birayên xwe yên rasteqîn dike, wate: ez bira me bi hewlêriyek, mahabadiyek, efrîniyek û hwd. hwd.

Lê hevaltî gelek bi dilê min e! Min divê hevaltî bikim bi kesên rengûreng, bi xwediyên çandên cuda-cuda. Herwisa ez hevaltiya di nêvbera gelê kurd û hemû gelên cîhanê de tenê daxwaz nakim, lê şert jî dibînim ji bo pêşerojeke geş a Kurdistanê.

Vêca ku ez li welatekî weke Holanda me, bextewarî ew e ku gelên cûrbicûr rastî min dibin heroj. Li vir tirk hene, mixrîbî (ereb) hene, sûrînam hene, kurd jî tabî hene. Herwisa di van dawiyan de, bi taybetî bi têketina Polonya ya nav Yekîtiya Ewropayê girseyek polonyayî belav bûne li rojavayê Ewropayê yani li Holandayê jî.

Li cîhê ku ez niha kar dikim, magazaya IKEA-yê jî çend polonyayî kar dikin. Peyama wan ji we re heye. Ew ji mûzîka kurdî, lê belê bi taybetî ji hunermendeke kurd a navdar hez dikin.

Bifermin:

Kurdistan Kerkûk e Kerkûk Kurdistan e!

2008-07-28T19:06:00.002+02:00

Îro li başurê Kurdistanê bajarê Kerkûkê di êrîşeke terorîstane de herî kêm 25 kurd jiyana xwe ji dest da û herî kêm 100 kes jî birîndar bûn.

Kurd li dijî paşdexistina hilbijartinên herêmî û ligel vê yekê jinûvedabeşkirina hejmarên kursiyan li gor prensîba 32-32-32-4 ku bê pesendkirina kurdan li parlamentoya Iraqa Federal hat erêkirin xwestin nerazîbuna xwe bi xwepêşandanek demokratîk nîşan bidin.

Ednan Yildiz

Bi lihevkirina partiyên kurd ku dixwazin Kerkûk bi Herêma Kurdistanê ve were girêdan û ji bo madeya 140 biqêrin di meşê de buyera teroristane qewimî.

Dijminên kurdan ku girêdana Kerkukê ji bo herêma Kurdistanê naxwazin êrîşa bêbext û li dijî mirovatiyê pêk anîn.

Dijminên kurdan divê bizanibin ku kurd bi êrîşên wilo bêhtir xurt dibin û ji her demî bêhtir bihêz in.

Em wek xebatkarên malpera KurdWEBB lanet li vê êrîşa bêbext, hovane u li dijî mirovatiyê dikin û ji şehîdên Kurdistanê re rehmet,ji birîndaran re tenduristiyê dixwazin.

Kurdistan Kerkûk e Kerkûk Kurdistan e!

Bijî Kurd û Kurdistan!

Ednan Yildiz
Edîtorê KurdWEBB

Kurdwebb.com

Beşî sêyemî Gerdelul destî pê kird

2008-07-26T23:55:00.000+02:00

Celîl Zengene be Rûdawî rageyand (ragihand) ke (ku) destîkirduwe (destpêkiriye) be karkirdin le beşî sêyemî zincîredramay Gerdelul.

Duway (Piştî) kotayîhatinî (bidawîhatina) beşî duwemî zincîredramay Gerdelul û ew hemû nusînerexneyey ke be duway (paşî) xoy (xwe) da hêna (anî), dest be beşî sêyemî kirawe (hat kirin). Celîl Zengene derhênerî dramake l'ew barewe (le ser wê yekê) be Rûdawî rageyand "Sûdim (Îstîfade, sûd) le hemû ew rexnane bînîwe ke arastey (di derbarê...de) dramake kiran (hatin kirin) û henûke serqalî nûsînî sînariyo beşî sêyem, hewl dedem sînariyoy beşî sêyem zor ciyawaz (cuda) bêt le beşî yekem û duwem". Zengene sebaret (di heqê...de) be xerciyekanî beşî sêyemîş gutî "Kurdsat bêxemiyan kirdûm le xerciyekanî".

Hendêk lêktirekanî ew zincîredramaye legel derhênereke têkçûn û nayanewêt beşdarî biken. Zengeneş (Zengene jî) amajey b'ewe kird bê ewey hokarekey rûn (ronî) bikatewe "çend kesêkiyan xoyan nayanewêt beşdarî biken, çend kesêkîş xom beşdariyan pê nakem".

Le heman kat da (Di heman demê de) neygut kam hunermend le beşî sêyem da rolî serekî debînêt, belam kesêkî nîzîk le Zengene utî l'ewaneye Cîhad Dilpak û Wenewşe rolêkî serekî werbigirin". Derhênerî Gerdelul ke hêşta sînariyoy beşî sêyemî tewaw nekirduwe, nazanê key (kengê) beşî sêyem wênedegîrê û nîşandedrê (tê nîşandan) "carê sînariyoyekem tewaw nekirduwe, ke tewawim kird ew kat zanyarî urdtir (wêvetir) dedem".

Rûdaw.net

Kurdên ji derveyî welatî û lawazbûna zimanê Kurdî li def zaroyên wan

2008-07-25T22:00:00.007+02:00

Gotineka kurdî dibêjît 'ziman kilîla her dergehekî ye'. Ziman di nava kelturî(Tore) de cihê herî giring digirît. Eger civakekî zimanê xwe ji dest da, hebun û kelturê xwe jî dê ji dest det. Lê mixabin zimanê me bi dirêjahiya salan di bin zordariyê da maye. Evê çendê kartêkirineka reşbîn(negetîf) li ser zimanê kurdî kiriye, wek mînak: kurdên başûr û başûrrojava gelek peyvên erebî bi kar diînin, kurdên bakur demê dipeyvin dengê peyvên Turkî mirov dibihîze û rêjeka mezin jî nizanin bi zimanê xwe bipeyvin û kurdên rojhelat jî herwesa di nava zimanê kurdî da peyvên farsî bi kar diînin. Baş e kurdên ji derveyî Kurdistanê dijîn çi zordariyek li ser e?

Hekîm Hirorî

Lê mixabin Kurdên li derveyî welatî dijîn bêy ku zordariya ziman li ser hebît ne boyne rêxweşker ji bo ku zarokên wan ferî zimanê kurdî bibin. Sexmeratî vê çendê jî ew daxaza dibistanên zimanê kurdî ji boy zarokên xwe naken. Ji xwe rêjeka mezin ji kurdên Kurdistana bakur hema nizanin bi kurdî bipeyvin. Tinê kelturê turkî di mêşkê wan da yê zindî ye. Gelek ji wana şanaziyê bi zimanê Turkî diben û şerm diken bi zimanê xwe jî bipeyvin. Herçend e kesek zoriyê li wan naket ku bi zimanê xwe baxivin. Eve jî ji sedemê nezanînê û ne kurdperweriyê dihête encamdan.

Bila em ji nimuna turka fêr bibîn, ka ew çewa li gel zaroyên xwe bi zimanê turkî diaxivin û çanda xwe di parêzin. Gelek kurdî bi zimanên biyanî li gel zaroyên xwe diaxivin. Li vêrê eve dibîte arîşe û asteng ji bo wî zarokî ku fêrî zimanê kurdî bibît. Lê bila ew baş bizanin zimanê me hebûn û nasnama me diparêzît.

Eger mirov pêşbîniyekê biket piştî 20 salên dî ew zarok dê mezin bin û zimanê xwe jî baş nizanin. Goneha van zarokan çî ye? Kî berpirsiyar e ji bo vê çendê? Ev zaroke dê çewa şên çanda xwe parêzin, kelturê xwe zanin yan mêjoya xwe bo kesekî şirove ken?

Min bi xwe gelek genc yêt dîtîn heta nuke neşiyane (nekarîn, edt.) derbirîneka sade bi zimanê xwe biken. Peyvên zimanên biyanî dikene di naf zimanê kurdî da. Ji ber ku lawazbuna zimanê kurdî kartêkirin li ser wan kiriye ta ku ew peyvên biyanî li gel yên kurdî têkel biken.

Bi vî rengî hestê netewî, dilsoziya welatî û hezjêkirina welatî ji bo van zarokan nabîte mereq yan cihê serinçrakêşiyê. Ji ber vê çendê ew neşên hest pê biken aya boçî me welat nîne, kanê alayê me, kelturê me yê çewaye û heta domahiyê. Ez dibînim eve jî coreke asîmîlasyonê (helyan) ye ku tête encamdan bi destên day û babên wana û revenda kurdî ji dervey welatî. Gotineka kurdî dibêjît "kirmê darê her ji darê ye". Eve jî wê çendê radgehînît ku em bi xwe ziyanê di gehînîne netewa xwe.

Baş e ev xemsariye ji çi eger peyda boye? Hestê netewî yan nezanîna day û baban boye asteng ji bo vê çendê. Gelo eger mirov bêjît ew rijêmên welatê me dagirkirîn zimanê me jî asîmîle û qedexe kiriye. Ma ne eve dojminên çand, keltur, ziman û mêjoya me ne.

Baş e çi berawurdî di navbera wan rijêmên zimanê me qedexekirî û wan day û babên xemsariyê di zimanê kurdî da ken heye. Li vêrê diyar dibît ku day û bab sedemên herî mezin in ku zimanê kurdî li def zarokên wana yê lawaze. Di naf hemî civakan da genc stûneka bingehîne. Ew zarok piştî çend salan dê rastî qonaxa gencatiyê hêt. Baş e wê gave ev gence dê bîte stûneka bingehîn ji bo welatê xwe.

Çareserî ji bo vê kêşê ew e ku day û bab bibine hander ji bo ku zarokên wana kurdî baştir bizanin û zimanên biyani di malê da nehêne bikarînan. Rêxistinên sivîl û partiyên siyasî yên kurdî bi harîkariya revenda kurdî kursên zimanê kurdî û bingehên kelturî damezrînin. Bi van mêtodan (rêkan) ew dê hem fêrî zimanê xwe bin û hem jî dê baştir welat û kelturê xwe pênaseken.

Hekîm Hirorî

----

Hekîm Hirorî dê ji ha paş car carna ji bo malpera Çakbînî binîvise li ser mijarên curbicur. Birêz Hirorî dê bi devoka xwe, bi devoka behdînî nivîsarên xwe binivîse û hestên xwe bi Çakbînan parve bike. Hirorî, ku di sala 1981î de hate dinyayê ji sala 1995î vir ve li Holanda dijî û li wir xwendevanê peymangehê yê di beşa Endaza Avakirinê de.

Bixêrhatineke germ li birêz Hirorî dikin û dibên ser xêrê be...

Ji Sîdar: Erdogan, Nazêya 11 salî û canfedayiya wê...

2008-07-24T23:55:00.000+02:00

Şev dereng e, ez ê beriya razanê serpêhatiyeke piçûk bi we re pay bikim kurt-kurmancî.

Duhî ne pêr ez bi Nazê re, bi keça xizmeke me re di trêne de bûm. Rêvingîtiyeke 2 demjimêr nîv hebû li ber me. Karê min li bajarê ku em ber pê diçûn tenê ji bo demjimêrek hebû, ji lewre vegera me ya 2 demjimêr di nav de, bi tevahî em 5 se'et di trênê de bi hevre bûn.

Nazê dibistana seretayî dixwîne, 11 salî ye. Li vir mezin bûye, li vir xwendiye. Holandî baş zane, lê zimanê xwe yê dayikê jî ihmal nake. Heta-heta, Nazê ji min re hêrs dibe dema ku di e-mailan de ez sipasiya xwe ya bi kurdî bi peyva 'spas' der dibirim.

"Xalo ewa xelet e! Mirov 'sipas' wiha dinivîse..."

Di trênê de me li ser cûrbicûr mijar gotûbêj kirin. Nazê karatê dike, herwiha dersên şanoyê jî digire. Inca dor hat, wê xewneke xwe, ya ku çend roj berê dîtibû bi min re pay kir:

Nazê: "Xalo ez dikarim xewneke xwe bi te re pay bikim, lê ji kesî re nebêje ha!"

Min tabî soz da ku ez ji kesî re nebêjim û nabêjim jî...:-))

"Kerem ke canê."
"Berê çend roj min xewneke nexweş ku di heman demê de xweş bû dît, " Nazê got.
Min got: "Xewna çi bû, ka bêje ji xalê xwe re."
Nêrî çavên ezbenî û got: "Xalo Erdogan heye ya, Erdogan. Ez rastî wî bûm di vê xewnê de."
"Baş e tiştek got ji te re," min jê pirsî.
Got: "Belê Xalo, gote min 'ez ê Kurdistan bidim gelê te, bila ava bibe, lê bi yek şertek'."
"Çi bû ew şert?"

"Gote min 'bi şertê ku ez ê canê te ji te bistînim'. Û tu dizanî çi Xalo can? Min ê vê pêşniyara wî qebûl bikira eger di rastiyê hatiba gotin..."

Demek ez mat mam, min nezanî ez çi bêjim. Dû re ji bilî maçkirina herdu dêmên Nazê ji ber vê gotina hestyar serbilindiyeke bêhempa kete dilê min û min nefeseke kûr sitand...

Paşî şikur tiştek kete bîra min ez bêjim û min lê rehet kir: "Gula min, bawer ke pêwîst nake kesek jî ji me bimire. Mirin tenê ji ber temen tiştekî normal e. Înşallah wê roj bê ku ez û tu em ê bi hevra siwarî vê trêna hanê bin û ber bi welatê xwe yê azad rêvingîtiyeke dûrûdirêj bikin..."

Baweriya min ev e...

Sîdar Bengîn Epozdemir
sidaro4@hotmail.com

Ji Sîdar: Paintball, lîstikek, lê hevrûkirinek jî

2008-07-21T22:26:00.008+02:00

Paintball sporek e. Li Hollanda pir cîhê xwe girtiye wek calakiyeke ku genc grûb-bi-grûb dikin. Bi giştî em karin jê re bêjin 'şerê boyaxê'.

Lewre mirov bi çekên ku top-bi-top boyax tê de heye li hev dide. Kê lekeyek hebe pêdivî ye lîstîkê terk ke. Heta ku lîstbazê/a dawî ma ser piyan, ew ê ku hîç lekeyeke wî nîn e.

Vêca lîstik lîstik e.

Ji bo keyfê ye û piştî bidawîhatina lîstikek mirov diçe mala xwe û tu bandoreke wê ya ciddî ji bo jiyana miro ya rojane nîn e. Tevî ku belkî ne di cîh de be jî, li ba min berhevdanîneke bi şerê azadîxwaz a kurdan çê bû dema em roja şemiyê ji bo 'Cejna Bêkariyê' ya Erîk çûn Paintball bilîzin...

Ji bo pereyeke nezêde mirov diçe ba 'navendeke lîstikan' û li wir çekek û çend topikên tijî boyax ku dikevin nav wê çekê wek gulle kirê dike. Dûv re, rêberên wê navenda lîstikan qala hin giringiyên di derbarê ewlekariya te de dikin. Piştî vê, ew mirov dişînin zeviyek û li wê kom beramber kom şerê boyaxane didin destpêkirin...

Gava ku li mirov tê dan mirov ji bo çend çirke bêçare dimîne. Belê lîstik bi boyax tê lîstin, lê belê topik hew çend hişk in ku dema ku li bedena mirov dikeve, şûna wê çend roj diyar dimîne. Li ba ezbenî jî jixwe hal-mesele ev e.

Inca ez bawer im, neçariyek di wê gava ku ji bo cara pêşîn ez xistim de dirust bû û tevî ku ew gav çirkeyek domî jî li ber çavê min şerê gerîlla û pêşmergeyên me yên azadîxwaz derbas bûn...

Ew ê ku ez dikim rehet e. Wordê vedikim, wek mirov şûşeyeke şerab a taze veke û dest bi nivisînê dikim bêtirs, bêminnet û bi serekî rehet. Dikarim di nîvê de bihêlim, biçim derve ji xwe re bigerim, dîsa bêm li ser bixebitim: "kêf kêfa min e".

Li ew ê ku ew dike ez nikarim.

Niha wekî prensîb, wek insanek ez li dijî kuştinê me. Kuştina kî dibe bila be. Di encamê de insan têne kuştin. Ji bo dozeke heq û pîroz jî be ez li dij im. Bi taybetî li dij im gava ku rê û rêbazên dî li holê hebin ji bo çareseriya pirsgirêkek.

Ligel vê, heta niha ez tucar ji vî yan wî aliyê jî nebûm.

Îdeolojiyên partiyên heyî û yên ku hebûn ne bi dilê min bûn, yan şerên navxweyî û şerma ku jê pêk hat viya nehiştin.

Lê baş bizanibin xwendevanên hêja, min rêzeke bêdawî û taybet heye ji bo wî kurê çeleng yan wê keça hêja ku bi dilsozî, bi armanca giyanfedayiya welat û niştîman li serê çiyê bi çek digere û bêtirs di barana gulleyan de bi rê ve diçe...

Ji bo wî ne xem e îdeolojî wiha be, yan wiha be. Yan jî dîroka partiyek reş be, spî be. Ew ji ber welatparêziya xwe xwe mecbûr dibîne wî karî bike.

Em ji hev cuda ne ji ber ku ez ne bi gulleyan, lê belkî ji topikên boyaxê jî ditirsim. Bêtirsiya min tenê di nivisînê de tê pêş.

Lê belê em yek in ji ber ku îlham û armanca me yek e.

Kurdistan e, Kurdistan e, Kurdistan e...

Sîdar Bengîn Epozdemir
sidaro4@hotmail.com

Ji Sîdar: Ewropiyên 'birêz' jî hene

2008-07-20T15:35:00.007+02:00

"Yaw babo Ewropa jixwe bihuşt e" yan "Êêê, Ewropa xweş e, yan Kurdistan xweş e?" yan jî "Ewropî gelek vedixwin, xumarê dilîzin û pir ji rayê derketî ne" ango "Nebî qurbana Ewropiyan li wê haaaa"....

Li vir ji ev gotinane re termek heye. Xwendevanên ku li Ewropa dijîn vêga dizanin. Ew peyv peyva 'klîşey' (cliché) ye. Ango gotineke klasîk e, gelek tê gotin bê ku nêzîkî rastiyê be.

Roja înê, duhî û îro ez li Utrecht (Utrecht) bûm. Hatibûm ji bo 'Bachelor Party' ya destgirtiyê xuşka hevalên min ên pir nêzîk û kurd. Nizanim mebesta min ji Bachelor Party diyar bû yan na, lê em hama bêjin rojeke ligel zavayê êbê ye ku weka roja dawî ya wî weke bêkarek tê nirxandin.

Roja dawîn ku azad bû ango...

Inca roja dawîn a zavayê me yê bi navê 'Erîk' (mebest li vir ne meywe/fêkî ye haa, navek e) bicoş derbas bû. Hevalên wî gelek tişt birêkxistibûn, wekû şereke boyaxane (paintball). Di derbarê vî şerê qirêj :-)) de hûn karin bi riya vî linkî tiştekî bixwînin.

Divêm bala xwendevanan bikişînim li ser bîrhatineke min ku duhî bi hevalên Erîk re çêbû...

Hevalekî Erîk hebû ku iddia dikir ku di jiyana xwe de dilopek alkohol jî venexwaribû.

Tevî ku bi şev hemû heval tiştên cûrbicûr vedixwarin û bi vê yekê dînitiya di nav dilê xwe de derdixistin pêş, ji bo vî hevalê navborî hîç hewce nebû û karim bêjim ku zêdetirîn bal li ser vî zilamê bûn li pîsta govendê...

Inca dema min pirsî ka gelo çima venaxwe wî li min bersivand, got: "Kêfa min nayê jê re. Ez tênagihêm ka çima xort divên vexwin da ku piçek vebin. Ez jixwe dîn im."

Û rast bû jî.

Di jiyana rojane de ev heval bazirganekî serkeftî bû di karûbarên teknîka ceriyanê de.

Lê duhî bi şev kurik bû 'dîn, weke deriyek' çawaku holandî tînin ziman.

Mebesta min ew e, tevî helwesteke li dijî giştîkirin û li dijî axaftinên bêbingeh ku li vir, yani li Ewropa jî insan hene. Û xortên ku bibawerî rabin bêjin "ez venaxwim ji ber ku kêfa min ji alkoholê re nayê" jî hene yani.

Pêşkêş e ji bo kesên ku ewropî tenê wek insanên hov, bêusul, bêrêz, wahşî dizanin...

Sîdar Bengîn Epozdemir

Êdî Perwerdehiyê de yekemînê Colemerg jî heye

2008-07-17T13:07:00.004+02:00

Li Colemerg azmuna ku dibistana navîn dikevinê azmuna bi navê OKS(hîndekariya navîn de hilbijartin û bicîkirin) de xwendekarekî çolemergî sed pirsa jî rast bersivand.

Alî Emre Aydogmuşê Colemergî nav yekemînên azmuna OKS de cihê xwe girt,li dîroka perwerdehiya Colemerg bû yekemîn.

Êdî Perwerdehiyê de yekemînê Colemerg jî heye...

Kurdwebb.com

Ji Sîdar: Çar Newa hat û çû; Çakbînî û gencên wê kêf kirin

2008-07-14T23:18:00.011+02:00

Performansa Çar Newayê dikariya gelek gelek baştir jî bûya li gor raya kurdên beşdar, lê bi giştî 'şeva kurda' li Neymêxin (Nijmegen) bi coşane derbas bû.

Wêne: Ciwanên kurd Sîdar Bengîn Epozdemir, Keko Kaya û Saman Berzencî li festîvala ku Çar Newa lê beşdar bûbû...

Wek me berê jî gotibû ji bo çend roja bajarê holandî ya Neymêxin (Nijmegen) bûbû navenda Holandayê ji ber 'Festîvala Meşa Çarrojî'. Di çarçoveya vê çalakiyê de çar roj ser hev xort, kal, kur keç lê leşkerên ji hemû aliyên dunyayê jî (!) dimeşin û dimeşin û dimeşin. Tiştê ku bala mirov dikişîne li Neymêxinê ew e ku trîbûn, yani cihên runiştinê yên taybet bo temaşevan hebûn.

Werhasilkelam kes hene ku kêfa wan tê seyrî kesên dî bikin ku gav-bi-gav bi rê ve diçin. Yani helal be ha!

Berî û piştî ku koma Çar Newa derket DJekî kurdî yî bi navê DJ Cuwan Xelîl jî derket ser dîkê. Mala wî jî ava; li gor temaşevanan tevgeriya, stranên ji her çar parçeyên welatê me yê birîndar lê pîroz pêşkêşî me kirin.

Şev bi coş, bi kêf, bi govend û halparke, bi awazên xweş ên folklorî, lê bi stranên kurdî yên modern jî derbas bû û hêjayê gotinê ye ku gelek kurd jî lê beşdar bûbûn.

Çar Newa bi raya min xerab nebû, bes rexneyeke min ku hebe ew bû ku hinek stranên hêdî ango bêjin melankolîk jî gotin. Di eslê xwe de tiştekî xerab nîn e û pêwîst e kurd jî êdî fêr bibe ku di dinyayê de ji govend, dîlan û halparke pê ve jî tiştin hene, lê ji bo wê şevê, wê hewayê îdî di cîh de dibûya eger koma Çar Newa stranên xweş û bitempo bigotaya. Gelek kes xwedî vê rexneyê bûn li ahengê.

Xem nîn e; me bi hevalan re gelek demeke xweş derbas kir. Hinek ji wan me zû de nedîtibûn, hinek ji wan jixwe em herroj dibînin û têr nabin ji wan, lê belê hinek ji wan jî ku ne li wê bûn şûna diyardeya wan gelek-gelek xuyayî bû...

Çibkin ku ezbenî îro û, ne tenê îro lê em hama bêjin tevahiya jiyana xwe li xerîbiyê derbas kiriye. Ev yek. Û inca weke kurdek. Ev didu.

Dema xerîbî û kurdîtî bi hevûdu digihên, insanekî gelek hestyar dirust dibe û tê holê...

Ji bo vê jî, ez karim bêjin, şevên wekî şeva yekşemê ji bextewartirîn gavên jiyana min in.

Ligel heval hogir, ligel girseyek kurd, ligel mûzîk û kultura kurdî û xemilandî bi govenda kurdî...

Çawa mirov li Kurdistaneke azad be...

Bila her bijî zimanê kurdî, çanda kurdî, welatê kurdan Kurdistan...

Sîdar Bengîn Epozdemir

(Not: Ha, hêjayê gotinê ye ku em li Neymêxin rastî Diyako, Zimnako û diya wan jî bûn. Vê carê piçek şerm kirin bi rastî; yani ne bû nasîb em dîsa kurdî biaxifin. Bila be, em kurdîaxaftin nekin tiştekî pir normal :)) )

Çakbînî li Nijmegen e!

2008-07-13T15:32:00.005+02:00

Ji bo mayîneke durojî malpera Çakbînî.com li Nijmegen e da beşdarî festîvala 'Çar Rojî' be. Ev festîvala ku pirçandî ye, bi boneya meşa çarrojî ku salane li Nijmegen (Neymêxin) tê lidarxistin tê amadekirin. Lê cûre-cûre hunermend ji welatên cuda-cuda beşdar dibin ji bo ku stranên xwe yên cîhanî pêşkêş bikin û bi vê yekê re hêza stranê bi gelemperê bidin hiskirin...

Îro bi êvar koma Çar Newa jî derdikeve ser dîkê. Tabî paşî hûn karin di Çakbîniyê de nûçeyek di derbarê vê performansa wan de bixwînin...

Ji niha ve em Youtubek dîsa bi we re pay bikin. Strana 'Taxa Jêrê' ya Çar Newa ya ku ji bo xatira Ahmet Kaya hat çêkirin û wergerek e ji strana wî ya 'Arka Mahalle'...

Pêşkêş e bo xwendevanên me...

Sebra Mala Rojîn derket!

2008-07-13T15:28:00.003+02:00

Rojîna hunermenda kurd klîba xwe ya nû derxist û em li vir vê klîbê pêşkêşî xwendevanên xwe yên dilsoz dikin.

Bila pîroz be li Rojîn xan, em serketinê jê re dixwazin.

16. Çalakiya Helbest û Çîrokan ya Hüseyin Çelebî

2008-07-08T14:27:00.007+02:00

16. Pêşbaziya Çîrok û Helbestan a Huseyîn Çelebî ku ji aliyê Yekîtiya Xwendekarên Kurdistanê-YXK’ê ve tê lidarxistin, mercên wê yên beşdariyê hatin aşkerekirin. Pêşbaziya îsal di 5 ê Gulanê de dest pê kir û kesên bixwazin beşdarî pêşbaziyê bibin divê heta 15’ê Tebax a 2008’an berhemên xwe bişînin navenda YXK’ê. Merasîma 16. Xelatên Wêjeyê yên Huseyîn Çelebî wê di 1’ê Mijdar a 2008‘an de li bajarê Elmanya Frankfurt’ê pêk were.

Mercên beşdariya pêşbaziyê:

- Zimanê tevlibûnê kurdî (kurmanci, dimilkî) û tirkî ye.
- Divê berhem beriya pêşbirkê li tu cihî nehatibin weşandin.
- Beşdar dikarin herî zêde di qada helbestan de bi 2 helbestan û di qada çîrokan de
jî bi çîrokekê beşdar bibin.
- Beşdar berhemên xwe divê bi kurtejiyana xwe re herî dereng heta 15’ê Tebaxa
2008’an an bi riya poste an bi riya e-mailê bigihînin destê lijneyê.

Endamên juriyê:
Di qada helbesta kurdî de: Jana Seyda, Arjen Arî, Ehmed Huseynî
Di qada helbesta tirkî de: Zerrîn Taşpinar, Huseyîn Ferhad, Ronî Margulies
Di qada çîroka kurdî de: Xelat Ahmed, Firat Cewerî, Cîhan Roj
Di qada çîroka tirkî de: Evrîm Alataş, Yildirim Turker, Murat Uyurkulak
Helbest û çîrokên dimilkî: Kamer Soylemez, Haydar Diljen, Îlhamî Sertkaya

Berhemên xwe bi e-mail an jî postê bigihînin vê navnîşanê:
Hüseyin Çelebi Edebiyat Etkinliği
Postfach 290227
50524 Köln/Almanya
Email: info@yxk-online.com

www.yxk-online.com

Gencê kurd di hilbijartinên AC Mîlanê de bû yekemîn

2008-07-06T22:57:00.003+02:00

Gencê ercîşî Orhan Pala li Stenbolê di hilbijartinên AC Mîlanê de di nava temenê xwe de bû leyistikvanê yekemîn. Orhan di Îlonê de diçe Îtalyayê.

Orhan Palayê 11 salî ji Ercîşa bi ser Wanê ye hat Stenbolê beşdarî hilbijartina fûtbolê yên tîma navdar AC Mîlanê bû.

Orhanî ji destpêkê heta dawîyê bala herkesî kişand û di encamê de di nava 11 salîyan de weka leyistikvanê herî baş hat hilbijartin.

Li gora dîtinên hevkarê AC Mîlanê yê Tirkîyeyê leyistikvanê kevn Tanju Çolakî, Orhan leyistikvanek bilez e, bi topê û bê topê zû ye, zû difikire, bi asanî leyistikvanê hemberî xwe li pê xwe dihêle û berê xwe rast dide qalê. Tanju Orhanî dişibîne leyistikvanê binavûdeng Messiyî.

Dê Orhan di meha Îlonê de tevî sê leyistikvanên dinê biçe Îtalyayê û pênc roja beşdarî antremanên Mîlanê bibe. Heger li wê jî bê ecibandin mumkine Orhan li Îtalyayê bimîne û bibe leyistikvanê AC Mîlanê.

Netkurd.com

Loke ji dolman hez dike

2008-07-04T21:08:00.005+02:00

Loke keçeke stiranbêj ya nû derketiye û bi niyaz e di dahatûyeke nêzîk de yekemîn berhema xwe belav bike.

Ev demekî kin e ku Loke dest bi strangotinê kiriye, piştî bernameke hunerî di Roj Tv ê de çend stiran li gel stiranbêj Heval Îbrahîm got, bername bi vîdiyo li malpera You Tube hate bicîhkirin, ku ew malpereke cîhanî ye û rojane 15 milyon kes lê temaşe dike.

Klîbeke Loke xana hunermenda kurd

Loke Zahir ku bi temen 20 salî ye, xelka bajarê Silêmaniye û niha li Siwêsra dijî, ji sala 2004 ve dest bi stirangotinê kiriye, li piraniya aheng û bîreweriyên kurdên Ewropa de beşdarî kiriye, lê ta niha çi berhemên wê belav ne bûne.

Di derbarê wê de dibêje "niha li gel çend hunermendên mûzîkjen ez mijûla çend berheman im û di van nêzîkan de CDyekî belav dikim". Weku ku Loke bi xwe dibêje, huner xewneke mezin bû, ji bo wê ji her ji zarokî ve hewil daye pera bi dengxweşiya xwe bide, di derbarê navê xwe de dibêje "dema ez zarok bûm ji min re digotin tu gelek nerm bûyî. Wî wextî xuşkeke min a mezin hebû, min ji diya xwe re got, ew ji min re dibêje Loke, êdî ji wir ve nav li min kirin Loke". Derbarê xwarinên ku Loke hez jê dike de wê got "hez ji dolman dikim".

Rûdaw.net

Baxan şewaney xoy (strana xwe) bilaw dekatewe

2008-07-03T08:50:00.006+02:00

Berêweberî kare huneriyekanî kiçe goranîbêj Baxan ke be "şacwanî xoşewîstî" nasrawe (naskirî ye) be Rûdawî rageyand ke bemzûwane (zûtirîn dem) goranî (şewane, stran) î baxan klîp dekirêt (tê çêkirin), ke le honrawey (helbest) Renc Sengawî û awazekey lelayen (ji aliyê) Helkewt Zahîr û dabeşkirdin muzîkiyekeşî lelayen Hêmin Husên encamdirawe (hatiye encamdan).

Klîpekeşî (klîb jî) ke dîmenekanî le Kurdistan û Holenda gîrawin (hatine girtin) lelayen şoreşvan Sidîq Şêro derhênrawew (hatiye derhênan), le ayindeyêkî nêzîk da (di demek kin de) bilawdekirêtewe (tê belavkirin).

Klîbeke berê ya Baxan: Gerryam (tb. ango ev ne klîba nû ya navborî ye)

Rûdaw.net

Tîma Garan a Neteweya Tirk

2008-07-01T18:53:00.003+02:00

Hemû Tirkiye dev ji kar û barê xwe berdane,li Şampiyonaya kûpika Euro 2008ê qefilîne.

Tîma Neteweya Futbol a Tirk bi şensê xwe beşdarî kûpika Ewropa 2008 bû,dîsa li turnûvayê di maça ku lîstin de bi şensekî mucîze bi ser ketin.

Maça bi Swîsre lîstin pêşî golek xwarin,gola bihevrebûnê avêtin û di deqeya dawî de jî goleke mucize avêtin û 2-1 maçê sitandin.

Maça bi Komara Çek re lîstin heta deqeya 75ê Komara Çek 2-0 li pêş bû. Bê çawa bû,Tirk 15 deqeyan de 3 gol avêtin Çekan. Ev tiştekî anormal bû li turnûwayeke hewqas cidî de.

Derketin çarikfînalê bi Hirwatîstan re rastî hev hatin,maç li 90 deqe bê gol bihevre ma û maç dirêj bû,li deqeya dawî a dirêjbûnê Hirwatan gol avêt û her kes jî wiha bawer dikir ku maç ê wilo biqede.Çawa be kulî carek di ceniqî,du cara di ceniqî di cara seyemîn de di hate girtin.Lê tirk saniya dawî de bê çawa çê bû golek avêt û maç ma ji penaltiya re. Hirwatan bi vê moralxerabûnê penaltî avêtin û bi ser neketin.. Tirk derketin nîvfînalê...

Şensê tirka li vê turnûwayê bi peyva ne dihat watedarkirin... Me tu peyv nedît lê Sîrwan H. Berko gelek xweşik vegotîbû: Heger tirk li maça Almanya jî bi ser keve em ê bêjin Xwedayê gokê Tirk e!...

Ednan Yildiz

Li nîvfînalê bi Almanya re rastî hev hatin.Berî maçê faworî Alman bûn.Tirk li turnuwayê maça herî baş lîstin lê vê carê şens ne bi wan re bû. Deqeya 86 tirk gol avêtin û maç bû 2-2.Me go ji xwe maç ê dîrêj be lê deqeya dawî 90 de Almanan gol avêtin û derketin fînalê...

Ez dixwazim hinek li ser psîkolojiya tirka bisekinim û Tirk-kiye analîz bikim.

Dema saeta maça wa hat hemû Tirkiye dev ji kar û barê xwe berdidin û li ber ekranên televziyonê ji bo tîma xwe dia dikin…

Pişt têkbirina tîma neteweyîekî, tirk derdikevin kolanan û har dibin, dirûşmên nijadperestî qîr dikin.Firotona ala tirka ya ku xwînê temsîl dike di rojekê de digihêje asta rekorê.

Cihê çûyînê ji bo ku Vîyana bû çapemeniya tirk şibandina ‘’dorpêçkirina Viyana’’ dikirin .Hêstên tirkan jî zû ve ji van nuçe û şîroveyên nijadperest re amade bûn…

Pişt têkbirina maçekê, Viyana dorpeçkirin û cihê ku bav û kalên wan ên emperyal Osmanî neçûne, wan temam kir û ruhê wan şad kirin…

Serokê Federasyona Futbol a Tirkiye di beyanatekê de dibê ‘’em piştî vê maçê karin pasaportê xwe bi şanazî li dinyayê nîşan bidin’’… Mêro qebul dike heta vêga ew bêrûmet,bêşeref bûn,di maçekê de ji van tiştan rizgarbûna xwe ferz dike…

Li çapemeniya tirk derket ku hinek meleyên tirk bi cemeetê re ji bo tîma neteweyî bi ser keve ketibûn ber dia ya. Hinek nivîskarên tirk ên paşverû jî şensê Tirkiyê bi gotina ‘’hatiye xwendin’’ eşkere kirin…

Li qulibeya yedekan de sendelîkek ji wêneyên Atatirk re amede kirine û wilo Atatirk wan temaşe dike... Gokbaz soz dane Atatirk.Heger maçê nestînin ‘’welatê ku atatirk ji ciwana re emanet kiriye’’ ew ê îxanet bikin…

Em karin tirkan bişibînin garanê. Ji dîrokê wir de tirk weke peza ne û ji garanbûna xwe kêfxweş in,tû pirsgirêka wan bi rêweberiya wan re tûne ye. Li şexsê wan de tîma futbolê weke garanekê neteweya tirka temsîl dike...Li ser garanê bi navê Fatih Terim ku ji dola Asenayê ye, gurek heye.Guro bi hêstên nijadperestî garana xwe motiveyî maça dike…

Tê bîra me,maçeke tirka hebû û parlamenterê Dtpê Sirrî Sakik beşdarî vê maçê bûbû bi navê parlamenter li cihê şeref trîbûnû runiştibû. Fatih Terîm peyre hatibû û dema Sirri Sakik dîtubû ji tribûnê derketibû…

Fatih Terim hevalê nêzî Memet Agar e,dewleta kur de li ser beşa sporê de ev gur tê…
Em ne li dijî sporê ne. Em li dijî vê ne ku sporê dixin navgîna faşîzmê.

Tîma Rusya li dijî Hollanda bi ser ket û li ser tîma Rusya teknîk dîrektorekî Hollandî,Hîddînk hebû. Hîddînk profesyonelek bû û tîma Hollanda bi destê welatîyekî xwe têkçûn. Hollandî li Hiddink çavekî profesyonel meyzandin.

Maça Almanya-Polonya jî li atmosfereke germ hate lîstin; ji bo ku Nazîyan li poloniyan nijadkujî kiribûn.Li tîma Almanya gokbazekî esil Polonî hebû bi navê Podolsky. Gokbazê esil Polonî gol avêt Polonya. Reaksiyona Poloniyan di hat fêhm kirin lê Polonî dîsa tofan ranekirin.

Gelo di rewşa Poloniyan de tirk hebûna dê çikiribana em karin texmîn bikin...

Em dibînin ku tirk li sporê ji ruhê fair-playê dur,li cîhanê jî bi nijadperestiya xwe bêhempa ne…

Çawa dibe ku bi milyonan fanatîk bi zanîbûna roja were ê herin karê xwe û dîsa heta şevaqan ji xwe derbas dibin,ji bo maçekê dest tavêjin çekan û li navenda bajaran canê mirovan qet ne xema wa ye,bajaran dikin weke meydana cengê…

Li Kurdistanê ji xeynî polis û leşkeran ji bo pîrozkirina maça tirkan hindik be jî dîsa hinek kurdên bêesil li balkon û baniyan çekan berdidin…

Meydana Taksim ji bo pîrozkirina maça holîgan û ewareya re vekiriye,ji pirozkirin jî derdixin erîş didin ser biyaniyan û keçikên turîst…

Çima Taksim ji holîgana re vekiriye çima li 1 Gûlanê de ji bo Proleterya girtî ye?

Bersiva vê pirsê ev e:
Rojek rojnamegerekî Spanyol ji faşîst diktator Franco re vê pirsê dike: ’’Hûn vî welatî çawa bi vî awayî bi rê ve dibin?’’ Bersiva Franco gelek hêsan e: Bi kurtasî dibe
‘’Rêbazê 3 F’ê’’

1-Futbol
2-Fîesta(kêf,şahî,party)
3-Fihuş

Bêguman rêveberiya Ewropayî wê demê de bi tîpa F destpêdikir: Faşîzm.

Ewropayî îro bi piranî hatin xeta demokrasiyê.

Dewletê ku dinya ji paş ve temaşe dikin,wek Tirkiyê rêbazên 3 F herî baş li dar dixin.

Ji nişkê ve mêjiyê mirovan bi fanatîzma futbolê di tewizînin,ji nişkê ve jî faşîzm-nijadperestî dixin navgîna politikayê.

Serdestan dixwazin mirovên bêfikir,itaatkar, wek peza sernerm damezrînin…

Em karin vî navî li wan bikin:

Tîma Garan a Neteweya Tirk!

Ednan YILDIZ
adnanyildiz@kurdwebb.com

Nobedarên Azadiyê

2008-06-30T08:53:00.002+02:00

Ji destpêka dîroka mirovahiyê heta roja îro herdem mirovên serhişkê jiyanek azad derketinin, herdem tolhildêrê pêlek bayê bi rûmet derketinin. Van kesan parastina rûmeta mirovan û civakê ji xwere kiriye kar û bar.

Mîna gelek mirovan çavê xwe ji ber rojê ne giritinin,
wan dilên xwe ji tîrêjên rojê re vekirinin,
xwe wek mertalên parastina hebûna mirovatiyê dîtinin herdem.

Siyamed Sîpan

Van kesan berê xwe danin çiyayên ku di dilê xwe de agir û roj neqişandiye,
berê xwe danin warê pîrozahiya rojê.
Sînga xwe kirinin mertalên ku hêviyên bi milyonan di xwe de vedişêre,
xwe kirinin şûrên ku azadiyê diparêze. Û her kesek ji me jî zane, bê nobedariya azadiyê çiqas bê hempa ye.

Ev gotinên min ji kesên ku ji nava hemû xemsariya civakê derketinin,
ji nava qirêjiya ku mirov bi destê xwe ava dike derketine
li hemberî zextan serê xwe bera ber xwe nedanin,
û berê xwe danin çiyayên ku Binevş bê xem û Berfîn bê tirs mezin dibin.

Berê xwe danin çiyayên ku li ser germahiya dilê xwe lat û zinaran radike govendê.
Berê xwe danin warên ku hest xwe li ber germahiya rojê dişo û dil xwe bi hêrsa azadiya dadigre.

Ev risteyên ku ji dilê min mîna Zap û Avaşîn diherikin, ji bo hêja miovan rene, ku li serê çiyan ji bo rûmet û azadiya gelekî şer bi bê wicdaniya dîrokê re dikin.

Carînan bi navê Hêzên Parastina Gel tê bilêvkirin, carînan dibin Hêzên Taybet ji bo azadiya gelê xwe, carna jî dibin Star û Stêrk û doşekên xwe li ezmanên welatê agir û rojê datînin û carînan jî xwe li perçeyên Kurdistanê belav dikin û dibin Hêzên Rojhilat û mîna rojê ji welatê agir û rojê re hiltên.

Nobedarên Azadiyê dizanin ku dema tu dilê xwe ji agir re veke, ewê agir te neşewitîne, ewê te xurt bike,
dizanin û dikarin Avaşîn û Zap di dilê xwe de derbas bikin û berbi okyanûsan ve bişîne.

Û dûvre gulleyên ku ji çekên wan derdikevin berbi rojên azad ve difiririn û diçin. Ev gulle ewê bibe tîr û rimên ku ewê azadiya gelekî bîne.

Ev çend gotin ji hêja mirovên Gerîlla re ne. Bi hêviya hevdîtinek di pîrozahiya rojê de.

Siyamed Sîpan
siyamed@hotmail.com

Ji Sîdar: Dema dilê min di trenê de mest bû: dîtina Diyako

2008-06-28T13:01:00.009+02:00

Divêm serpêhatiyeke xwe bi xwendevanên birêz pay bikim.

Va ye ji çarşemê pê ve piçek bêhna min dîsa fireh e, barê giran ê zanîngehê piçek ji milên min xweş ket û min berê xwe da bajarê navendî yê Holanda yê bi navê Utrecht (Ûtrext). Piştî ku min hesreta bi çend hevalan li wê qedand ez hatim bajarê dê û bavê xwe, ku nêzî Rotterdam e.

Min biryar bû ku ez ji vir inca herim piştgiriya xuşka me ya ezîz, Bêrî Salmaşî, ku taze destûryar (mezûn) bûye ji akademiya fîlmê. Inca bi dirêjayiya hefteyek ji aliyê Akademiyê ve fîlma wî ya dawîn a ku pê destûryar bûye hat nîşandan. Me jî nekarî em lê tenê bihêlin û em çûn Amsterdamê.

Fîlm gelek bi dilê min bû û ez ê nêzîkahî de ser binivîsim.

Lê belê tiştê ku ez ji kêf û heyrana dîn kirim vegera min bû. Belê ez rastî peşeroja me bûm. Du zarokên kurdîhez û şîrîn.

Bila emrê wan dirêj, jiyana dayika wan bextewar be...

Diyako, birayê wî yê piçuk Zimnako û dayika wan rastî min hatin dema ku ez li trêna bo mala min siwar bûm. Min ji xwe re tam cîhek peyda kiribû û min dixwest rojnameya xwe bixwînim dema min bihîst ku herdu zarokên li pêş min bi kurdiyeke zelal bersiva dayika xwe ya ku hesab ji wan dipirsî (:-) ) dida.

(ji bo dirêjayiya nivîsara li ser vê serpêhatiyê, bitikînin)

Sîdar Bengîn Epozdemir

Vêca ligel ku dayika Diyako piçek hêrs bûbû sedem nehewiyeke wî, Diyako gelek baş bi kurdî berevaniya xwe kir û bi çavên xwe yên ku tê de xwîngermî nivîskî bûn ji dayika xwe daxwaza lêborînê dikir.

Tabî min nekarî ez zêde îdî xwe bigirim û jinedîve min gazî Diyakoyî kir û jê re telefona xwe ya ku di ser de ala rengîn heye nîşan da. Diyako nezanî çi bike ji şahiyê û piçek jî şerm kir: "E şem dikem".

Lê tevî vê yekê zanî tiştê ku min da pêşberî wî çî ye: "Al."

Ligel ku rêvingitiya min a bi trêna ku tê de bûm tenê nîv se'etek dom kir, te digot qey qet xelas nedibû; ji ber xweş-sohbeta Diyako, birayê wî û dayika wan.

Helbet mijar ne rewşa siyaseta Kurdistanê, yan jî birçîbûna dinyayê bû. Di şûna van babetan me zêdetir ser fûtbol, Playstation, keştî, temenê min ("Tu 15 salî yî yan 40 salî yî?") û hejmartina bi zêdetirîn zimanên ku me dizaniya: "Yek, du, sê, çar, pênç, şeş, heft, heşt, neh, deh, bîstûdeh..." :-))

Em ji kena dimirin; him dayika Diyako, him Diyako bi xwe, heta ku em xemgîn man ji ber anonskirina ku em gihiştin bajarê ku pêwîst bû ez li wê peya bim.

Hêj ku derneketim min sipasî dayika Diyako kir û jê re got: "Qet ji serhişkiya xwe newe xwarê! Tiştê ku hûn dikin hêjayî pesindanê ye û karekî pîroz e. Sipas ku we vê şahiyê da dilê min û roja min xweş û geş kir."

Hêjayî gotinê ye ku zarok xweş bi holandî jî dizanîn.

Xwendevanên birêz, hêvî hêj neqediyaye. Hêvî heye. Divê em tucar nekevin wê rewşê ku hêvî nemîne û em bêdê, yani bê ziman bimînin...

Herkes bila erka xwe bicîhbîne ji bo parastina zimanê me yê pîroz...

Sîdar Bengîn Epozdemir
sidaro4@hotmail.com

V for Vendetta[1],Guy Fawkes[2] Û Anarşîzm

2008-06-26T00:37:00.007+02:00

Destpêk…

Rojeke ji rojên Enqere yê sar û sayî ez ji zaningehê vegeriyam malê.Baran wekî mislixeke xirabuyî dîlop dîlop li asfaltê diket û ew dibiriqand.Ev baran,sayî û sariya enqere dilê mirov teng dike,ewrên reş tîne ser hestên mirov nobedar dike.Ji loma ye ku şairên baş ji enqere dertên.Werhasil dîsa ji rojên wan rojên şaîrane de ez ji zaningehê hatim malê.Dil ne dixwast ku tiştek bikim.Tenê qedehek çaya qaçax ji bo seyra enqereyê ji paceya min bes bû.Min çay da serî û vegeriyam mezela xwe.Min dil hebû ku pirtukeke ji pirtukxaneya xwe bitsinim û di seyra enqere de li gel çaya qaçax re çend rupelan biqelibinim.Dema ez hatim ber pirtukxaneya xwe çavê min li CD'yeke ku li serî V For Vendetta dinivîsand ket.Min dev ji fikra xwendina pirtukê û seyr- î enqere berda, min fîlm xiste qompîtûrê .

Ferzan Şêr

Di bêhnekî de vegotina fîlmê...

Fîlm bi xilaskirina Evey a bi destê V destpê dike.Di kolaneke tarî de ji bilî mişk û kuçikên bêxwedî tu livekî xwezayî nîne.Li hemû welatê qedexeya derketina derve heye.Lê Evey guh nade qedexeya dewletê dîktator û derdikeve derkeve ku here cem hevalekî xwe.Du kesên ku aligirên "dewleta polîs a zilimkar" in peşiya Evey digrin,dikin ku êrîşê wê bikin,.Lê V dertê ,keçik ji destê wan xelas dike.Bi vê bûyerê re serpêhatiya V dest pê dike.Planê ku bi salan kiriye dixe şuxlê.Şoreşa anarşîzmê dest pê dike.Keçik îkna dike û dibe seyrekî,seyra teqînê,hilweşîna bêdadgehiyê. Ji ber ku tu baweriya wî û gelê wî bi dadgeha dewletê tune ye bi teqîneke mezin dadgeha cezayê giran a Londra dike belavela.Di heman demê de jî bi Evey re vê teqînê temaşe dikin. Beriya vê teqîkinê axaftineke wiha dike ku mirov di cih de di tevize,hestê dijwar bi mirov digre û dike ku bi dengekî bilind li dijî neheqiyê biqîre.Ji Eveye re dibêje îro 5 ê sermawezê ye.

"Bibîrxe,5'ê sermawezê bibîrxe,

Îxanet û komploya Barudê*,

Tu sedem nabînim ku,

Jibîrkirina komploya Barudê bivêne."

Li gel dengê uvertura 1812 ya Çaykovskî,teqînek pêk tê û dadgeh hildiweşe.Piştê vê bûyerê di navbera V yê şoreşgerê romantik û dewleta Adam Sutler şereke psikolojik didome.

Dûre dor tê li ser agahdarkirina gel.Li ser vê armancê êrîşê televîzyona fermî ya dewletê dike,Tv tev dixe destê xwe,bi alikariya kanalê ji hemû hemwelatiyên xwe re eşkere dike ku li benda 5ê sermawezê 3 bisekinin,ev roj dê bibe roja çalakiyeke xurt,dê bibe rizgariya gelê Brîtanya.Bi vî çalakiyê xurt re V din nav gel de deng, li rêveberiya dewleta polîs a zilimkar de jî tirs vedide.Polîs tev dikevin pey V lê digerin lê tu nîşaneya ku şopê wî bide dest tune ye.Lê tiştek heye ku di nav V de agirek vêdixe,Evey. Dema êrîşê Tv'yê dike bi pêrgîniyê Evey tê ew jî alîkariya V dike.Dibe du car ku pêrgî hev tên,têkiliyeke nîvplatonik di navbeyna wan de pêk tê. Êdî kaos bi welatê digre.Rêveberiya Adam Sutler dikeve xofa xelasbûnê.Hêviyeke mezin di nav gel de ava dibe li her derê welat behsa V tê kirin.Heta ku Evey jî bi van nûçeyan re bêtir dikeve mereqa V,kî ye çi dike,çima dike?Van pirsan ji xwe dipirse.Evey nizane ku wê çi bê serê wî,ji xwe bêxeber wekî keçikên berzewacê li benda "prensê bi hespê sipî" ye.

Polîs ji her alî zilm û zordarî li ser gel dibarine,bêhna faşîzmê ji ser asîmanan naçe der.V him dixwaze heyfa gelê xwe ji sîsmetê bistîne him jî hefya xwe ya şahsî bistîne.Çi ye ev heyf divê em behsa wê bikin.Adam Sutler(serokê partiya faşîst a di desthilatdariya Britanya de) dema tê ser serokatiya Britanya ji bo ku desthilatiya xwe daîmî bike projeyek bi navê "ewlehiya netewî" li dar dixe.Lê ev ne ewlehiyê neteweyî ye; ev proje dike ku desthilatdariya Adam Sutlar bêtir bi hêz be.Loma di naveroka projeyê de vîrûsek çêdikin.Wiha dikin ku ev virûs di nava gel de belav dibe û li welat kaosek xwe destnîşan dike.Lê di labaratuarê ku virusan çêdike de teqînek çêdibe,mirovên ku vîrus li ser wan dihate ceribandin tev dimrin ji bilî yek kesî.Belê ew mirov ku xwe ji agiran xilas dike V ye.Her kes hêvî dike ku bila dawî li kaosê were.Di vê dema tengasiyê(krîza Marry'a cindê=kaoasê ku bi teqîna labaratûraê re hatiye.) de xwediyê vîrûsê Adam Sutler dertê holê,Ji endamên partiyê yekê ku xwedî fabrîkayê dermanê ye,dermanê vê nexweşiyê dide çêkirin û gel ji vîrûsê xilas dike.Di vî kaos û şerê qirêj de Adam Sutlar bêtir bi hêz dibe,faşîzm bêtir têsîra xwe li gel dike.Çend hezar mirov dimrin.Heyfa V ya şexsî jî bi wan mirovên ku di labaraturê dewletê de kar dikirin re ye.V pêşî hemû dijminê xwe dor bi dor dikuje.Piştî kujtinê wekî simbola romantîzmê guleke sor li ser cendekê wan datîne.

Pîştî kujtina wan dor tê ser sîstema faşîst.Dem her diçe nêzîkê 5'ê sermawazê,roja rizgariyê dibe.Rojek Evey ji mal dertê diçe cem hevalê xwe yê komedyen ku di bernameya xwe ya heftane de her tim tînazê xwe bi Adam Sutler dikir.Me got dem nêzîkê teqînê mezin dibû,lê çiqas dem nêz dibû dewlet bêtir hêrs dibû,tirsa wî zêde dibû.Her ku diçû zordestî û girtina sîvîlan zêde dibû.Wê şevê ku Evey ji mal derket hevalê wî yê komedyen dê bihata girtin.Dema Evey gihişt mala hevalê xwe kehweya germ amade bû.Qedehek jê vexwar û danî ser masê.Bîskek nebihurî polîs li derî dan.Hatibûn ku komedyen bigrin.Evey zûzûka derket jorê di bin nîvînê de xwe veşart.Evey vê bûyerê berê jî dîtîbû,bav û diya wî dîsa ji alî dewletê ve bi vî awayî hatibûn girtin û Evey cardin ew neditîn.Piştî derketina polîsan Evey xwe ji pacê avêt,reviyaDema ji deriyê baxçê derket desteke bi lepika reş hate devê wê girt.

Lêstekek ji bo zanîna rastiya V

Piştîna girtina Evey,V ew di mezela taybet ku dişibiyan îşkencexaneyan de perwede dikir.Rastiya pê da zanîn,lê çawa?

V set-up'ek li dar xistibû.Armanca wî ew bû ku bi vî awayî binêre ka Evey jê re çiqas saxlem e û jê re rastiya xwe bide pejirandin.V wiha kir ku hemû cureyên îşkence pê kirin,lê tu hevokek ji devê wî derneket,çi dikirin bila bikirana dê navê V negota.Paşî V baweriya xwe pê anî.Îşkencevan hat cem keçikê jê pirsî em ê te bikujin, tenê peyvek di derheqê V de bêje.Ger tu peyvek jî bêjî em ê te azad bikin.Lê Evey bi serbilindî got ez amade me ji bo mirinê.Lê mêrik jê re got bes e tu azad î.Hêj fahm kir ku ev lêstekeke V ye.Bi vê lêztekê re V rastiya xwe û civakê bi Evey da zanîn.

Lêsteke dawîn…

Ji avakarê projeyê yekî jî Creedy bû.Wezîrê Adam Sutler…Ev lêstek li ser wî bû.Divê V ew bixapanda û bi alikariya wî ji Adam Sutler bi dest xista.Pêşî bi dedektîf Finch re hevdîtnek kir,jê re rastiya Krîza Marry'a Cindê vegot û jê re pêşniyar kir ku bila çavên wan li ser Creedy be.Û dûre çû em Creedy, jê re got tu neha din bin çavan de yî,te dişopînin.Ger tu Sutler ji min re binî tu yê ji min xelas bibî.V zanibû ku wê Creedy pêşniyarê wî bipejirîne.

Li Britanya Anarşî,teqîn û V(ictory)4

Piştî sazkirina lêzteka dawî dor hatibû lidarxistina gel.V Ji bo gel bi milyonan rûpuşka xwe belav kir.Êdî di hemû mirovan de ev rûpûşk hebû.Her tişt ji kontrol derket.Li welat kaosek avabû.Her kesên ku rûpûşkê li rûyê xwe dixist xwe dadikirin kolanan.Li deverê qedexe sîxureke dewletê zarokeke neh-deh salî kuşt û hemû hemwelatiyên herêmê li hev civiyan.Bi serê sîxurê ve çûn û ew kujtin.Anarşî dest pê kir,gel destê xwe da hev li dijî leşker û polîsan dest bi şer kir.

4ê sermawezê her kesê ku rûpûşka V li xwe kiribû û ber bi randevuya V ve diçûn.Bi armanca hilweşîna sîstema faşîst ev bi rê ketibûn.Her diçû zêde dibûn,dehan bi sedan,sedan bi hezaran heta bi milyonan ve zêde dibûn.Polîsê dewletê dorhêla qesra parlemetoyê girtibûn,tev bi rext û çekan.Lê ne dikaribûn gel.Gel bi hêzeke xurt bir ê ve duçûn ku tu qewet nikari bû li pêşberî wan bisekine…Anarşîzm bi ser diket,gel desthilatdariyê bi dest dixist û mirina V jî nêzik dibû.

Şeva 4ê sermawazê li gor peymana ku V bi Creedy re kiribû,Creedy Adam Sutler girtibû û ji V re anî bû.Dema V û Creedy di tunela trênê de hatin cem hev Creedy'î Adam Sutler kuşt û dûre xwest ku V jî bikuje da ku desthilatdarî bixe destê xwe.Lê nekarî V bikuje,şerekî dijwar di navbera notirvanên Creedy û V derbas bû.Notirvan tev mirin,V birîndar bû.Kujtina Creedy ya herî dawî û trajîk bû.Dema V şûra xwe stuyê wî,jê re :

"Di bin vê rûpûşkê de ji goştê zêdetir tişt hene,

Di bin vê rûpûşkê de ramanek heye,

Û hûn zanin ku "Raman" guleyan derbas nake."

Wiha got û ew kujt.Dûre vegeriya cem Evey,di destê wê de ket.Xemeke sar bi Evey girt.Axaftineke trajîrealîk di navbera wan de derbas bû.V erka xwe qedandibû,divê êdî biçûya ser dilovaniya xwe.Jê re got ku ev bist sal e ji bo vê rojê jiyaye,tenê ji vê rojê re,ji vê armancê,lê dûre ;

"heta vê rojê ku min tu dîtî,tu tişt tune bû, lê dûre min tu dîtî,ez aşiqê te bûm."

Piştî mirina V Evey ew bire trênê ku heta serî bi bombe barkirî,Ew xiste nav trênê û bi sorgulan ew xemiland.Di heman demê de jî dedektîf Finch gihişt cem Evey kir ku destê xwe ji milê trênê daxe xwarê.Lê Evey nekir.Li derva bi milyonana kes gihiştibûn qada ku seyra teqînê bikin.Dem hatibû,muzîka ûvertura Çaykovskî lê dida dem gihişt 00:00,yanî 5ê mehê hatibû.Evey ji dedektîf re : "Ew mafdar bû,ji vî welatî re ji avahiyan bêtir tişt divê,wekî hêviyê.." got û trênê bombebarkirî kete riya xwe ve,çû ber bi qesra parlementoyê ve.Eveyê dedektîf bire jorê ku ew jî wê şoreşê seyr bikin.Dedektîf jê pirsî ew kî bû?

Evey:

-Wî Monte Krîsto bû, bavê min û diya min bû,birayê min bû,hevalê min bû,wî tu buyî û ez bûm,Wî em hemûyan bû.

Nebêjin ku fîlm qediya.Belê wiha qediya lê bawer bikin ku min bi sedan hurguliyan min jê avêt da ku ez we bi vegotina tevahiya fîlmê re aciz nekim.Lê divê mirov temaşe bike,temaşe bike ku li dijî dagirkeriyê mirov çawa desthilatdariya xwe bi ser dikeve.

Wekî encam …

"People should not be afraid of their governments. Governments should be afraid of their people."(Divê mirov ji dewletê xwe netirse,dewlet ji hemweletiyên xwe bitirse.)

Têbinî:

1-"V For Vendetta": Di sala 2005 de bi xebatên hevbeş yên îngîlîz-Almanan hatiye çêkirin.Avakarên fîlmê Larry Wachovski - Andy Wachowski Ji xêzeromana Alan Moore ji bo sînemayê lê anîne.Serlîstîkvanên fîlmê Hugo Weaving ( "V") û Natalie Portman("Evey Hammond") in.

2-Guy Fawkes: Navê wî yê jidil Guido Fawkes e.Di navbera sala 1570-1606ê de jiyaye.Leşkereke îngîlîzîyeû di derheqê barudê de jî pîspor e.Li dijî zilma Kral 1.James ku li ser katolikan dibarand dertê û di sala 1604ê de kopmloyeke bi navê "Komployê Barudê(Gun powder plot) li dar dixe.Li gor komployê bi 36 varêl barudê dixe qesra Westminister.Bêyî ku biteqîne tê girtin û bi bi rojan ji îşkenceyê tê derbaskirin.Dûre kiryara xwe qebul dike.Wekî her tawanbarê îxanetê li ber gelê xwe tê dardekirin.

3-5ê sermawezê: Roja Komploya Barudê ye.Di vê rojê de endamên kraliyetê li qesra Westminister li hev dicivin.Ji wê rojê heta van rojan li Îngîlîztanê bi navê Bonfire Day/Night mihrîcanek tê pîrozkirin,li her derê simbola wê rojê agir tê vêxistin.Bi milyonan rûpûşkên V tên belavkirin.

4-Victory = zafer (serkeftin),V yê ku em bi du pêçikan çêdikin ji virt ê.

Ferzan Şêr
ferzanser@gmail.com

Ev nivîsar ji hejmara 20an a Kovara 'W' hatiye standin bi destûra nivîskarê navborî.

Naomî û Peymannameyan/Naomî en de contracten/Naomî and the contracts

2008-06-21T15:47:00.006+02:00

KURDÎ
Ji bo hemû agahiyan di derbarê projeya Peymannameya Parastina Zimanê kurdî û hemû peymanname bi soranî, kurmancî û zazakî vir bitîkînin...

NEDERLANDS
Klik hier voor alle informatie én de contracten in Zazakî, Kurmancî en Soranî...

ENGLISH
For all information on the project and the Zazakî- Kurmancî- and Soranî-versions of the contract click here...

Naomî, îlhama min û BANGEK!*

2008-06-20T13:47:00.006+02:00

Di demeke ku mirov dide gotin ‘Nikarim serê xwe bixurînim’ de, min piyê xwe ji firêna jiyanê hilda û min karî ez bikevim riya ber bi welatekî gelek-gelek xeter bo erebeyên ne-ji-wî-welatî: Ingilîstan...

Esas gotina min a ‘min karî’ piçek zêde neheqî dide rewşa min, çawaku min bi îradeya xwe ya azad hemû karûbarên xwe betal kirin. Mixabin ku di van demên dawî de ajanda min zêde rê nade demokrasiyê û min mahkûmî tiştên din dike. Belê çûyîna min ne ji ber hebûna dema min a vala wek okyanûsek lê belê ji ber urf û adetên me kurda, ji ber evîniya min a kûr ji boy kurmamê xwe Welat û ji ber heyecana min a ji bo daweta wî pêwîst bû....

Tabî piraniya caran mirov xwe li dawetan ji aliyek dihesibîne. Lê ev dawet ne daweteke wisan bû. Helbet rêza min bêdawî ye ji kekê min ê hêja Welat û destketinên wî yên akademîk re.

Lê bûka Welat, yani Naomî jî, di dilê min de cîhekî girîng girtiye û bûye sedema îlhameke mezin...

Çawa?

Bêjim ji we re. Cara pêşîn ku min Naomiyê dît ez hêj ciwan bûm. Yani, ehh, ez hêja jî ciwan im, lê wê demê, em bêjin, ciwantir bûm. 17 salî bûm.

Wê demê min taze pevçunên xwe yên pêşîn ligel nehezên kurd û Kurdistanê jiyabû, û ev bûbû sedema ku ez zêdetir nasnameya xwe ya pirrçandî û bi taybetî aliyê kurd hez bikim. Nemaze di wan deman de bi awayekî bengînî mereqdarê zimanê xwe, zimanê kurdî, bûm. Şirîntirîn zimanê ku dinasim yani....

Inca pêşwaziya Naomî ya wê demê ji bo min ne hêjayî jibîrkirinê ye…Lewre wê wê demê bi derîvekirinê bixêrhatina min bi zimanê kurdî kir û got: ‘Tu gelek bi xêr hatî’….

Tevî ku Naomî ez qet nedinasîm û eve cara yekem bû ku wê ez dîtim, ev jê re ne xem bû û eleqeya wê ya ji bo zimanê kurdî bû sebeb ku pêşwaziyeke germ û kurdane li min ke…

Piştî çar sal, Naomî, di asteke -ji bo wê- gelek bilind de kare bi kurdî biaxife, binivîse û bixwîne.

Ji lewme şahiya dil gihişt ezmanan dema ku li dawetê, Naomiyê axaftina xwe bi du zimanan kir: ingîlîzî, û zimanê me teva: kurdî....

Vêca ne dûr e ji hêviyê ku zarokên Naomî û Welat him ingilîzî, him kurdî fêr bibin. Eger wan ew fêr nekirin jî, dê Naomî û Welat sedî sed îradeyeke wisa xurt bigihînin zarokan xwe ku dê kes nekare rê li ber fêrbûna wan a zimanê kurdî bigire...

Inca çîroka Naomî ji bo me çira girîng e?

Çîroka Naomî girîng e, lewre em divê pêşî serbilind bin bi wê yeke ku ingilîzek kare zimanê me hêjayî fêrbûnê bibîne, lê paşî jî em divê xemgîniya xwe derbirin ji ber rewşa gelek xeter a ku zimanê me yê şirîn niha tê de ye...

Divê em tim di nav hewlan de bin. Ji lewme mîtînga dawîn a TZP-Kurdî ya li Geverê hêjayî pesindan û pîrozkirinê ye. Em spasî vê rêxistina zimanhez dikin û rica dikin ku tucar dev ji karê xwe bernedin. Heta zimanê me biserket!

Lê em bixwe jî karin gelek tiştan bikin. Ne hewce ye tiştên mezin bin, werin em ji karên piçuk dest pê kin.

Mesela ji sozdayînek....

BANG! BANG! BANG!

Me peymannameyek amade kiriye bi hersê zaravayên serekî yên zimanê kurdî: zazakî, soranî û kurmancî. Inca herkes kare wê peymannameyê prînt/çap bike, imze bike û soza xwe ya ji bo parastina zimanê kurdî bide. Bo peydabûna divêtiyê (belê me kir meseleyek hiqûqî  ) pêwîst e peymanname bê daliqandin li odeyek/jûrek ku ji herkesî re vekirî ye.
Di sedsala 21an de em ji aliyên dewletên ku em di siya reş de hiştine kirin ‘mezintirîn gelê cîhanê ku bêdewlet e’.

Werin em nehêlin ew bikarin pêşî me bikin ‘mezintirîn gelê cîhanê ku bi zimanê xwe nizane’ û dû re jî ‘mezintirîn gelê cîhanê ku bi avê re çûye, tunebûye’....

EM (!) karin tiştekî bikin! Naomî jî nîşanî me daye.

Her bijî zimanê kurdî.

Sîdar Bengîn Epozdemir
sidaro4@hotmail.com

-------------------------------------------

DAXISTINA PEYMANNAMEYÊ:

Peymanname bi zaravayê kurmancî: http://www.rojnamenus.eu/kurmanci.pdf
Peymanname bi zaravayê soranî: http://www.rojnamenus.eu/sorani.pdf
Peymanname bi zaravayê zazakî: http://www.rojnamenus.eu/zazaki.pdf

(Têbînî, ji bo daxistin/downloadkirin pêwîst e hûn pêl li pişkoka ‘Save Target As’/’Farkli Kaydet’/’Doel Opslaan Als’ bikin. Eger dîsa çênebû, mailek bişînin bo sidaro4@hotmail.com û ez dê ji we re yekser peymannameyê bigihînim.)

*Ez vê kurtenivîsarê, tenê bo carek, bi hemû wergerên wê, yani yên bi holandî, ingîlîzî û tirkî dişînim ji hemû malper/rojnameyên girîng ên kurda re. Ne prensîba min e, lê ji ber rewşa taybetî ya vê carê ez doza tehamula hemû karmendên hêja yên medyaya me dikim. Weşandina vê kurtenivîsarê azad e ji bo herkes. Herwisa herkes azad e fikir/projeya min bixebitîne, bixe jiyanê. Şexşen, min ji niha ve peymannameyê çap kiriye, xistiye çarçoveyek û daliqandiye. Em li vir bi taybetî spasî kesayetiyên Roşan Lezgînî û Hêmîn Abdullahî dikin ji bo alîkariya wan a di warê wergerî bo zaravayên zazakî û soranî de. Ji bo zêdetir agahî: www.cakbini.com .

(Vê nivîsarê bi şiklê tirkî, holandî, ingilîzî û soranî-kurdî li malperên cuda-cuda weşiya.)

Operaya kurdî...Bê şirove...

2008-06-18T21:18:00.005+02:00

Her tişt destpêka xwe heye. Belê operaya kurdî jî. Hunermenda hêja Mizgîn Tahir nîşanî me dide ku zimanê kurdî jî munasib e bo stranên operane....

Bê ku em zêde şirove bikin, hama hûn bi xwe biryar bidin li ser deng û awaza Mizgîn.

Fermo bi du klîbên hunermend Mizgîn Taher û lînka hevpeyivîn a di Avestakurd.net de derketî û ji aliyê Ciwan Nebî ve amadekirî.

Mizgîn Taher - Dilê min

Mizgîn Taher - Evîna min

Pîroz be li birayê me Ferzan Şêr, pîroz be li ciwanan!

2008-06-16T12:51:00.005+02:00

Kovara Evrensel Kultur û Tîroj bi hev re pêşbaziyek/pêşbirkek li ser çîrokan ku mijar aşîtî bû organîze kiribûn û ev pêşbazî dawî bû.

Merasima xelatdayînê li Taşkişlaya Stenbolê pêk hat.

Nivîskarê KurdWEBB (û Çakbînî.comê) Taylan Şahan Tarhan ku bi navê Ferzan Şêr tê naskirin li pêşbirkê de bi çîroka xwe ya bi navê ''Min Bi Perên Kevokan Bifirînin'' biser ket û bû kesê yekemîn.

Navên kesên bi ser ketin hatin eşkerekirin.

Pêşbaziya “Qala Aştiyê Bikin” ku ji aliyê Kovara Evrensel Kultur û Tîroj ve bi du zimanan(bi kurdî û tirkî)hatibû destpêkirin bi merasîma xelatdayinê dawî bû.

Di koma hilbijerên zimanê tirkî ya çîrokan ji Aydin Çubukçu, Adnan Ozyalçiner, Sennur Sezer, Ozcan Karabulut, Gokhan Cengizhan û Zeynep Aliye pêk dihat. Di koma hilbijerên koma beşê kurdî a çîrokan de jî Hasan Kaya, Receb Dildar, Ayhan Geverî, Fevzî Bîlge, Fehim Işik hebûn.

Merasima xelatdayînê li Taşkişlaya Stenbolê pêk hat.
Nivîskarê KurdWEBB Taylan Şahan Tarhan ku bi navê Ferzan Şêr tê naskirin li pêşbirkê de bi çîroka xwe ya bi navê ''Min Bi Perên Kevokan Bifirînin'' biser ket û bû kesê yekemîn.

Li merasîmê de Taylan xelata xwe ji destê nûnerê Rojnameya Agosê Rober Koptaş stand û wiha axivî: ''Çend sal berê ji bo nivîsandina kurdî mirov diketin hepsê, îşkence didîtin, lê îro zimanê kurdî xelatan distîne. Ev ji bo kurdî û pêşeroja me tiştekî pir girîng e''

Taylan xelata xwe diyarî malbata Hrant Dînk kir.

Kesên xelata Pêşbirka Çîrokan a “Qala Aştiyê Bikin” bi destxistine çîrokên wan ev in:

Çîrokên bi kurdî:

Yekemîn: Taylan Şahan Tarhan/ Min Bi Perên Kevokan Bifirînin
Duyemîn: Dijwar Uskan/ Ziman Bêhestî Ye
Sêyemîn: Selahattin Çam/ Şêrgo

Çîrokên bi tirkî:

Yekemîn: Seyit Soydan/ Yollar- Kara Tren
Duyemîn: Mehmet Oguz Aslan/ Gerçek Sandviçleri
Sêyemîn: Gulsum Koçak/ Sevgîlî Ulkem

Xelata teşwîqkirinê:

Songul Kaya Karadag/ Dilan’a Agit
Hasan Çapik/ Sokakta Bir Kopek Oldu.

Em bi navê malpera ÇAKBÎNÎ birayê xwe Ferzan Şêr agahdar dikin ji serbilindiya xwe û lê pîroz dikin bi vê serketina girîng a ji bo kesayetiya ku piçek jî serketenik e ji bo ciwanên kurd.

Kurdwebb.com

Ferzan Şêr: Aramek Li Kurdistan

2008-06-14T17:15:00.003+02:00

Di destpêka pênusa min de ez dixwazim ku behsa hunermendê gelê me yê Aram Tîgran bikim.

Dengê Aram ê ku ji nav qirikên wî derdikeve tevlîhevê bayê dibe.Dûre ew ba bi bayê ermenan re dibe heval û rêya xwe dide çiyayê Kurdistanê ve.Dema digihije çiyayên me bi dengbêjan re rudinê,ji wan re qala feqiyê teyran,evînan,kulîlkan,aşitî û biratiyan, zilm û zordariyan,hezkirin û rêzdariyan,ermenî û osmaniyan û welatê azad ê Kurdistan dike.

Dengbêj,yanî hejayek ê dîroka axa me dibe dengê Aram.Piştî xatirxwestinê ji çiya û dengbêjan,berf û zinaran,rêya xwe ber bi jêr dike û digihije deşt û newalan.Di deşt û newalan de,li kêleka koçeran ,di bin siya konên wan de şîrê pezên bêrîvanan vedixwe û stranek jî ji wan re diyarî dike.Di çavên bêrîvanan de tariyên şevan bi dengê Aram ronî dibe,hêstên wan ê girtiyê di dilê wan de bi wî dengê azad dibe û difire li ser konê evîndaran ber bi evînan.

Dûre xwe dîsa bi jêr dike,digihije çemê Dijle û bircên Amedê.Bi wî rêwitiyê ew gelek tîn dibe.Dixwaze ji ava Dijleyê ku ji ava zemzem ê miqadestir e bivexwe.Xwe berdide kêleka ava miqades ,her du çokê xwe di tewîne û devê xwe,ruyê xwe,dest û dilê xwe bi vê avê dişo.
Bi dilekî şa,di kêleka çemê miqades ,di şînahiya ala rengîn de rudinê,bihna xwe berdide bi dengê xweza yê an xweza bihna xwe bi dengê wî berdide.

‘’Aram ê arama dilê nav peytexta dilê me’’

Rawestan ne karê me ye dibê,radibe û birê dikeve ber bircên Amedê nasekine.Dengek,bang dike li ser bircên Amedê,lê her kes li dor xwe dinêre,ka deng,kî dibêje?Mirovên ku di sûk û kolanên paytextê dilê me de ne,bi xwe bawerin ku ew deng, ne dengê meleyê camiyê ye,ne jî deng ji xwezayê ye an dengekê mirovek be.Dibe ku ev deng,dengê xwedewanên yewnanan be û ji olîmpos bê,an dengê Yêzdanê dilovan be,an Zerdeştê kal.Lê mixabin na,ew deng dengêkî xwewanekî kurda ye,dengê Kurdistan e.

‘’Ew hozanê gelê bindest,
endama Kurdistan e,
ew dengê Kurdistan e.’’

Em bi xêr hatina wî dengî,bi xatirxwestina wî dengî,silav li ermenan,li kurdan li wan deran dikin,ramusanan dişînin ji Qarapetê Xaço heta Ereb Şemo, bi dengê Aram,bi ruhek aram.

Ferzan Şêr
ferzanser@gmail.com

Werin kurdiya xwe pêş xînin...

2008-06-10T12:03:00.004+02:00

Ji bo alîkarî û destek bo pêşxistina kurdiya xwe di warê rastnivîs û rêziman de, pêvendî deynin bi me re.

Çi ciwan, çi yên ku xwe ciwan dizanin...

www.cakbini.com
cakbini@gmail.com

ÇAKBÎNÎ

Vîdyoya Kurdish Beatbox û Çakbînî belav bû!!!

2008-06-09T02:42:00.007+02:00

Me berê jî qala hevdîtina ligel van xortên hêja yên ku bi 'devkî' mûzîkê çê dikin û kilamên folklorî distrên kiribû.

Nêzîkahî de wê hevpeyivîna ku me ligel wan pêk anî bê weşandin.

Lê beriya wê em li vir ji niha ve klîba koma 'Kurdish Beatbox'(Kurdiş Bîtboks) a taze belav dikin. Eger we qenc nêrî hûn ê nasek me jî bibînin. Ne dûr e ji hêviyê ku ew zilam sernivîskarê me be jî...!

Belê! Me bi Kurdiş Bîtboks re klîbek nû kişand û çîroka klîbê wiha ye:

[[VÎDYO]]

Vîdyoya nû ya Kurdiş Bîtboks a ligel Çakbînî.com!!

30ê Gulanê roja jidayîkbûna yek ji nivîskarên me yên ciwan Şanaz Berzencî bû. Inca vê carê rojeke taybet bû bo xuşka me ya hêja, lewre 18emîn rojbûyîna wê bû.

Sernivîskarê Çakbîniyê Sîdar rabû ligel birê mezin ê Şanazê kek Saman biryara sefera bo Almanyayê, bo wargeha endamên koma Kurdiş Bîtboksê girt, da ku ligel wan hevpeyivînek çêke û klîbek taybet bo xatira Şanaz bide kişandin.

Sedema vê seferê jî piçek eleqeya germ a nivîskara ciwan Şanaz ji bo Kurdiş Bîtboks bû. Wê gelek ji şiklê strangotina van xortan kêf dikir û di malpera xwe ya şexsî de reklama wan kir û got 'ez vana bo rojbûyîna xwe dixwazim'.

Tabî xuşka Şanaz bi hêza me nezanî û di dema dîtina klîba ku me jê re kişandî de, bi awayekî matmayî qêrînek da...

Diyariya me bo rojbûyîna keça hêja û kurdistanî Şanaz îsal ev bû, ji vir em carek din rojbûyîna wê bi dil û can pîroz dikin, jiyaneke çak, xweş, bextewar û tendirust jê re daxwaz dikin...

ÇAKBÎNÎ

Hunermenda dengxweş û ciwan Nazdar...

2008-06-06T14:38:00.006+02:00

Dema imtihanên dawî ya îsalê ye û gencên Çakbîniye hema-hema hemû her mijûlî ders çêkirin in. Lê ev nâyê wê wateyê ku me stran û awazên xweş di guhên xwe de nîn e.

Fermo guh bidin stran û awaza hunermenda dengxweş û ciwan Nazdar...

Çakbînî.com li cem Kurdish Beatbox bû!

2008-06-05T16:56:00.004+02:00

Berê bi hefteyek û nîv du xebatkarên malpera me li bajarê Ulma Almanyayê bûn ji bo hevdîtin û çavpêketineke li gel ciwanên kurd ên ku 'bi devê xwe' mûzîkê çê dikin, ango, endamên Koma Kurdish Beatbox (Kurdiş Bîtboks). Ji vir ji niha ve spasî hêja Rêdan, Memo, Aydin, Elî, Bûrak û Gökhan dikin bo derfeta ku dane me bo roportajeke wiha.

Di nêzîkahî de wê em vê hevpeyivînê ligel klîbeke wan a nû (!) wek yekem malpera ku viya dike belav bikin...

Ji bo niha çend klîbên van xortên zîrek pêşkêşî raya gistî, bi rûmet û evînî bexşîna wê ya ji bo derengnûkirina malpera me ya cuwan daxwaz dikin...

Vîdyo: Kurdish Beatbox

Mîr û Medrese (II) (Dawî: Şîretên Mîr Yaqûb li ciwanan)

2008-05-30T10:28:00.004+02:00

Cindiyê Minarî carek din kemerbest dibî, Mîr Yaqûb selam dike û dibêje:”- Bibore, min ji bersiva we wisa fêm kir ku li ser navê miletan dewlet ava nabin?”

Mîr dibêje : “_ Baş e ku te vê pirsê kir. Min nego ku dewletên millî ave nabin, min go ku rewşa dirokê ev yek e ku dewletên li ser navên miletan nîn in. Niha Dewleta Meden ya Kurden bû, gelo bi restî ev dewlet li ser navê Kurden hatibû avekirin? Ev İmparetorî ji Hindistanê heya digiha Yûnanistanê û Qafqasan debû ber xwe. Dewleta Persan, ya Roma û Bîzansiyan, dewleta Sasaniyan, dewletên Qeyserên Uris, Emewî, Ebbasî, Eyûbî, Osmanî û Sefewî.. ma em dikarin bêjin ev dewletên kîjan miletî nin?

Baş guh bide min, ez ê tiştêkê balkêş bêjim. Niha ez xwe weka hikimderêkî serbixwe dibînim.

Kalê Ciwan

Wezîrên min, meclîs û Dîwana min, Leşker û Parêzvenên min, karmendên min yên gumrik û tar û bêşê, berpirsyarên hemî gunden, Neqîbeşrefê Derzin a paytext, text û tac û mekteb û medrese û dêr û mizgevtên min, bi bayreqa min ve temam in. Li ser vê coxrefya biçûk bi sedsalan e ku ev statu serbixwe dijî,evê malbatê li ser navê xwe direv jî kuta ne,gelo bo ku em bibêjin “ Dewleta Derzin” çî kêm e ?

Ev maye kêm; diviya ku em cîhanşimûl bûna. Yanê diviya ku me navê xwe bi dinê xistibuya. Weke Hêrîşa İskender ku hat welatê me vegirt û ji hezar salan bêhtir Rom û Bizans mane li ser nefesa me, ango weke Cengizxan û Xulago û Timorê Qop, divere ku me çavsoriyan bikire. Baş e û em şehnaz û serfirez in ku me midexela erd û ax û namûsa kesî nekirî ye. Ji ber vê ye ku em nebûne Cîhanşimûl.

Lê di ha de tiştek heye, Şahsimaîlê Sefewî bapîrê min re tifaqê girê de, bapîrê min di şerê ku di nav bere Şahsimaîl û Dewleta Aqqoyînî de qewimî bi hemî hêz û quweta xwe piştgiriya Sefewiyan kir. Şahê Sefewî li me Kurden qelibî, babê min kete bende yekîtiya Mîrekên Kurdistanê û li Çaldiren û Koçhîsar û Şam û Heleb û Misrê pişgiriya Osmaniyan kir.

Dewleta Osmanî bi qanunnaman û fermannaman vê statuyê dipejirînin. Xelîfeyê Bexdeyê di zemanê xwe de haware xwe gihandiye me û em bi artêş û ala xwe çune haware Xelîfê İslamê, gelo ka bêjin navê vê tenzîmê çî ye.? Em ne dewlet bin, em çî ne?

İllahî divê ku hinek biyanî nav li me bikin? Ma em eşîr in? Me eşîrên bingeha xwe helandiye. Niha ne li Derzin û ne li yek gundêkî Zirkan de eşîr nemane. Me eşîren di nave ven sedsalan de heland û xiste milet.
Em bûne qewm.

Em di vêderêde derbazî qonaxek din bûne. Em Zirkî ji qonaxê Eşîrîtiyê borîne.Em miletêk xebatkar in, bi ked û xebat û li gore urf û adet û toreya xwe dijîn û em ji nîzama alemî re jî rîayetê dikin. Îro li nave rom û firengan usula gumrikê çî be, a me jî ew e. Ticar û seyahên biyaniyan ji tenzîmên me memnûn in. Diçin li welatên xwe pesnê me didin.

Hemî Şah û Siltan, tifaqan bi me re imza dikin û bi fermannaman Mîrekiyên me teyîd dikin, Xelîfeyê İslamê dexwaza piştgiriyê li me dik e, Mewlana İdrîs di erznama xwe ya ku ji Siltan Selîm re dişeynê navê babê min weke hêzêke tifaqa Kurd û Osmaniyan tînê ziman. Siltan Silêman hikmê Şahqûlî Beg û yê nefsa min teyîd dike. Bi ya min bî Derzin dewleteke biçûk a Kurdistanî ye. Dewletên ji me mestir jî henin li Kurdistanê. Ew dewlet xwedî bajêr in.

Erdelanî, Babanî, Botan, Behdînan, Soren, Mukrî û Bredostan, Şenboyî, Roşkî, Azîzî, Mîrdesî, Swêdî, Melkişî , Melîkî , Mendî û Mehmûdî di dereca yekemîn de nin. Ev temam Hikimderiyên mezin in, hikumat in.

Em ji hemî Mîr û Mîrêmîrenên Kurdistanê re rêz digrin. Ku îrede wan li ser navendeke Kurdistanî bî, ez ji vê re hazir im. Lê hun dizanin ku Kurdistan 2 beş e. Beşek bi İrenê ve ye, beşa mezin jî em in û em bi Osmaniyan ve girêdeyî nin. Armanca Mewlana İdrîs ew bû ku hemî axa Kurdistanê bide ser Osmaniyan, wî digo “- Divê berî her tiştî Kurd di binê sîwana dewletêkê mezin de bigihên hev.” Ku İdrîs û Selîm 10 salên din li heyatê bimana, wê hindek tiştan bikiren. Mirina wan, bêşensiya me ye.”

*** *** ***

Di vê hindevê de xwendevenêk redibî piyan Mîr û bejderen selam dike dibê : “- Ez Hesenê Osman ji gundê Doden im.Min şaxa Zeolojiyê xwend ku ez xizmetê di warê kişt û kal û rêncberiyê de (Zireet) bikim. Ez ji welatê xwe pir hiz dikim. Dewlet li serê malbata te ev welat bûye cenneta rengîn. Ez ê pirsêk bikim. Hîvîder im hun li min biborin. Gelo bo çî rol û tevgere Mewlana İdrîs ne domî. Bo çî ew rewşa zemanê İdrîs bi İdrîs re temirî ?

Mîr Yaqûb waha bersûya Hesenê Osman dide : “ - Xortê hêja, cewaba vê pirsê gelek zor e. Em bêjin ka bo çî Selaheddînekî Eyyûbî renebû, ka ciyê Ahmed Merwan ango Eba Mislimê Xoresanî bo çi ma vele. Ev mînak têne dirêj kirin, lê sebebê ku ez li ser vê pirsa yekîtî û yekbendiya Kurden waha dirêj rewestiyam ew bû ku hun xortên xwendevan vê pirsê ji xwe re bikin derd û lê bigerin ji nave xwe Mewlana İdrîsan biafirînin.

Kurdno! Pêwîst e û li ser her xwendevenêkî Kurd ferz e ku di warê ilm û irfan û ilimderiyê de ji neyarên xwe xwurtir û pêşketîtir bin. Eger ku xwendevenî sîlah e, divê ku devê şûre we ku nemînê, divê hun hunere xwe bi zanînê bi ser reqîbên xwe bixin. Divê hun wek İdrîs Zana û weka Mihemed Axayê Kelhokî evinderê milet û welatê xwe bin.

Di vî 12 salên ku hun hatin perwerde kirin, salê çend caren ez dihatama Medresê û bi taybet min li ser dîroka Kurd û Kurdistanê lêkolîn û melumatên xwe bo we diyar dikire. Ez ne tenê Mîrê we me, ez Mamosteyê we û xwendevenêk ji we me. Xwendina we neqediya, xwendina we hê nû dest pê kir, divê ku hun rewşa dinyayê her bişopî nin.”

*** *** ***

Şagirdek ji paşiya Dîwanê redibî û bi dengek bilind dibêje : “- Ez ji gundê Hiweylok Mistefa yê Hamid im. Min li ser şaxê Hendese yê xwendî ye. Dixwazim di warê avedenkirinê de ez û hevela min Meyrema Şebab ku ji Canpîroz e û bînasaze bikevin xizmeta rêvebiriya we ya bilind û berketî.

Mîr, navê Mistefa û Meyremê li ba xwe qeyd dike û dibê “- Dexwaza te di cîh de ye. Kengê Kurden dewleta xwe ave kir, wê gavê em ê jî weke herêmek pêşketî beşderî wan bibin. Pêşveçûn bo miletan serfirezî û aremî ye.”

*** *** ***
Ev semîner tam 7 rojan dom kirî. Beşa pirsan roja ewil 4 siet e. Wekî din konferens in, sihbet in, folklor û stren û dîlan in, kêf û geşt û seyren in, heya 21ê Aderê ku ew jî Cejna Kurden e. Mîrekiya Derzin Luksenborga wê demê ye. Babê Yaqûb Beg Mihemed Begê Zirkî ye. Ew jî weka Mîrê Bedlîs û Cizîrê xweden erk û îrede ye. Artêşa wî jî heye. Ew dewlet bûn. Ax û erde wan welat, gelê wan milet bûn. Miletên azad û welatên arem. Jimare wana bi seden.

Zemanê Mîren, zemanê wezîren, piştî Mîren zemanê rezîlan….

*** *** ***

Kalê Ciwan

(Dawî)

Wan: 3 zarok wenda bûn

2008-05-30T10:24:00.002+02:00

Li Navçeya Wanê li Bêgir(Muradiye) 24 saet e hay ji 3 zarokan tune.

Li gor agahiyan 3 zarok Atilla Sarı (13), Cengiz Utku (14) û Habip Erdoğan (13) ji bo herin dibistanê duh ji mala xwe derketin.

Piştî ku zarok êvarê venegeriyan malê dê û bavê zarokan ragihand ku mumkun e zarokên wan ji alî hinek kesên nenas ve hatibe revandin û serî li polîs dan.

Bavê Hatip Erdogan Habib Erdogan jî got wî herî dawî zarokê xwe wextê nîvro li derva dîtiye û ji wî re gotiya ku çima ew naçe dibistanê. Wî jî bersiv daye û gotiye ji xwe nuha ew diçe dibistan. Lê piştre min bihîst ku kurê min û du zarokên din li cem hin kesên parsek hatine dîtin.

Polîs xebata ji bo dîtina zarokan didomîne.

Çavkanî: Netkurd:Netkurd.com

KURTEHELWEST: Mafê serbixwebûnê

2008-05-27T13:08:00.000+02:00

KURTEHELWEST: Mafê serbixwebûnê bo gelê kurd

Divê helwesta kurdan çî be li ser mafê serxwebûnê?

Ev maf, mafekî xwezayî ye û divê herkes xwedî li vî mafî derkeve.

Sîdar Bengîn Epozdemir

Mafê gelan î serbixwebûnê yekem car di sala 1916ê de ji aliyê serokê Amerîka yî wê demê, Woodrow Wilson hat selmandin di nav berhema Wilson ya 'Çarde xal' (Fourteen Points) de. Wilson di demên dûbendiyên mezin de yên ku di cîhanê de li holê bûn, pêwîst didît ku her gelek çarenûsa xwe bikaribe diyar bike, û serbixwe be.

Hêjayî gotinê ye ku di berhema xwe de vî mafî nedida gelê kurd, lê tika dikir li tirkan ku rê bidin pêşveçûneke xweser û ewlehiyeke jiyanê ya bêguman bo hemû kêmaniyên din li 'beşa tirk' a Împaratoriya Osmaniyan.

Bêguman ku em bêjin doza kurd, pirsa kurd, îro yan sibê ne dema gengeşiya vî mafî ye. Pirsgirêkên gelê kurd hêj gelek in, dê hêj zef bin jî. Pirsgirêka kurd, ji çar 'sub-pirsgirêkan' pêk têt, yani li her parçeyek Kurdistan pirsgirêkek û di warên civakî, siyasî, aborî û navnetewî de bi dijwarbûna xwe, li holê ye.

Bila kurd heta ji wan tê bixebitin ku pirsgirêkên weke parastina zimanê kurdî û mafên din yên çandî û statuyeke siyasî li welatê xwe bi diyalog û demokrasiyê çareser bikin, lê niha derfetên demokratîk digihêjin kîjan astê bila bigihên: yek tişt gelek eşkere ye.

Şik li ser tunebe, bi rastî jî yek hevalek rasteqîn î/e kurdan, ji bilî çiya, nîn e. Baas'îzm, kemalîzm û îslamîzm mohra xwe wusa li ser civakên ku kurd jî lê dijîn dan, ku imkan tune gel pêkve di nav aştiyê de, wekhev bijîn.

Wekhevî tenê bi yek çareseriyek dirust dibe, û bo vê yekê pirsa kurd tenê bi yek awayek dikare bi dawî bibe: Serxwebûna gelê kurd.

Tabî cîhê daxê ye ku welatên cînar bi hevkariya xwe dikarin astengek mezin bin himber bikaranîna vî mafê hêja.

Helwesta min a di derbareyî vê babetê de ev e.

Sîdar Bengîn Epozdemir

TIŞT(INÊN)EKÎ MIN HE(NE)YE

2008-05-26T09:07:00.003+02:00

Kulîlkek min heye li dinê
Pir rind û ciwan e mîna dîlberê
Can û giyanê’m bi gorî
Berê’m tim li serê.

Ew sorgul e li gulîstanan
Ew karxezal e li Sîpanan
Dilê’m ket wan çav û lêv û biskan
Navê keybanûya’m KURDISTAN.

Di zivistanan de lîlavim û dihelim li ser te
Di biharan de endelî me û dixwînim li ser te
Di havînan de deşt û zozan digerim li ser te
Dibim ‘Derwêş’ û ‘Evdal’ li ser te.

Zarê’m KURDÎ ye bi hezar salan e
Kurmanc im, Soran im û Zaza me
Dixemile her der bi kesk û sor û zeran e
Dê biheje her ala’m bi heybetan e.

Bengî û pêrewê evîna te me
Zêrevan û xemxurê jîna te me
Xweşdoz î ji bo min ey welat!
Her Gernasê serxwebûna te me.

‘Cejna Kurdî li Kurdan pîroz dikim.Bi hêviya ku hemû cejnên me Kurdan bi Kurdî bên jiyîn. ‘

Gernas Roderîn 19/03/2006

Şeyda - Esmer

2008-05-25T07:07:00.003+02:00

Şeyda bi strana xwe ya 'Xwezî Esmer' me îro mêvanî dilê xwe dike...

Bifermin....

(Têbînî: bila xwendevanên me piçek jî be, li me biborin ji ber derengnûkirina malpera me ya cuwan. Hûn zanin, ev dem dema imtihan û ezmûnan e û bêdîploma, bêperwerde em nikarin tu feyde ji gelê xwe re bînin holê, nemaze em nikarin karên xwe yên nivîsînê berdewam kin. Doza sebra we dikin...)

Çakbînî-taybetî: Gelo Ahmet Turk li pey konferansa yekîtiyê ye?

2008-05-22T10:27:00.003+02:00

Fatih Çekirgeyê rojnamevanê tirk vê hefteyê di kuncika xwe ya di rojnameya tirk Hurriyetê de iddia kir ku Ahmet Turkî serokê grûba DTP-yê niyet e ku konferanseke kurdistanî bi hemû rêxistin û partiyên kurdan ên sersanserî cîhanê bi rêk xe. Çekirge dibêje serokomarê Iraqê Celal Talabanî jî piştgiriya vê projeyê dike.

Çakbînî.com

Li gor Çekirge Ahmet Turkê serokê grûba DTP-yê yê di nav civaka (parleman) Tirkiyeyê de, hêviyên xwe yên ji bo çareseriyeke aştiyane bo meseleya kurd beramberî wî disan anî zimên û wiha pê da: “Ji bo vê yekê pêdivî ye kurdên bakurê Iraqê û kurdên Tirkiyeyê û yên din komcivîneke (konferanseke) fireh li dar bixin. Di derheqê vê babetê de me ligel birêz Talabanî li hev kir. Bi xwe desteka xwe ya bi her awayî pêşkêş kir.”

Çekirge dibêje armanca komcivîneke wiha dê aşîtî be û balkêşiyek tîne ziman ku ew jî di halekî wiha de vexwendina berpirsek PKK-yê ye. Çekirge ser vê yekê diyarbûna pêvajoyeke nû ya bêçek destnîşan dike û dibê 'kurdên Tirkiye' û 'yên Iraqê' li pey pêkanîna platformeke ku dê şerê çekdarî ji derveyî pevajoyê bihêle ne.

Bi ya Çekirge, daxwaza Amerîka jî “jixwe” ev e.

'Selfcontract Kurdish Language' (ENG)

2008-05-21T15:21:00.000+02:00

The 'Selfcontract for the Kurdish Language' is a project of which all organizations, (student) associations and unions that carry sympathy for the Kurdish language and wish it a prosperous future can make use.

The contract has a somewhat conscious character as it is an agreement between the person signing and its conscience.

You may download the Soranî Kurmancî and Zazakî versions through these links.(In order to download the contract it may very well be that it will not suffice that you simply click on it. Click on the right button of your mouse and select ‘Save Target As’/’Doel Opslaan Als’/’Farkli Kaydet’ and there shouldn’t be a problem):

http://www.rojnamenus.eu/kurmanci.pdf
http://www.rojnamenus.eu/sorani.pdf
http://www.rojnamenus.eu/zazaki.pdf

In short, the contents of the contract are as followed:

You declare:

* first, that you "love all languages"
* then, that you "respect all colours and voices of the world"
* but also, that "every human being is beautiful with its own colour and voice"
* "yes, the knowledge of every language I speak enriches me with a new colour and voice"
* "however, to forget and to lose the mother tongue destroys my original personality, my identity and my belongings en makes my natural colour and voice dissapear..."

By signing the contract you promise to whoever reads the contract that you will learn your own language in the best possible way and that you will practise it too. Also by signing, you will have made the promise to speak Kurdish with another person as much as you can. In addition, you make the promise that you will see to it that your children will also get to learn the language -besides ofcourse, maybe other languages-. Finally, it is promised that the language will be protected by the person signing the contract.

The contract enters into force as soon as it is signed, framed and hung to a wall in a (working) room that's accessible freely.

For tips, suggestions, questions or remark please reach us via cakbini@gmail.com .

'Peymannameya ji bo zimanê kurdî' (KU)

2008-05-20T15:06:00.000+02:00

Projeya 'Peymannameya ji bo parastina zimanê kurdî' ji hemû rêxistin, komel û saziyên ku dahatûyek geş ji bo zimanê kurdî ji dil divên re projeyek vekirî ye. Herkes azad e vê projeyê bixebitîne.

Peymanan xisusiyeteke xwe ya wijdanî hene û weke lihevhatinek in di navbera kesê/a imzakirî û wijdana wê/wî.

Hûn karin peymanname bi şiklên Soranî Kurmancî û Zazakî ji vir daxînin. (Eger we pêl li bişkoka rast a mişkê da û we "Doel opslaan als"/"Save Target As"/Farkli Kaydet bijart, baş dibû):

http://www.rojnamenus.eu/kurmanci.pdf
http://www.rojnamenus.eu/sorani.pdf
http://www.rojnamenus.eu/zazaki.pdf

Eger we, rexne, şirove, pêşniyar û hwd. hebin hûn karin bi riya e-navnîşana cakbini@gmail.com ê bişînin ji me re.

Zelfcontract 'Koerdische taal' (NL)

2008-05-20T13:59:00.000+02:00

Het 'Zelfcontract voor de Koerdische taal' is een project waarvan het alle organisaties, (studie)verenigingen, instanties die de Koerdische taal een gezonde toekomst wensen vrijstaat om het over te nemen en/of zelf uit te voeren.

Het contract heeft een gewetenskarakter en is als het ware een overeenkomst tussen de persoon en zijn/haar geweten, met betrekking tot het beschermen van de Koerdische taal.

De Soranî- Kurmancî- en Zazakî-versie kunt u downloaden via deze links (drukt u bij voorkeur op de rechtermuisknop en selecteer "Doel opslaan als"/"Save Target As":

http://www.rojnamenus.eu/kurmanci.pdf
http://www.rojnamenus.eu/sorani.pdf
http://www.rojnamenus.eu/zazaki.pdf

Kort weergegeven is de inhoud van het contract als volgt.

U verklaart:

* allereerst "te houden van alle talen";
* vervolgens, "alle kleuren en stemmen van de wereld te respecteren";
* maar ook dat "ieder mens met haar eigen kleur en stem mooi" en uniek is;
* "ja, de kennis van elke nieuwe taal die ik leer verrijkt mij met een nieuwe kleur en een nieuwe stem"
* "maar het vergeten en verliezen van de moedertaal doet mijn originele persoonlijkheid, mijn identiteit en mijn toebehoren vernietigen en doet mijn natuurlijke kleur en stem verdwijnen..."

Met het ondertekenen van het contract belooft u aan ieder die het contract leest dat u uw nationale taal op een zo goed mogelijk niveau zult leren en zult praktiseren. Voorts belooft u zoveel mogelijk met een andere Koerd Koerdisch te spreken. Ook doet u de belofte de Koerdische taal -naast eventueel andere talen- over te brengen op uw kinderen. Ook maakt u de meer algemene belofte uw taal te zullen beschermen.

Het contract treedt in werking wanneer dit in een lijstje wordt geplaatst en wordt opgehangen aan een muur in een (werk)kamer die voor iedereen toegankelijk is.

Mocht u tips, vragen, suggesties, opmerkingen hebben kunt u deze mailen naar cakbini@gmail.com .

Romantîzma Çekdarî

2008-05-20T12:44:00.003+02:00

Di dîroka kurd de van sedsalan, çekdarî roleke mezin di nav civata me de lîstiye. Mîna her ciwanekî kurd, bîrhatinên çiroken peşmergetiyê, çekdarê yan jî parastina welat himbiri dijmin bi çekan hertim li bîra me de ne û em dikarin bêjin tesîrek mezin kiriye ser hestên netewetiyê yên me. Di çiroken gerandinê de hemû deveren welat gel hevalên şervan, ciwaniya bihara welat, xweşiya payîza welat û dijwartiya zivîstana welat ku hem wek mertalek li himbiri dijmin û hem wek astengeke serkeftinê bi bîrtinîn.

Nezar "Bahoz" Ahmed

Di van salen dawî de û bi taybetî îsal çekdarî carek dî bi awayek lez û bez derketiye holê. Ciwanen kurd bi xwîngermî peşwazî li van şerên dawî kirine. Wek di nav hemû demên diroka me de, di nav van sal û rojan de bi hezaran tevî refên wan hezan bûne. Di ve mijarê de dixwazim ser çawa temaşekirina şervanên me tê kirin rawestim.

Demê em klîpen ser internetê, televziyonê yan wênyên ser malperên kurd dibînîn, em şervanên kurd dibînîn bi keyfxweşiyê, di nav yariyan de, yan jî xwarin û şîr didin xezal û karwanê. Henekê gel hevalên din diken yan jî ser zozaneke pirtûkek dixwînin. Rastî meriv van wêneyên nav xewnek dibînit, lê ev rastî ye? Çima em hertim bi vi awayî an ji vî aliyê li şervanan yan li şer temaşe dikîn? Em dikarin bêjîin çekdarî bi awayek hatiye romantîze kirin, mina eviniyek biderd. Birçîbûna şevan, sehîdketina hevalan, wendabuna meh û salan, temaşekirina zulm û zor ser gundên alikar baş nayên xuyakirin. Me jî şervanên kevnar dipirsî û zu dihat xuyakirin ku ev ne wiha ye. Baş tê diyarkirin ku parastina welat barê herî giran e ku bikevît ser milên mirov. Demê min ji peşmergeyek dipirsî bersîva wî wiha bu, "Dil çi car rehet nîn e, bi taybetî demê meriv dizanît ku ew insanên ku alikariya me diken, nav tirsek mezin in ji brr ku, em baş dizanin ew di nav xetereke herî mezin in."

Jî aliya yekitiya gelê kurd de, çekdarî bi hin awayê cudabûna kurdan berdewam bûye. Heya niha li başûr û bakur û bi taybetî li başûr hêzên çekdarî astengiyeke himberî yekbuna Hikumeta Herêma Kurdistan ê bûne. Hêzên PDK hene û hêzên YNK hene. Mixabin ku ew hêzên başêr, ku welat rizgar kirine niha bûne sedema tengasiyê û cudabunê. Me dîtiye ku dijmin gelek caran hin hêzên kurdan jî li dijî hezen kurdên dî bikaraniye. Di dirokê de di salên 90ê de, me dît ku çend caran dewleta tirk her salek yek ji van hêzên dijî tekoşina bakur bikaranî. Lê ev xal jî tu car nehat diyarkirin, ku çekdarên me brakujî kirine. Veca çewa em çekdaryê bi vî awayi romantîze bikeyn?

Jiyaneke bi rastî pêşmergetî ye û ku pir caran dunya tev dijmin e xebata te ye. Hevîdar im ev ne şaş bi fêm kirin ku ew şervanên serê çiya bi dilekî zelal şer nakin, lê pewist e di hin xalan de vê romantîzma çekdarî jî binît ser riya, realîtiyê. Hezên parastina welatê me rumeta me ne, lê ne tene bi çekan û bi çekdarî, divê em bi can welat biparêzîn...

Nezar "Bahoz" Ahmed

Bersiva-bo-bersiv a Îbrahîm Selman

2008-05-20T12:31:00.005+02:00

Li ser kuncnivîsara min a bi navê 'Têbînî: pêşî biwêre lê bikolî, paşî biwêre 'realîteyê' binasî...' a ku bi zimanê holandî jî belav bûbû birêz Îbrahim Selman, yê ku nivîsara ku kuncnivîsara min jê re bersiv bû nivîsîbû bersiveke dî nivîsî û di malpera xwe de belav kir.

Piştî xwendina 'bersiva-bo-bersiv' ez digihêjim wê encamê ku birêz Selman tu argumaneke nû û/yan xurt ku helwesta wî ya 'kurdî koma zimanan e' bibingeh ke pêşkêşî raya giştî nake.

Ji lewme, ez bala xwendevanên xwe yên birêz dîsan dikîşînim ser bersiva pêşîn a ji aliyê ezbenî ve nivîskirî.

Û tabî, ji ber durustiyê em li vir lînka nivîsara nû ya Îbrahîm Selman jî didin: http://www.ibrahimselman.com/?p=86

Sîdar Bengîn Epozdemir

Hema ji ferhengê bibire nexwe!!!

2008-05-19T11:23:00.001+02:00

Vê gavê kes nikare bikeve ber dilê min. Kêm carina ez hev çend bêhêvî û di heman demê de xemgîn bûme. Min timî ji Holandayê hez kiriye, lê belê niha wê pişta xwe zivirandiye min. Ez xwe ji aliyê wê, ewa ku min tim baweriya xwe pê dianiya, ewa ku ez jê re dîn dibûma bicîhhiştî dihisim.

Wê çawa karî wiha bike? Çawa karî biryareke hev çend xelet bigire? Ka rastîbînî? Ka terbiye? Ma ev in “rêgez û hêjayiyên” ku Balkenendê* qala wan dikir? Şanaza holandî fedî dike, Şanaza kurd bi êşek nav geliya xwe de digirî...

Di nav çend qulan de min hema-hema her piçikekî rêz, ku min berî ji vî welatê xweşik, bi gelê xwe yê sakîn re digirt, wenda kir. Axx, ev çî êş e wisa, mîda mirov çiqas teng, geliya mirov çiqas ziwa, çavên mirov çiqas şil dike wisa...

“Holanda Enfal, ligel Helebçeyê wek tevkujî nanase”

Çima nanase? Gelo ji ber ku xwîn di destên wê bi xwe de jî hebû? Yan jî ji ber ku dilên ‘hevalên’ tirk neyên hiştin gelo, da bikarin berdewam kêfa bêhndanên bi-tav û erzan bikin û bi çermekî qelandî, sor û qirmiçî vegerin û bên xwe bixapînin û bêjin ‘ez çiqas xweş reş bûme ne wisa’? Yan jî qebûlkirina van tevkujiyan tê wateya mecburiyeta nasîna tevkujiya Ermenî ji bo we û hûn dizanin ku ew di şûna ku vê rastiyê qebûl bikin de karin tevkujiyeke dîtir pêk bînin?

Yan jî, hêja Maksîm Virhaxin**, hûn wiha dikin ji ber ku Dadgeha Tawanî ya Navnetewî (ICC) ya li Laheyê ku dozên li dijî mirovatiyê û dozên di derheqê tevkujiyan de qebûl dike, tenê çend metre dûr e ji we? Baş e hûn kuştina 5000 bêtawanan çawa dinavînin?

Yani eger rewş wiha be, vê peyvê, tevkujiyê (jenosîd), ji ferhengê bibirin êdî!

Lewre. fonksiyona peyvek çî ye, eger ev yan neyê bikaranîn, yan jî ne di cîh de bê bikaranîn, yan jî tu kedek nede zimanek? Gelo bes nîn e ku ev vahşetane pêk hatine? Rwanda, Auşwîtz, Hîroşîma, Srebrenîça, tevkujiya ermenî, Dêrsim, Helebçe...

Mêr û mêrxas be û qesta van bûyerên hovane bi navên xwe yên rasteqîn bike!

Biwêre van binasî wek tevkujî! Tehdayê ku hatiye kirin li van gelan zêdetir neke. Piçka hêviya ya mayî ya malbatên miriyan bo mafê hebûneke birêkûpêk û jiyaneke wekhev nexeniqîne. Siyaseteke înkarî himber ew tiştê ku jiyana wan serûbin kiriye û jê pê ve wan domîne kiriye nemeşîne

Durû nebe. Yan binase, yan vê peyvê ji ferhengê bibire...

Şanaz Berzencî
shanaz1990@gmail.com

www.cakbini.com

* Jan Peter Balkenende, serokwezîrê Holandayê.
** Maxime Verhagen, wezîrê karûbarên derve yê Holandayê.

Şanaz Berzencî kurdeke 17 salî ye ku ji bo malpera Azady.nl a nûçeyî ya kurdî-holandî her meh dinivisîne, dîtinên xwe li ser Kurdistana mezin bi xwendevanên holandîaxêv parve dike.. Berzencî ji Kerkûka başurê Kurdistanê ye û li Hollanda dixwîne.

Werger ji holandî: Sîdar Bengîn Epozdemir

Ez xortê kurd im...

2008-05-16T18:52:00.002+02:00

"Ez xortê kurd im, pir bi nav û deng..."

FC Barcelonayê dîsa gazî Muhammed kir

2008-05-14T21:48:00.001+02:00

Tîma navdar ya spanî Barcelona dîsa gazî leyistikvanê Fûtbolê Muhemmedê agirî kir.

Barcelonaya ku sala bohirî gazî Muhammedê agirî kiribû û wî du hefteyan li Barcelonayê tecrube kiribû, dîsa gazî wî kir.

Muhammed niha 12 salî ye bi eslê xwe ji Agirî ye û li Stenbolê di tîma Beşîktaşê ya 12 salîyan de dileyize.

Herkes hêvî dike ku dê Muhammed bibe leyistikvanek navdar û ji bo vê yekê ji ev du sal in ku FC Barcelona li pê wî ye.

Çavkanî: Netkurd, ji bo nûçeyên rojane, yek ji malperên me kurda yên gelek hêja: Netkurd.com

Diran çawa tên şuştin?

2008-05-13T20:51:00.005+02:00

Niho hûn difikirin: Yaho çima eva hanê ser diranpaqişkirinê radiweste?
Ka ez ji we re bêjim: Gelek mirov hene ku diranên wan qul in, rizî ne yan jî pudûyê wan kul in. Û geleka haj ji diranên xwe nîn in heta ku bi êşa wan dihesin.

Bawer bike, dema ku diranê mirov bi ar bin, mirov ji noke ve qîmeta diranî dizane!

Çend şîret hene di derheqê şuştina diranên mirov re. Çend ji wan tiştan ez ê ji we re di vê kurtenivîsara xwe de bînim ziman.

Hêro Botanî

1. Lazim e mirov her roj, 2 cara diranê xwe bişu. Carekê siba zû û carekî bi şev, pêşiya mirov raze.

Haj ji demî hebin, ji ber ku piştî xwarinê lazim e mirov nîv sehetê diranê xwe neşû!

Ji ber wê yekê baştir e ku dema mirov ji xew rabe, mirov ewilî xwarinê bixwe û piştî vê xwe hazir ke. Heta welê nîv demjimar biborê mirov kare pêşiya mirov ji mal here, diranên xwe bişu!

2. Mecûna fluorîd tê da, baştirîn mecûna ji diranê mirov re ye ji ber ku wan qewî dike.

Di van dawiyan de fluorîd gelek di mecûnan de heye. Fluorîd gelek baş e ji ber nahêle zû qul di dirana de çêbê û navbera wan demê mirov tişte sar yan germ dixwe, tengtir dike.

3. Divê pore firçê nerm bin ji bo ku pudiyê mirov bi vî awayî xera nebin.

4. Dema mirov diranên xwe dişu, dive mirov zêde hişk firçe neke. Kengî mirov zêde bi quwet ser biçe, mirov pidûye xwe xira dikê û ev wêca paşde diçe û êdî nema vedigere.

Piştî pidûyê mirov paşde diçe, diranên mirov bêthir bi tiştên germ/cemidî dihesin.

Pidûyê paşdeçûyî êdî nema vedigere.

5. Baştirîn rêbaz ji bo ku mirov diranên xwe kare paqij bike û zêdetirîn hejmar baqteriyan tune bike çî ye?

Ji bedela xwe firçeyê rast deyne ser diranê xwe. Piçekî biqulpîne û zawiyeke 45° cêbike. Ev ji ber ku porên firçe bikevin bin pidû de ye. Û ji ber pîsatiya wê derê jî paqij be.

6. Yaho mirov çawa dizanê pidûyê mirov qul e yan ne qul e?

Mirov pênahese kengî pidûyê mirov qul be. Qulbûna pidûyê mezintirîn ‘nexweşî’ ye nav insana dan.

Pidûyê baş, rengê wê pembeyeke zelal e.

Ku pembeyeke tarî be, delemihîne, werimiye û xwîn (carna) jê tê demê mirov diranê xwe dişu yan demê mirov dest pê bidiyê bi darkê dirana. Wî çaxî tenê xwîn ji diranên mirovên cigarekêş nayê.

Mînaka pidûyeke tendurust

Mînaka pidûyeke qul

7. Mirov çi dike demê diranên mirov qul dibin?

Demê diran qul bin, divê mirov bala xwe bêhtir bidehê , ji ber ku pidûyê mirov hema paşde diçin û em zanin tiştê çûyî, nema vegere!

Şuştin tenê ne bes e! Divê mirov darkê dirana yan firçeke kiçik stehmal ke, ku pîsîtiya neqeba dirana û pudûya here.

Kurdan (darikê dirana)
Gelek Kurd van darkên giroverê xwarinê bikartînin. Bawer bikin ev darik ne baş in û pidûyê xira dikin. Baştirîn darik, ew darikên sêçik in.

Mirov ê aliyê rast bide pidû û aliyê sêçik bide aliyê diranê, ev ji ber ku aliyê sêçik pidûyê xira neke. Mirov rast dixe neqeba diranê xwe û heta 3 care dibe û tîne ku taze paqij be. Heger mirov wan her şev careke dubare bike, di 2 hefteyan de mirov dibîne ku pidûyê mirov dîsa sax dibe.

Roja Dayika li we pîroz! Helbesta Zhalla: 'Bo Dayik'

2008-05-11T15:22:00.006+02:00

'Roja Dayikan' li hemû xwendevanên me, li dayikên wan, herwiha li dayikên şehîd jî, pîroz be.

Hemû rojên we 'Rojên Dayikan' bin, bextewarî, giyanxweşî, baş-tendurustî para hemû dayikên xwendevanên me be.

Ku bi rastî jî ev roj ji me re lazim e ku em carek binêrin dayikên xwe, wan maçê bikim û carek bêjin 'qenc ku tu heyî dayê' bila em vê rojê bilind binirxînin û vê rojê bixin du roj, du roj bixin sê roj, sê roj bixin hefte, hefte bixin meh, meh bixin sal, da ku nirxa dayik tim bilind bimîne.

Dayik evîn e, hesret e, hêvî ye, av e, nan e, moral e, quwet e, lê herî girîng, çakbîn e.

Lewre bi anîna zarokê/a xwe li vê dunyaya ku ji bo kurdan dunyayeke reş e wê çakbîniya xwe nîşan daye û hêviya xwe der biriye ku dê yan zarok, yan zarokên zarok bigihên tema xweş a ava azadiyê...

Bifermin ligel helbesteke Zhalla xan, li ser dayikê...

Bo dayik

Ey daykî mîhrabanim...
To yî mangekey tabanim...
Zorit bo kirdim birçûnî mahala...
Bê to xoşî temenim betal e...
Ew sataney ray ajanî beşkekem...
Omedim ekird rohî xomit peşkêş kam...
Balên bê daye giyan...
Be cê ehênim peyman...
Rezî to bigirim ta dwa henasim..
Çunke to ferit kirdim çî ye pênasim...
To ferit kirdim rawştî berz û cuwan...

Fîday tom daye giyan ta kotay da jiyan...

Zhalla

Têbînî: pêşî biwêre lê bikolî, paşî biwêre 'realîteyê' binasî...

2008-05-10T08:57:00.006+02:00

'Realîte'.

Ê gotina nîn e ev peyv....Hama bila mirov lê nebêje û li ber razê...Hew çend xweş e yani...

Realîte. Reêl, realîst, di şuna fantastîk, fikrî û mezinker bûn de.

Me hemû divê em wiha bin, ne wisa?

Sîdar Bengîn Epozdemir

Tiştekî dî ku em ser li hev tên jî, ew e ku -wek raya xwendevanek birêz- 'realîteya min' ne pêdivî ye 'realîteya te' be...

Mimkin e. Dibe jî.

1. Realîteya min kare ew be ku hama şermeke reş-û-reş e ku Şehrîbana Kurdî ji xwe re dibêje 'hunermend' û hûn sax.

2. Realîteya te di vî warî de kare be ku Şehrîban xanim hunermend e û ji xwe wê 'H' ya peyva 'Hunermendî' aniye holê.

3. Realîteya min kare be ku cuwantirîn çîrok ji aliyê destê Helîm Yusiv, watedartirîn helbest ji aliyê Seydayê Cegerxwîn û çaktirîn şiroveya zimanê kurdî ji aliyê Mîr Celadet beg hatiye kirin...

4. Realîteya te kare ew be ku 'K' ya peyva 'kurd' jî nîn e û ji xwe ne wêje, ne jî çanda kurda heye.

Bise...Mînaka dawîn, hinek ecêb e, ne wiha?

Rast e. Sê mînakên pêşîn zêdetir relatîv in û ji gengeşiyê re zêdetir hene. Heçku helwesta çaremîn helwestek e ku bi agahî, dîrok, zanîn re têkildar e...

Hmm, yani realîte realîteyeke bihêztir e, dema civakek bi gelemperî lê bipejirîne û dema wê agahî, serkanî hebin ku li ser wan bingehan ava bûye.

Bo nimûne, bilêvkirina realîteya 'kurd' berî 20 sal dibû sedema tawanbariya cudaxwaziyê li Tirkiyeyê. Lê îroj em dibînin ku endamên desthilatdariyê yên herî bilind jî mahkûmî rastbinavkirina mirovan bûne.

Çima? Ê ji ber ku bêgumaniyek heye li holê ku kurd heye!

Bi gotineke din, tabû têne şkînandin. Bi rastî jî têne şkînandin. Nemaze ku ev realîte heqên heq bin, dadmendane bin.

Realîteyek bi serkaniyan bingehkirî û bi gelemperî pejirandî nayê inkarkirin. Nayê inkarkirin bi welatparêziya dinyayê jî!

Bawer bik...

Lê belê, angaşteke bê belge, bê hêman, bê mîlîmek ji lêkolînek zanistî, lê 'bingehkirî' bi ceribandinên şexsî tenê (ezbenî li çendîn zaravayan baş têdigihe, bi rastî jî, kêşe çî ye?), a ku nêrînek ku kurdî komeke zimanan e ne zimanek e pêşkêşî me dike, ne realîteyeke bihêz e...

Yani, em dema ku pirtûka vedikin, datînin ser çoka xwe û bi awayekî xwînsar û objectîf temaşeyî têgihiştina zaraveaxêvan ji zaravayên hev dikin, digihên vê encamê.

Yani 'nasîna' tiştek li vir nayê gengeşîkirin...
Ev nayê wê wateyê ku helwesta behskirî tu car jî nikare bibe realîte...
Kare, pêşveçûn têne holê, çibkin? Dinya dizivire...

Lê ji bona her kesek ku 'realîteyek' dinase ji ber 'realîtenasînê' gotineke min heye: pîroz be (!), lê ku hûn bixwazin ku cimbir cem'eet ji we bawer ke, pêşî lê bikolin, beriya ku hûn 'diwêrin' realîteyek binasin.

Ji ber ku bi lêkolînê tenê ye ku hûn ê bikaribin xwe zêdetir nêzî 'realîteya rasteqîn' bibînin.

Kurdî ziman e. Ne komeke zimanan.

Eve ye realîteya zanistî. Eve ye tiştê ku ez diwêrim binasim.

Sîdar Bengîn Epozdemir
sidaro4@hotmail.com

(Jêrenot: Bersiveke ezbenî bû ji bo nivîsara rewşenbîrekî me yî hêja, yê ku di malpera kurdistanî Azady.nl ê de digot kurdî ne ziman, belê koma zimanan e, lê vê helwesta xwe bi tu belge bibingeh nedikir. Wek tê zanîn ku ne ji welatparêziyê, lê hema ji zanistiyê bi xwe jî wisa tê fêmkirin ku kurdî zimanek e ku pirrzaraveyî û 'pirrstandard' e. Me berî qala frîzan kiribû. Zimanê frîzî pir dişibe zimanê holandî, heta-heta, bi mejiyekî zimanzanî, mirov kare bêje ku zaraveyekî holandî ye zimanê frîz. Lê sedem ku frîz wek neteweyek hatine pejirandin li Holanda ji aliyê dadwerê holandî ve, frîzî jî bi vê boneyê ziman e, ne zarave. Ez bawer nakim em dixwazin hebûna neteweya kurd gengeşî bikin. Gelo ew dê realîteyeke çawa be?)

Vê kurtenivîsarê, bi şiklê xwe yê holandî di malpera Azady.nlê de jî weşiya.

Îttifaq – Pevratî

2008-05-09T16:42:00.003+02:00

Helbestvan û Feylezofê mezin Ehmedê Xanê wusa gotiye:

"Ger hebûya me îttifaqek
Lekra min bikira întîqadek
Rom û ecem bi temamî
Hemûyan ji me re dikir xulamî"

Belê min xwest bi çend ristên ji Dîwana Ehmedê Xanê dest bi nivîsa xwe bikim. Ji ber ku di van çend rêzikên helbesta şairê nemir de mirov dikara bi hêsanî bivîne ku di dîrokê de kurd qet di bin konê netewî de rûneniştiye û li hev kom ne bûne. Bi hevre stranên dengbêjiya kurdîtiyê nestrane. Bi hevre xwe bera newalên bedewiya welatê agir û rojê nedane.

Siyamed Sîpan

Ev jî sedem e ku heta niha ne dewletek kurd heye û ne jî zimanê kurdî wek zimanê li cîhanê yên din pêşketiye. Bûye sedem ku kurd bi salan neçariyê êş-kişandinê hatiye hiştin, neçariyê bindestiyê hatiye hiştin. Bûye sedem ku heta niha bi dehan komkujî di serê kurdan re derbas bive, bi dehan serhildan têk biçe. Kurdan herdem kişandiye, herdem di bin şert û mercên zahmet de neçar maye zarokên xwe mezin bike, bi tirs û xof.

Belê wek ku tê zanîn di demên dawî de hevalbendî ya netewî mohra xwe li hemû babet û mijarên axaftina xistiye. Min jî xwest di nivîsa xwe ya îro de bi zimanekî wêjeyî yê hûnandî vê pevratî yê vebikim û vebêjim, li gora çavên ramanên xwe.

Derbarê vê mijarê de hemû rêxistin û partiyê siyasî yên kurd nêzîkatiya xwe ya di derheqê vê mijarê de xûya kirin. Mirov bi kêfxweşî dikare bêje ku ev nêzîkatî hemû erênî ye û sedemê kêfxweşiyê ye. Lewra min jî xwest li ser vê babetê hest û ramanên xwe vebêjim û bi were parve bikim.

Dema mirov xwe bera nav rûpelên ku şerm dike mirov wan ji nava wê jenga dîrokê veke û fedî dike mirov bixwîne temaşe dike û xwe bera nav wan dide, mirov dikare bi hesanî bivîne ku di dîroka gelê kurd heta niha qet li xeta netewî li hev kom nebûye û li hev ne civyaye. Di her rûpelê dîrokê de aliyekî kurd bûye ambûrînê dijmanan û hiştiye ku keda bi sedan an jî bi hezaran kesan vala derkeve û bi sedan qad bive gola xwînê.

Lê îro ev guheriye, îro kurd guheriye, îro kurd bûye xwedî fikrek netewî, bûye xwediye têgihiştina nasnama netewî. Di dîrokê de gelê kurd qet wek roja me, ne bûye xwedî hestên netewî. Lewra ewê wek di demên borî de zû zû neyê leystikên dijmin û neyaran.

Di roja îro de hemû partiyê kurd xwe nêzîkî xeta netewî dike û li ser konferanseke netewî dixwaze hêza xwe bike yek. Di heman demê de difikire ku hêzek parastinê ku ewê bive artêşa gelê kurdê her çar perçeyan ava bike, ku mirov dikare di bin banê Hêzên Parastina Gel de bîne cem hev. Ev hêz ewê di bin parastina rewa de gelê kurd biparêze. Êrîşen li ser gelê kurd ewê ji aliyê hêzên netewî ve were bersivdayîn.

Di demek mijara gotinê de kurd ewê bive xwedî otorîte di rojhilata navîn de, ewê bive xwedî hêzek ku tii dewlet ewê nikaribe bi ser wan de biçe.

Tenê ku dema hemû kurd di konferansek netewî de were cem hev, ewê bikiribe bi tîpên zêrîn li ser rûpelên dîrokê binivîsîne. Rûpelên ku heta niha tenê bi tîpên xwînî li ser hatiye nivîsandin. Da kû rûpelên dîrokê ji ber vekirina xwe fedî û şerm neke. Ku em dixwazin zarokê me bi hevre sirûda netewî „Ey Raqîb“ li dibistanên kurdî bixwîne dibê em li hev kom bibin û hêza xwe bike yek, dibê em îttifaqek netewî çêbikin, dibê em hevalbendiyek bê dawî saz bikin.

Wê demê wek helbestvan û feylezofê mezin Ehmedê Xanê jî gotiye „Rom û ecem bi tamamî. Ewê hemû ji mere bike xulamî.“

Belê wê demê dê des nikaribe rê li ber destgirtinê kurdan bigre, dê kes nikaribe kurdan mîna ambûrînan bi kar bîne.

Di dawiya nivîsê de dibêjim tenê;

îttifaqa netewî,
pevratiya netewî,
hevalbendiya netewî,

ew ê her çar perçeyên welatê agir û rojê bigihîne sev hev.

Siyamed Sîpan

5 qutabî le baxçey nexoşxane pêlaw boyax deken

2008-05-09T16:33:00.008+02:00

Qutabiyanî qutabixaney seretayî tarancî be nawî Azadî, (11sal) Salan u Mehmed, (13 sal) u Muhsîn (14 sal) salan le baxçey nexoşxaney dewletî Amed (Diyarbekir) be boyaxkirdinî pêlaw hewl deden pare bedest bênin.

Rojî le nêwan 5 ta 7 YTL pare bedest dênin. Ew mindalaneş delên: "Îême naçarîn pare bedest bênîn, eweş nekeyn le birsî da demrîn" û kambaxiya xêzanî carêkî dexene pêş çaw.

Azadî gutî: "Nawî min azadî ye, yanê azadbûn, belam kwa min azad nîm, leber ewey min naçarim pare bedest bênim". Azadî raygeyand ke leber kar natwanêt ders bixuwênêt û weha dirêjey pêda: "Be cêyî dereceyekî baş, pêwîst e pare bibemewe bo mal ta iême bitwanîn nanî pê bikirîn".

Çavkanî: Rûdaw.net

Mîr û Medrese (I)

2008-05-08T11:04:00.003+02:00

Medresa Derzin bi navê Medresa Şaqûlî Beg navdar e. Di vê Medreseyê da hemî ilmên hemdemî hatine xwendin û miletê Zirkan hatine perwerdekirin. Şagirdên van Medresan di warê Fikih, Hedis, Tefsîr, tesavif, Rêziman, Mentîq, Exlaq, Tib, Zeolojî, Dîrok, Matematîk, Astronomî, Hendese, Endezyarî, Mîmarî, Leşkerî, Felsefe û hemî şaxên zanistiyên hemdem da bi dilê xwe dixwendan. Mesrefê xwendinê ji xezîna Dîwana Zirkan dihate terxankirin. Mal tinebûn ku yekê ilimdar û mezûnên van zangoyên zemanî lê tinebin.

Kalê Ciwan

Di van Medresan da zimanên erebî, farisî û osmanî dihate wergerandin û her şagirtek bi zarê Kurmancî dersên xwe digirta û rewa dikira. Di van Medresan da bi dinbilkî û zaravê soranî perwerdeyî nebû. Zaravê Kurmancî zaravê zanistî û gelemperî bû.
Ev Medrese Zangoyên hemdem bûn. Medresa Şaqûlî Beg yek ji van Zangoyan bû. Di binê vê dereceyê da jî li Erbo, li Werqanis, li Girdikan û li Erbinê jî Medreseyên zemanî hebûne. Gundê Sadê, yê Minar û Dodan jî ji van Medresan ne xalî nin. Welatê Zirkan bi tevayî ketine riya xwendinê. Zeman, zemanê Mîr Yaqûb e. Mîrê zana û ilimdar Yaqûb Beg (1543-1568) 25 salan piştî Şaqûlî Beg li Wilayeta Derzin hikim kirî ye. Di wê demê da gundê Minar jî li ser Derzin e. Yaqûb Beg bi xwe jî şaîrêkê navdare ku bi zimanê Kurdî Diwana wî ya helbestan hebûye. Di warê ilm û irfan û imaratê da pir zîrek e.( mêz. Şerefname xala Derzin)

Her sal, heftiyêk beriya cejna newrozê li Medresa Derzin merasima mezûniyeta şagirtan li dar diketa û di van rojên merasiman da, misamere û misabeqe li dar diketin. Di demek ji van deman da em ê di vê medresa navdar da gotûbêjêk bi Mîr û şagırdên wî zemanî bidin kirin. Emê xwe bibine salên 1560ê. Werin em li gel hev herin Medresa Şaqûlî Beg û guhdarî li Mîr Yaqûb bikin. Mîr Yaqûb birayê Şaqûlî Beg e. Begêk ji Beglerên mistesna ye.

Roj ji rojan Şemî ye. Sal 1565 e. Heyva adarê, roja 11 yê ye. 11 yê Adaran her bo me xêr û xweşiyê tînin. Niha em ê qala wê rojê bikin :

Hola Zangoyê ji şagird û mamoste û ilimdar û giragir û karmendan dagirtî ye. Mamosteyê berpirsyarê medreseyê gotarek dixwînê û programa gotûbêj û pirs û pirsiyaran dest pê dike. Pirs hemî ji Mîr tên kirin û Mîrê ilimdar yek bi yek bersuwa van gêncan dide.

Evên ku pirsan dikin hemî mezûnên vê salê nin. Pirsa yekemîn ya Felemez e. Felemez radibî piyan, Mîr û bejdaran selam dike û dibê : “- Mîrê ilimdar û hêja, Ez Felemezê Emerê Reşîd ji Zevyasor im. Min Zango li ser şaxê TİB ê kuta kir. Ez dixwazim herim Şam û Erebistanê li ser vê şaxê mastir bikim. Gelo ev imkan û destûra we heye an na?”

Mîr, Felemezê Zevyasorî pîroz dike û waha cewaba wî dide : “- Eva 12 salin ku tû ji kîsî xizna vê dîwanê dixwînî. Di her pûlek mesrefê te da mafên hemû welatiyan heye. Pişgiriya te li ser min ferze ku tû ilm û zanîna xwe zengîn bikî û pêşva bibî.. Lê mafê vî miletî jî li ser te heye ku tû dagerî welatê xwe û xizmetê ji welatiyên xwe ra bikî. Divê tû li hafa vê cemaetê soz bidî û 2 kefîlan kifş bikî, divê babê te jî bibe kefîlê te ku tû dagerî. Ku tû venegerî neyî, ezê malbata te ji vî welatî bajom.”

*** *** ***

Yekê Miryanisî bi navê Wezîrê Ehmed radibî dibê : “- Ey Mîrê navdar. Gelo ev ilm û zanîna te têrê nake ku Mîrekiyên Derzin û Girdikan biki yekserî. Bo çi di vî welatê biçûk da dû hikim û dû fermanrewayetî hatine avakirin.?

Mîr Yaqûb :”- Ev pirseke balkêş e. Bele ev pirs bo hemî Kurdan derd û êş e. Belkî jî ku ev rewş ji bo me çêtir e. Her Mîrekî li ber xwe dide, li dor xwe dizivire. Em çav didin hev, welatên xwe bi pêşva dibin. Qedrê welatiyên xwe digrin. Mêzekin, piştî Zangoya Şahqûlî Beg, li Girdikan jî Medresa Nasir Beg vebû. Ya em merivên biçûkin, nikarin dewletên mezin sewq û idare bikin, ango em merivên mezinin, serên xwe nakin ciwarên hev û ji tenêbûnê natirsin.

Niha li gora Fermannama Qanûnî Siltan Silêman hemî hikmê Dîwana Zirkan gihaye min. Lê ez naxwezim xwîna vî miletî birêjim. Bila ew ji xwe ra û em jî ji xwe ra bin. Tenê bila em bi hevra aştbin”

*** *** ***

Yek ji Gundê Erbo radibî dibê je : Ez Simailê Keleşim. Ez ji vê dilsarî û bêtifaqiya Kurdan ne razî me û ne xweşim. Bo çî em 50 sal berê bûne yek, lê îro em nabin yek.?

Mîr dibê “- Ev pirsa te hêja ye ku baş bê nirxandin û lêkolîneke giran li ser yekîtî û yekbendiya hemî Mîrekên Kurdan ku li ser programa Mewlana İdrîs bûne yek bête ders kirin. Divê em şertên wan rojan ku 50 sal di pêşiya van rojan da qewimî bidin ber çavan. Divê em Mîr û mezinên wê demê baş binirxînin. Zîrekiya Mewlana İdrîs, rola Mihemed Axayê Kelhokî û qabiliyeta Şeref Xan û Melîk Xelîl û Şah Elî begê Cizîrî divê baş bête nirxandin. Ev tiştê min go temam li alêk, Şahsimaîl dest avête zilm û zordestiyê û Siltan Selîm bû deriyê rehmê bo Kurdan. Dîsa jî bi şertê ku her Mîrekiyek bighêjin mafên xwe yên irsî (mîrate) Mîrên Kurdan li hev kirin. Ku program ya yek dewletiyê buya kesî dev ji hikm û bajar û tac û text û selteneta xwe bernedidan. Mewlana İdrîs vê yekê baş didîta.

Siltan Selîm jê ra dibê je : “- Here Mîrên Kurdan berhev ke, bila di nav xwe da yekî bikin Mîrêmîran, bila yekî bidne pêşiya xwe ku ez pêra rûnim li ser şertê ittîfaqê biştexilim. “ Mewlana İdrîs Meclisa Kurdan ber hev kir, lê dît ku yekîtiya wan ne işê salek dû salan e. Mêze kir ew tiştên ku bi dest xistiye jî dikevine xetereyê, ço ji Siltan ra go : ‘ Kurd meznayiya hev li ser xwe napejirînin. Ku îrada Padîşah yekê minasib bike Mîrêmîran, wê Kurd bipejirî nin ü serê xwe jê ra bitewînin.’ Mewlana İdrîs gelêk zana bû. Ewî dûr didîta, hur didîta û kur didîta.

Ew bi rastî dewletsazêkê mezin û bê henpa bû. Ez di meclisa wî da çend caran runiştim. Wî gelêk ji babê min hez dikira. Umrê xwe bi Siltanên Aqqoyîniyan ra derbaz kiribû . Ewî Ozbeg û Teteran baş nas dikira. Malbata Şahsimaîl jî weke min û te dinasiya. Ji 10 salan bêhtir bi babê Siltan Selîm Bazîdê duyemîn ra xebitî bû. Ew rola girana ku leyistand û bê qeza û bela bire serî ne karê aqile. Ji Silêmaniyê Heya Mahabadê, ji Kilîsê heya Dêrsim û Bedlîsê wî hemî Mîr û Emîrên Kurdistanê karî bîne cem hev. Mewlana İdrîs zû mir. Ewî bernama xwe bi dilê xwe nebire serî. Şertên Kurd û Osmaniyan xiste qanunnaman, hê di nava vê xebatê da di sala 1520 ê da pêşî Siltan Selîm mir, li pey siltan jî ew mir. Kesêkê ku ciyê Mewlana İdrîs bigrê tine bû.. Ew dewletsaz û siyasetmedarêkê bê henpa bû.

*** *** ***

Yek ji Minar Bi navê Cindî yê Remezan radibî, Mîr û bejdaran bi terzêk edeb selam dike û dibê je: “ Mîrê hêja û ilimdar, ez ji Medresa Şaqûlî Beg ji şaxê astronomiyê mezûnim. Di serê min da erd û ezman ne pir mezinin. Lewra bi hezaran stêr û roj û Heyv û sistem henin. Kurdistan jî biçikek ji vê gerdûnê ye ku em jêra dibêjin dinya. Hesreta her xwendevanek ewe ku Kurdistanek yek perçe û xwedan erk û hêz ava bibî. Gelo deriyê yekîtiyê lime hatiye dadan. Gelo ev yek qedere?

Mîr dibêje : Kurê baş ! Bawer bike ew hesreta ku di dilê te da ye, ew agir, dilê min jî disojê. Ev pirsên te di helbestên min da tên ziman. Ez jî van pirsan ji felekê dikim. Lê werin em bi hevra li vê gerdûnê mêzekin ka rewşa dinyaya îro çî ye. Em dûr neçin, cînarên me Erebin, Farisin, miletên Urûsatê û Qafqasa nin. Em ji Yewnanan Heya Efganîstanê, ji Erebistanê heya Qefqasan dewleteke ku li ser navê miletek hebî nabînin? Niha Osmanî dewleta kîjan netewî ye.An Urûsat, ango Îran? Gelo ka dewleta Tirkan û Yewnaniyan? Niha di dervayê imparatorîtiyan da di vê herêmê da miletê ku ji hemî miletan bi awantajtır e em Kurdin. Erê dilê me dixwazê em bibin yek dewlet, ev rast e, lê gelo ew şert hene.

Em vê daxwazê her bidomînin, em vê dûaya ramanbilind hîç jibîr nekin, belkî rojek Kurd bighêjin wê qonaxê, lê îro ji me Kurdan ra yek tiştek ferze û pêwîst e ku em bînin cî. Divê tim dostanî di neqeba Mîrekiyan da hebî. Em her yek bi hêz û artêşên xwe wek dewletekin. Ku em terka hev nekin, emê her û her kelemên nava çavên neyaran bin.

Kalê Ciwan

(Beş duwem di demek nêzîk de tê...)

Kalê Ciwan êdî bi me re ye!!!

2008-05-08T10:59:00.004+02:00

Ji ha paş dê nivîskarê kurd Kalê Ciwan, bi ciwaniya xwe û ceribandina xwe beşdarî li Çakbînî.com bike.

Em dê ji niha ve şîret, çîrok, nêrînên mamoste Kalê Ciwan biweşînin û kuncikeke taybet bidinê...

Dê ser xêrê be...Kalê Ciwan! Em dibêjin tu bi xêr hatî nav me de û sipas ku tu jî ciwanperest î...

Rojîn li ber çavan çû rêwîtiya mirinê...

2008-05-07T13:56:00.003+02:00

Rojîn(4) û malbata wê hefteya çuyî ji Hezex hatibûn mêvandariya eqrebeyên xwe yî li Êlih(Batman)dijîn.Rojîn Yildiz a 4 salî li odeyekê dema kesêk tûnebû bi kabloyên vekirî yê ceyranê leyistibû û xwe li ceyranê berdabû.

Milên rojîn bi halekî trajîk şewitîbû.Li Batmanê wê birin hemû nexweşxaneyên beşa acîlê(nexweşxaneyên taybet jî di nav de) lê ji bo ku li nexweşxaneyên Batmanê unîteya tedawîkirina şewitandinê tûnebû Rojîn nehatibû qebulkirin… Hetîketînek tenduristî derketibû holê. Trajediya Rojîn li raya giştî pir reaksîyon dît.

Di herî dawî de wê biribûn Fakulteya Tip a Amedê.

Bextreşa keça kurd li Fakulteyê hefteyek bû li ber çavan bi mirinê re tekoşîn dikir.Rojîn do nîvro çavê xwe li jiyanê re girt…

Malbata Rojîn vegotin ku li derbarê rayedaran re ê bibin dozdar.

Gelheya bajarê Êlihê ji 500 hezarî derbasbûye lê li nexweşxaneyan tedawiyên herî hesan wek unîteya şewitandinê tûnene…

Adnan YILDIZ

Kurdwebb.com

Hûn jî darizandina Koma Dengê Zarokên Amedê şermezar kin!!

2008-05-06T11:51:00.003+02:00

Ji bo piştgiriya Koma Dengê Zarokên Amed6e û şermezarkirina darizandina van xortan ji ber sitirîna sirûda netewî 'Ey Reqîb' di jêr ala rengîn de, yani ji ber zimanheziya wan û pirrengîheziya wan, ji ber alhezî û welatparêziya wan, hûn karin di riya vê malpera li jêr nîşankirî de imzaya xwe bihêlin.

http://www.ipetitions.com/petition/ozgurluk/index.html

Elo! Kurmanc im, soran im, zaza me, we çi ji min e?

2008-05-06T10:59:00.002+02:00

Rastî di pevçûnan de du alî hene.

Yê ku provoke dike, hêrîş dibe...

Yê ku tê provokekirin, mecbûr dimîne, xwe diparêze...

Inca di bin şireta, 'baştirîn parastin hêrîşbirin e' de em dibînin ku ji parastinê zêdetir provokasyonek, hêrîşeke nû tê holê. Tabî li himber vê hêrîşê dîsa aliyê mayî xwe diparêze, dîsa hêrîş dibe û hwd. û hwd. Welhasil ji vê re inca dibêjin 'girovela bêdawî'.

Inca em kurd jî mixabin ku gelek caran di nav vê girovela bêdawî de ne, nizanin çawa jê xelas bin çawa derkevin.

Yani me mebest çî ye bi soranbûyîna 'wan' û nekurdbûyîna 'me', yan kurdbûyîna 'me' û nekurdbûyîna 'wan'? Gelo ji vê helwestê nexweştir, zêdetir ne di cîh de, siktir helwestek heye?

Belê rast e, tu hewla ji bo tunekirina zaravayê kurmancî jî, bi dîroka xwe ya dûrûdirêj, bi wêjeya xwe ya girîng, bi hejmara axêverên xwe, lê bi taybetî bi rewşa neazadbûna sê beşên Kurdistanê re, nayê pejirandin. Lê carek werin em ji xeta girovela bêdawî bişkînin û xwedan-pêşniyar bin...

Mesela çawa? Mesela wiha!

Bala xwe baş bidin hin welatên din. Wan çawa dewleta xwe pêş xistine, çawa nehiştine ku gengeşiyên wiha bibin asteng ji yekîtiya wan a netewî re.

***Li Holanda du zimanên fermî hene. Ne di destûrê de hatibe destnîşankirin jî di gelek yasayên din de hatiye selmandin ku li warê kêmneteweya bi navê 'frîz' du ziman karin bên bikaranîn di dibistan, dadgeh û avahiyên fermî de...Zimanekî standard heye tabî, ev jî holandiya standard e. Ev ziman di dibistanan de têt fêrkirin. Lê li warê frîzan, Frîslân, herdu ziman tenişt hev tên fêrkirin...

***Nimûneyek dî ji welatek ku pirzimanî ye: Belçîka. Belçîka dewleteke federal e. Vî welatî, ligel sê herêmên xweser, sê herêmên zimanî hene: herêma felemenkîaxêvan, herêma fransizîaxêvan û herêma almanîaxêvan. Li her herêmekê zimanê fermî zimanê herêmî ye û zimanên din yên fermî karin di dibistanan de bên dîtin.

***Lê nimûneya herî balkêş: Norwêc. Li Norwêcê wek tê zanîn du celebên zimanê norwêcî tên bikaranîn: Bokmal û Nînorsk. Ferqek girîng ew e ku li Norwêcê grûbên kifşkirî nîn in ku em bejin 'ew filan zar bikartînin, ew jî bêhvan zar'. Ango rewş ji Belçîkayê, Holandayê, Kurdistana mezin bi giştî, û başurê Kurdistanê bi taybetî, zêdetir jî dijwar dixwiyê...Lê belê digel vê zehmetiyê Norwêcê van du zaran parastine û tehamul nîşan daye ku di jiyana rojane de herdu jî bên bikaranîn...

Û tiştê ku mirov diêşîne çî ye dizanin xwendevanên hêja?

Li Norwêcê, civakane hatiye pejirandin ku zar û zaravayên cuda-cuda bên axaftin, bên bikaranîn...

Ev qebûlkirin jî, piştî neserketîbûna hewlên ji bo zimanekî yekgirtî pêk hatiye...

Lewre dibêm, zimanekî yekgirtî imkan nîn e bê avakirin. Divê nimûneyên weke yên birêzkirî ber çavan bên girtin, belkî têkîlî bên pêkanîn ligel nûnerên welatên xwedan-ceribandin, komcivînên navnetewî bêne darxistin, lêkolîn bêne kirin, lê pêşî bila herkes berpirsiyarîtiya xwe ya netewî bizane, û bila kes newe lîstîka nameyên ji bo tunekirina zaravayên kurdî, yan jî jê xerabtir, tepkiyên himberî vê di asta dijminatiyê de bi gotinên wek 'ew ne kurd in'...

Vekirî-vekirî dibêjim: kurmanc im, soran im, zaza me, we çi ji zimanê min î dewlemend, we çi ji nasnameya min a kurdistanî ye?

Sîdar Bengîn Epozdemir
sidaro4@hotmail.com
www.cakbini.com

Ev nivîsar di malpera AvestaKurdê de jî weşiya.

Osman Sebrî: Dibistan

2008-05-05T15:52:00.002+02:00

Destpêk bi navê Yezdan,
ev e diçim dibistan.

Divê êdî bixwînim,
bo rastiyê bibînim.

Da her tiştî bizanim,
heya ku pê bikanim.

Berî vêya gelê min,
nezan mabûn mêr û jin.

Daketibûn hêla jêr,
reben pepûk û bêkêr.

Lê ji îro bi şûn da,
di nav bajar û gunda,

Herçî kurd e wê bixwîn,
da ku bibe xweyî şîn.

Welatê xwe bistîne,
neyaran jê derîne.

Em in xweyî war û şûn,
doza me ye serxwebûn.

Ji bo me ye hêla jor,
hildin ala kesk û sor.

Serxwe nabe Kurdistan,
bê xwendin û dibistan.

Osman Sebrî

Hevpeyivîna ligel 'kurdên Holanda' yani ligel frîza, derket!!!

2008-05-04T15:16:00.005+02:00

Berê jî me anons kiribû ku sernivîskarê me Sîdar Bengîn Epozdemir û rojnamegerê heftenameya Rûdawê Hêmin Abdullah çûbûn bo parêzgeha Frîzlan a Holandayê. Van du ciwanan li wir guftugoyek dûr û dirêj kir ligel berpirsekî Partiya Netewî ya Frîz (FNP).

Ev hevpeyivîn niha di malpera Netkurdê de kare bê xwendin. Herwiha hevpeyivîn bi şiklê xwe yî soranî di kovara Rûdawa başurê Kurdistanê jî weşiya.

Vir an wêneyê bitikînin.

Ez çarînek im

2008-05-02T14:29:00.004+02:00

Ez çarînek im,
Çarîna bavê xwe Xeyam,
Ji kelaha Alamûtê ya hevalê min Sabah,
Heta Nînovayê pîrozwer…

Ferzan Şêr

Ez çarînek im,
ji ava heyatê ya bi navê şerav,
ji dêliyên babîl heta fêkiyên Afrodît,
şeraveke rengxwînî me,

Ez çarînek im,
Çarîna ji ayetên Zerdeştê qal,ji avestayê qedîm,
Ji bo dilpakî û hêvîdarî,
Min helbest ji asîmanan anî ruyê erdê,

Enqere, 07-03-2008

KURTEHELWEST: Nivîsandin

2008-05-01T17:10:00.000+02:00

KURTEHELWEST: Nivîsên kurdan ên bi kurdî

Divê nivîsên kurda li ser çî bin?

Bi ya min, girîng e mirov bala xwe bide du tiştan:

Sîdar Bengîn Epozdemir

1. Lobbiya navxweyî, ango nivîsên ku me kurda çi ji olên cuda, çi ji bîrdozên cuda û hwd. tînin ba hev û bal dikişîne ser hêjayiyên hevpar, ne ser ferqên navbera kurda; tiştek ku dijmin pir ser radiweste.

2. Gihiştandina ciwanê kurd. Ew ciwanê heyî ku hêj bi kurdî xewnên xwe dibîne, hêj bi kurdî roj pişt roj di dema çuyîna cîhê kar yan zanîngehê de bi xeletî dibêje 'Roj baş' di şuna ku di zimanekî dî de bazara xwe ya rojane bike. Divê nivîskarên me yên hêja, lêkolînan bikin û, bi van lêkolînan bi kurtahî û bi zimanekî zelal bûyerên dîrokî, fenomenên heyî û hwd. pêşkêşî ciwanan bikin da ku ew fêrî dîrok, çand û wêjeya xwe bin.

Diyarkirina helwestan, çi di derbareyî bûyerên ku di civaka me de pêk tên, çi tiştên şermezarî ku dijmin dike himber gelê me û axa me, jî roleke girîng dilîzin.

Bê ku em ji hedê xwe derkevin em karin bêjin ku ne tenê ciwan, lê mezinên me jî car carna dikarin hoy gelek tiştan bin, çi bi riya lêkolînan, çi bi riya helwestan.

Bi taybetî dibêm zimanê kurdî, ji ber ku taybetmendiya vî zimanî ew e ku bi giştî tenê kurd yan kurdhez vî zimanî têdigihên.

Bêguman mirov dikare bo nimûne bi zimanê tirkan, tirkan rexne bike. Lê mirov bi zimanê tirkî hev rexne bike, û ev rexne inca ji hedê xwe derkeve jî, dibe zerar ji bo kurdan. Tabî trajediya me rê nedaye gelekan ji me ku em bi zimanê me yî pîroz bizanibin, yan bikarin xwe baş îfade bikin. Lê kirina van tiştan tu heq didî tirkekî ku bêje, "hûn nikarin mala xwe têr kin, hûn çima têne xêrê?"

Helwesta min a di derbareyî vê babetê de ev e.

Sîdar Bengîn Epozdemir

Di pêşbirka "Nordic Cup" de Dîyar madalya zîv stand

2008-05-01T16:48:00.003+02:00

Salê carekê li Swêdê li bajarê Karlskoga Pêşbirka Karateyê ya Bakurê Skandinavia tê amadekirin û îsal di 20 ê meha Gulanê de kurdê 11 salî Dîyar Aliş di beşa Kumite ‘’fighting’’ê de bû duyem û Cupa Zîv wergirt.

Dîyar Aliş di merasîma wergirtina Cupayê de. 20.04.2008
Dîyar di di 2 beşan Kata(pêşandan) û Fighting(şer) de beşdarîya Pêşbirkê kir. Di grûpa Dîyar de 15 yarîker hebûn.

Dîyar di beşê Katayê de bû 6em, lê di beşê Fightingê de hate fînalê û bû duyem. Yaneya Dîyar Goju-Kai Karate Do bi 17 xelatan vegerîyan bajarê xwe Eskilstunayê.

Di Nordic Cupê de 165 yarîker beşdar bûn û ev pêşbirk, li Skandinavia sêyemîn mezintirîn pêşbirk a Karateyê ye.

Çavkanî: Kurdwebb:Kurdwebb.com

Pêşniyarên we ji bo malpera Çakbînî hene gelo?

2008-04-30T09:55:00.003+02:00

Em Çakbînên ciwan, divên tim di têkiliyê de bin bi xwendevanên xwe re. Divên ew me tenê nehêlin û pişta me bi rexne/şiroveyên xwe xurt bikin. Ji ber vê me divê bizanin ka gelo kêmasiyên malperê çî ne bi ya we û herwiha pêşniyarên we hene yan na di derbareyî malpera Çakbînî.com de.

Soranî: Hezman le ewe ye bizanîn ke pêşniyareketan heye sebaret be malperî Çakbînî.com. Ême pêwîstîman zor heye be şirove û rexneketan û hîwadar în piştevaniyeketan malperekeman bihêztir biket.

Bo pêywendî: cakbini@gmail.com.

Hûn karin li jêr jî şiroveya xwe bihêlin...

Dem şad û katêkî xosh....

Konferansa Rêveberên Dibistanan li Hewlêrê dest pê kir

2008-04-30T09:51:00.002+02:00

Wezîrê perwerde yê herêma Kurdistanê Dilşad Ebdulrehman:”Heta niha rêveberên dibistanan li ser esaseke kulturî û siyasî hatine danîn lê divê rê li ber wê diyardeyê bê girtin û rêveber li ser esasa zanistî,pîşeyî û akademîk bên tayînkirin.”

Be mebestî dananî mîkanîzmêk bo dananî berêweberî qutabixane û xuwêndingakan, ser le beyanî rojî 29/4 le Holî Paşkoy Wezaretî Perwerde be amadebûnî wezîrî perwerdey herêmî Kurdistan û berêwebere giştiyekanî wezaret û jimareyek le serperştiyaranî perwerdeyî, yekemîn rojî Konfransî Berêweberî Qutabixanekan be rê we çû.

Be pêyî ecênday konfranseke debêt berêweberî xuwêndingakan beşêk bin le sê layenî qutabixane û mamosta û pirogiramekan ke amancî felsefey perwerde û fêrkirdin desteber deken.

Le seretay konfransekeş Dilşad Ebidulrehman wezîrî perwerdey herêmî Kurdistan gutî: “Ta êsta dananî berêweberî qutabixanekan le ser binemayekî siyasî û kilturî danrawin, belam debêt ew diyardeye pêşî lê bigîrêt, belku debêt berêweberî qutabixanekan le ser binemay babetî û zanistî û pîşeyî û teknîkî û ekadîmî dabimezrên bo ewey bitwanin bew şêweyey ke sîstemî perwerde darêjrawe cêbecê bikirêt .”

Le lay xoşiyewe Burhan ergûşî berêweberî giştî serperştiyarî perwerdeyî le Dîwanî Wezaretî Perwerde amancekanî konfransekey aşkira kird û sazkirdinî ew konfransey gerandewe bo bûnî ew têbîniyaney ke serperştiyaranî perwerdeyî dawiyane û gutî:”Reng e hendêk le berêweberekanîş le astî pêwîst da nebin bo raperandinî karekaniyan.”
Aşkiraşî kird û gutî: “Encumenî wezîran û layene peywendîdarekan amadeyî tewawî xoyan nîşan dawe be mebestî serkewtinî emancekanî em konfranse ke serekîtirîn karî dananî sîstemêk e be mebestî destinîşankirdinî berêweberî qutabixane û xuwêndingakan.”

Şayanî bas e konfranseke 2 roj berdewam debêt û le kotayî konfranseke encamekanî konfranseke radegeyenrêt.

Pukmedia.com

Werzîş - Kiçêkî kurd bo helbijardey topî pêyî Swêd yarî dekat

2008-04-28T20:48:00.005+02:00

Bo yekem car kiçêkî kurd nawî le lîstî ew yarîzanane da tomarkirawe ke helbijardey topî pêyî kçanî Swêd bo temenî "16" sal, le pêşbirkêyêkî nêwdewletî da beşdariyan pê dekat.

Bepêyî hewalêkî saytî (Kurdistan werzîş) bo yekem car kiçe kurdêkî kurd be nawî Şenge Burhan Hisên temen 15î sal le layen rahênerî Swêd banghêşt kirawe bo pêkhatey serekî helbijardey kiçanî Swêd ke wa biriyare le rojanî 9-11 mangî dahatû le şarî 'Falknbêrî' xwaruy wilatî Swêd pêşbirkêyêkî nêwdewletî bo çwar helbijardey topî pêyî kçanî wilatanî (Elmaniya, Danîmark, Neruwêj, Swêd) bo temenî "16" sal rêkbixirêt.

Cêyî amaje ye Şenge Burhan Hisên le wilatî Swêd le dayik bûwe le temenî heşt saliyewe destî kirduwe be yarî topî pêyî û be hoy ew ast berzey le rêzî yaneyêkî pleyêkî şarî 'Sundsvall' pêşkeşî dekat, yekêtî topî pêyî Swêd banghêştî rêzî helbijardey tupî pêyî kiçanî swêdî kirdûwe.

Peyamnêr.com

To...

2008-04-27T20:02:00.003+02:00

Herçî ekem bo toy ekem,
Herçî bibexşim, ba toy ebexşim
Herçî cê bihêlim bo toy cê ehêlim...
Herçîm xoş biwêt xoşim ewê be boney towe...

Bo kwê birom erom be xayalî towe...
Rêga egerime ber bo ew şwêna ka toy lê ye...
Çî le xoşî çî le naxoşî dil agay le to ye...
Hamû jiyanim taku der eçê giyanim
Hî tom le herkwê bim û çî katêk
Tom la yad naçê tenha bo satêk...

Zhalla

Li benda trênê...

2008-04-27T18:18:00.008+02:00

Di gewretirîn navenda trênan a bajarekî Ewrûpa de
Li ser hesineke rast û cemidî rûniştî me
Seyrî henaseya xwe ya ku di hewayê de dibe dûman,
Dibe dûmana şewata kul û derdan dikim

Sîdar Bengîn Epozdemir

Di bin siya fenereke mezin de veshartî me

Naxwazim kes bi hebûna min bizanibe
Naxwazim êdî birêkûpêk, sosyal bim
Min navê bersivî tu kesî bidim

Divêm bi tenê bim!

Tenê li gel destên xwe yên ku bi kêr nayên, di hezrolê de ne, nav berîkên ceketa min a qetiyayî
Tenê bi devê xwe yî nehêja re, ew lêvên ku ji axaftinê êdî kerixî ne, tevizî ne
Tenê bi serê xwe yî neazad, bê ku ez mecbûrî guhdarîkirina tu kesî bim

Tenê...Tenê...Tenê...!

Da ku hish rehet-rehet bikaribe êrîsh bibe mejiyê min
Lê provoke bike
Derd, bela, hesret vejîn
Bîrhatin bên rizgarkirin ji qefesan
Ji nû ve û carek din çîrokên bêbext bistrînin
Û
Ken û girînên min dîsa rêhevalên hev bin...

Çawa be bi inyad,
Heta ji min tê
Weke bersiveke protestoyî, ez li vir im

Lewra wer diyar e ku komurên vê trena bêwefa
Ku demek hêza wan bê dawî bû,
Demek tune nedibûn
Wek nexşeyeke li ser berek,
Sax diman

Îro
Nemane
Hatine revandin û
Hatine şewitandin
Di derbek de hatine tunekirin

Ji aliyê
Keddarên hovîtiyê!
Zehmetkêşên xêrnexwaziyê!
Avdarên kevneperestiyê!

Hêzên inkara xweşikbûna xweşiyê
Remzên inkara çakbûna çakbûnê
Hêzên li dijî hêza himbêziyê

Belê Xwedêyoo...Yani yekemîn dijminên evinîyê bi xwe!

Çibkim ku piştî vî se'etî
Hêja jî
Bendewarî trêna ku dê agirê dilê min vemirîne me

Bendewar im, belê hesretdar im...

Heta min dilekî dilsoz hebe, bendewar im
Heta giyan hebe di vî laşî de, hesretdar im

Heta ku serhişkiya min biserket,
Naçim, li vir im
Narevim, nalipitim ji cîhê xwe
Bendewar im, xemxwar im,
Kerbdar im û hesretdar im !

Belê seyrî henaseya xwe ya ku di hewayê de dibe dûman dikim

Heta agirê dilê min koç kir
Heta ku rojek 21 gram bi bêhna devê min filitî
Rizgar bû
û

Dawî li bêdawiyê pêk anî...

Sîdar Bengîn Epozdemir
sidaro4@hotmail.com

Li Silêmaniyê salvegera KXK-ê hate pîrozkirin

2008-04-27T16:03:00.005+02:00

Îro li Hola Yaneya Pêşmerge a li Silêmaniyê bi amadebûna hejmarek endamên serkirdeyên YNK-ê, Wezîrê Perwerde, berpirsên hîzbî û hikûmî ahenga salvegera 32emîn salvegera Komeleya Xwendevanên Kurdistanê(KXK) bi rê ve çû.

Di ahengê de Wezîrê Perdwerde Dilşad Ebdurehman, Berpirsê malbenda 1 ya Rêxistina Silêmaniyê Berzan Ehmed Kurde û Sekreterê Komeleya Xwendevanên Kurdistanê Dara Qaradaxî gotarên xwe pêşkeş kirin û amaje bi rol û giringiya KXK kirin.

Çavkanî: PUKMedia.com

Şahiya Çand û Hunerê ya Ciwanan hate danasîn

2008-04-26T21:44:00.004+02:00

26.04.2008 – Doh li Amedê 3. Şahiya Çand û Sporê ya Ciwanan a Şaredariya Yenîşehîrê bi civîneke çapemeniye ya bi taştê hate danasîn.

Civîna çapemeniyê ya bi taştê, bi tevlîbûna Şaredarê Yenîşehîrê Firat Anli, Şaredarê Kayapinarê Zulkuf Karatekîn û gelek kesan ve li Kompleksên Sporê ya Yenîşehîrê pêk hat. Li vir Şaredarê Yenîşehîrê der barê şahiyê de agahî dan. Anli balkişand ser girîngiya ciwanan a ji bo civakê û wiha axivî: "Em ê îsal 3. Şahiya Çand û Sporê ya Ciwanan bi kêfxweşiyeke mezin li dar bixin. Her wiha em gelek girîngiyê didin xebatên çand û sporê, lê ji bo van xebatan, divê derfet, şert û merc hebin. Bi teybetî divê tesîsên sporê bêne çêkirin."

Ji bo bîranîna ciwanên di Bûyerên 28ê adarê de jiyana xwe ji dast dane

Anli destnişan kir ku dixwazin di pêşerojê de organîzasyona vê şahiyê dewrî ciwanan bikin. Di civîna çapemeniyê de Aktîvîstê Koma Xebatên Ciwanan a Şaredariya Yenîşehîrê Engîn Kotay jî balkişand ser zarokên ku di Bûyerên 28ê Adarê ya sala 2006an de jiyana xwe ji dest dan û wiha got: "Zarokên di wê teqînê de jiyana xwe ji dest dan eger îro li vir bûna, ew jî dê tevli van şahiyan bibûna. Loma em van şahiyan diyariyî wan zarokan dikin."

DÎHA

Çavkanî: Amîda Kurd. Ji bo xwendina e-kovareke Çandî, Hunerî û Wêjeyî, bifermin yek ji malperên me kurda yên gelek hêja AmîdaKurd.com

SÊ ŞIVERIYÊN EVÎNA MIN

2008-04-25T16:33:00.006+02:00

CIVANA YEKÊ

civana yekê

nayê pênasîn

ne bi qiseyê

ne bi wêneyê

ne bi nivîsê

Gernas Roderîn

dimîne mîna deqek abadîn

li ser

çav

dil

û

jînê.

NEWAYA NEMANÊ

Ji vînbaziya min

newanin dilhelîner berz dibin

ku baskên wan ên birîndar

bi bêriyê pêçayî

difirin ber bi Sîpanê

li keviya Gola Wanê

dihêwirin li sehekên

serwîbejnê

porgumrehê

gulîreşê

bertemiziyê

hiş bin

bila nebizdin

askên mêrga tenêtiya wê

bi dizî hatime hogiriya

nîgaşên wê bîskekê

ku bivê

dimînim heta nemanê

ku nevê

dimrim bi newayê!

VEGERÎN

Bedewa min!

vaye bê te bi rê ketim mixabin

ligel bîranînên tijî bextewarî

vedigerim

ji bajarokê zaroktiya te

ber bi

bajarê zaroktiya xwe ve

bi çavên ku ziq bi te ve mane

ezê di riyên dojehî re bibuhurim

belê dilniya be cana min

qet ne xem e ji bo min

piştî bihuşta ku me bi hev re buhurand

jiyîna li dojehê.

19-24/01/2006 Enqere-Tetwan-Mêrdîn

Frîziyan çawa bi tematêzan xelas bûn!!!

2008-04-25T13:06:00.003+02:00

Vê hefteyê Çakbînî.com ligel kovara nû ya serbixwe ya bashurê Kurdistanê bi navê Rûdaw li Fryslân (Frîzîstan) bû.

Li ku? Belê li Fryslân.
Bo çî? Êê Ji bo hevpeyivînek tabîîî...

Nêzîkahî de hûn ê bi çîroka frîziyan bizanibin û bi vê boneyê dê serê we sor bimîne ji ber balkêşbûna serhildan ango raperîna wan: belê gelê frîz xwe bi tematêzan xelas kir...

Li bendê bin....

Sernivîskarê me Sîdar ligel birêz Hêmin Ebdullahê berpirsê Rûdaw ê Ewropa li warê frîzan bû. Gelek ku li Holanda dijî û fermî wek kêmneteweyek hatiye naskirin.

Gelek ji mafên wan hatine parastin, lê gelo xwestekên wan hêj hene? Gelê frîz di kîjan qonaxa doza xwe ye? Gelo 'doza frîz' heye?

Bersivandina van pirsan bû nasîb ji endamê bilind ê FNP-yê (Partiya Netewî ya Frîz), birêz Sybren Posthumus re.

Di nêzîkahî de em vê hevpeyivîna cuwan bi xwendevanên xwe pay dikin, diweşînin.

Ji Apê Konfûcyûs 14 Şîretên Evînê

2008-04-23T22:22:00.008+02:00

Çawaniya evîniyê di xortaniya mirov de cîhê xwe digire di nav mejiyê mirov de. Em ciwan, belkî hêj di destpêka riya evîniyê de ne, belkî jî me hêj dildariyê nejiyaye.

Evînî yani ciwanî, ciwanî yani evînî. Bêguman, lê evînî çî ye? Rê û rêbazên evîniyê?

Rizgar Stêrkê xortê ciwan û kurd ji me re '14 Şîretên Evînê' ji fîlosofê mezin Konfûcyûsyî wergerand zimanê me yî şirîn.

Bizanin çawa hezkirin, hevvîn çawa tê kirin....

1- Bi awayekî nayê tedawîkirin romantîk bin.

2- Bi hevre pîrtûka bixwînin, destê hev bigirin û bihevre meşinê bipergal pêk bînin.

3- Berkenî têger in, jê re jî bila bibin têger.

4- Dilsozekî hevpin bin lê wê ji kesek re gilî nekin.

5- Navê kulîlka ku herî jê hez dike,navê reng, stran, helbest û nivîskarê herî jê hez dike bizanin.

6- Jê re suprîzên nedîtî bikin. Bê sebeb jê re qert û nîşeyên piçuk ên evîniyê bişînin.

7- Ji hev re navên taybet û veşartî bibînin.

8- Evîn bihevre tewşpeyivîn e. Car caran bi hevre heta sibê tewş bipeyivin.

9- Di alê gelo kê mafdar e gengeşî nekin. Biryarê li ser wê yekê bidin ka çi rast e. Di her dawiya gengeşiyan de peymana aşîtiyê bi maçîkirinê imze bikin.

10- Evîndara xwe bi dengê ku tenê ew pê bikare bihise rexne bikin lê pesna wê bi hemû dinyayê bihesînin.

11- Li bedena xwe baş binêrin. Her tim ji xwe û jê re tenduristbûna xwe deyn bibînin.

12- Di hembêzkirinê de pêşî hûn neqetin.

13- Hilbijartina berdil dişibe hilbijartineke pîrtukekê. Bi ewirandina devik û berga baş bala we kare bikşîne lê naverok ne baş be anîna dawiyê dijwar e.

14- Ji bo evînê bizewicin. Hem ji xwe re hem jî ji berdila xwe re bibin hevalê herî baş.

Rizgar Stêrk
shoreshger@hotmail.com

Hevpeyivîn bi hostayê gîtara bass Abdullah Şakar re

2008-04-22T20:58:00.004+02:00

Di rojnameya serxet a Netkurd.com de hevpeyivînek ligel 'mamosteyê bassê' yê ciwan Abdullah Şakar hat kirin ji aliyê Mustafa Gazî. Me jî divê xwendevanên me ciwanek kurd ê dî jî yê serkeftî binasin.

Ji bo xwendina hevpeyivînê, pêl li wêneyê bike, yan pêl li vir bike.

Zarokên Amedê, zarokên Kurdistana mezin û gewre!

2008-04-20T14:49:00.003+02:00

Îro rojnameya serxet Netkurd.com ji xwendevanên xwe re kurteklîbeke Koma Dengê Zarokên Amedê, yên ku bi "sucê" xwendina sirûda netewî ya kurdan, Ey Reqîb tên darizandin, amade kir û weşand. Me jî nexwest xwendevanên me bi xwe, ji van du klîbên ku em pêşkêşî we dikin agahdar nebin.

Hûn zanin kêfa Çakbînan ji genc û ciwanan re tê, ji zarokan re jî herwisa. Lê bi taybetî kêfa me tê ji ew hêvidarên piçuk ku bi zimanê me yî şêrîn difikirin, dixwînin, distrên, diaxifin û ji dayika xwe re dibêjin: dayê (!) ne 'anne'.

Fermo bi van du klîbên moraldar.

Koma Dengê Zarokên Amedê li bernameya Gulben Ergena hunermenda tirk

Koma Dengê Zarokên Amedê bi stranekê ku naveroka wê mirov difirîne hewayan

Leyla Zana, almasta Kurdistanê…

2008-04-19T17:02:00.004+02:00

"Em bêdengiyê red dikin! Azad axaftin gaveke bibiryar e ber bi azadiyê de."

Melheze ke: tu jinek î, diyek î, kurdek î û siyasetmedarek î, inca li welatekî ku ev tişt -herî hindik- hêsan nîn e. Lê li vê dinyayê dîsa şexsek heye ku van tiştan hemû bi hevre pêk aniye: Leyla Zanaya bêhempa. Nimûneya herî berbiçav di vê tekoşîna bo dadmendiyê de.

Şanaz Berzencî

“Min tim demokrasî, mafên mirov û biratiya gelan parastine. Û ez ê vê yekê bikim heta dawiya jiyana xwe.”

Vê mirariyê û tekoşera azadîxwazê xwe wek kurdek li parlamentoya tirk nîşan da. Ji ber vê tawana hov lê mehkûmî 15 sal cezayê girtîgehê kirin, li welatekî, ku berendamê YE-yê ye û, wek diyar e, hêjayiyên wek azadiya derbirîna ramanê, mafên mirovan û hebûna kemaniyan gelek bilind dinirxîne...Ligel ku heqaret lê hate kirin, gotin cudaxwaz î, terorîst î û Atatirk zane ji van pê ve çî, ew piştî 10 sal serbest hate berdan ji ber ku rêxistinên mafên mirovan û Amnesty Internationl îdî bela xwe ji Tirkiyeyê venedikiran...

“Di roja îroyîn de, sê serokên gelê kurd hene, Celal Talabanî, Mesûd Barzanî û Abdullah Ocalan. Ew serbilindiya me ne. Keda wan cîhekî xwe yî taybet girtiye di nav dilê me teva de.”

Newroza 2007î, tenê sê sal piştî serbestberdanê, ew li paytexta me, bi van gotinan bangî gelê kurd dike. Bi sekna wê ya serokeke karîzmatîk, ew yekbûna kurdan ji hemû beşan dûpat dike. Liberçav e tabî ku ew bi van gotinan hêrsa dewleta tirk tîne. Lê vê carê yên li himber wê piçek nermtir in: îcar tenê 2 sal ceza didinê.

“Ji jiyanê hez dikim û divêm destê wê bigirim. Lê pêwîst dike agirê dilê min î ji bo heqiya gelê min î talandîtî, û ji bo rumeta wî û azadiya wî meztir be. Ji ber ku, gelo, wateya hêjayiya jiyanek tijî koletî, piçukxistin û şermandin ji ber evîna te ya herî mezin: nasnameya te (!) çî ye?”

Ew nimûneyek e ji bo serokên me û gelê me. Ew cudatiya bakur-başur, êzîdî-alevî, sor, zer û kesk nake. Bi xwe çi dixwaze gelek baş dizane: wekhevî, azadî û heqî.

Ew îdola min a herî mezin e û çavkaniyeke gewre ye bo îlhamê. Ji her kurdek ku giringahî dide mirovatî û dadmendiyê li cîhanê re.

Lehenga min, şêra nemir ku hevwateya tekoşîna me ye, qralîçeyeke sembolîk; fedakariya wê û ya yên din benzîna me ye, hebûna wê çavkaniya enerjî û îlhama min e.

Leyla Zana ye, almasta Kurdistanê...

Şanaz Berzencî
shanaz1990@gmail.com

Şanaz Berzencî kurdeke 17 salî ye ku ji bo malpera Azady.nl a nûçeyî ya kurdî-holandî her meh dinivisîne, dîtinên xwe li ser Kurdistana mezin bi xwendevanên holandîaxêv parve dike.. Berzencî ji Kerkûka başurê Kurdistanê ye û li Hollanda dixwîne.

Werger ji holandî: Sîdar Bengîn Epozdemir

Cuneyd êdî azad e

2008-04-19T10:57:00.003+02:00

Dewleta tirk li bakurê Kurdistanê li Gewerê pîrozkirina Newrozê qedexe kiribu û êrîşeke terorîstane dabû ser gelê kurd.

Li ber çavên kamerayan milê zarokekî 15 salî dişkandin. Ev ne bes bû pê re jî wî xistin girtîgeha Bedlîsê..

Ev terora polîsê Tirk li raya giştî ya navnetewî reaksiyoneke mezin sitandibû.

Ew zarokê Kurd ku bi navê Cuneyd Ertuş hatibû binçavkirin çend roj berê ji girtîgeha Bedlîsê serbest hate berdan.

Çavkanî: Kurdwebb:Kurdwebb.com

Çîn hemû xwendekarên biyanî diqewirîne

2008-04-18T10:58:00.002+02:00

Ji nêzî 200.000 xwendekarên biyanî ku li xwendegehên bilind û Zanîngehên Çînê dixwînin, hate gotin ku divê ew mehên Tebaxê û Îlonê ne li Çînê bin. Birêvebirîyên xwendegah û Zanîngehan ji vê sibehê pê ve biryara hikûmeta çînî radigihînin xwendekaran.

Wezareta karê derva ê Çînê jî biryar rastdêrîn kir û diyar kir ku ev biryar ji sebebê ewleyîyê hatiye wergirtin. Wezaret radigihîne ku di van mehan de Olumpîyad li pekînê pêk tê û bala polîs li ser ewleyîya Olupîyadê be.

Rêxistinên Mafên Mirovan yên Navneteweyî di wê bawerîyê de ne ku Çîn bizanebûn xwendekarên biyanî di dema Olumpîyadê de ji Çînê bidûrdixe da ku kesên ji derva tên nikaribin peyvendîyê bi wan re deynin û agahîyan di derbarê Çînê û bûyerên rojane ji wan wergirin.

Çavkanî: Netkurd, ji bo nûçeyên rojane, yek ji malperên me kurda yên gelek hêja: Netkurd.com

Bihar û xema wê

2008-04-16T20:18:00.005+02:00

Ji bo bîranîna Şehîdên Newrozê

Em dîsa ketin biharek din
û me xema zivistanê li dû xwe hişt.
Me dilên cemed girtî bi barana biharê şûştin
û me li ber tîrêjên tava ji hêrsa „Roja Nû“
(Newroz) difûre, hestên xwe raxist.

Siyamed Sîpan

Newroz ku mizgîniya biharê û demek xweş bû,
bû xema biharê.

Mirovên ku dilê wan di cemediya zivistanê de rizya ye
û li şûnê bêbextiyek bê sînor maye, ev Newroza ku destpêka hêviyên nû ne, kirin destpêka birînên nû, kirin destpêka xemên nû.

Demsal ji şûna ku niha di xemla biharê de bedewiyê bipejiqîne û hêviyan bifûrîne, ketiye xefka mirovên ji heskirinê û ji wijdan bê par.

Nahêlin bihar jî êdî mîna dilê wê dixwaze, bedewiyê li kulîlkên xwe belav bike. Binevşên ku ev bi salan e, li hêviya piçek rûkeniyê ne, êdî bi xemek nû re ewê mezin bivin.

Tê bîra min biharên borî bi kêfxweşiya jiyanek rengîn dihate pêşwazî kirin. Lê ev bihar bi xemgîniya şehîdên xwe, hêrsê di dilê xwe de mezin dike. Bihar bi hêrsa ku ji xeml û xêza xwe can wenda kiriye, çavê xwe tijî hêrsa dilê tekoşer kiriye. Hêrsa gulên tolhildêr tevî xema biharê dibe. Ev hêrs ewê sersebebên bûyerên Newroz ê, bihelîne û tune bike.

Ev gotin ji bo kesên ku tevlî serûvena nobedarê ronahiyê bûne ne,
ji bo kesên ku bejna xwe bi rengên kesk û sor û zer xemilandiye û tevlî cîhana nemiran bûne ne.

Ev nivîs li ser fûriya hêrsa dilên ku bi agirê Newrozê gûr bûne hatiye nivîsandin ji bo cangoriyên Newroza 2008 a.
Ez vê nivîsê diyarî wan dikim û bejna xwe li ber tekoşîna wan ya bi rûmet ditewînim.

Siyamed Sîpan

Bixêrhatina ‘Çakbînî’yê û rewşa me

2008-04-16T09:32:00.005+02:00

Slav ji we re çakbînîno û çakbînîparêzno.Bi hatina‘çakbînî’ yê ya ser dika Sanalî ango zêdebûna deng,helwest û hinekî jî mohrek ciwan ya li ser xopana Malperîstanê ser xêrê û pîroz be berî her tiştî. Bi xwedî mezin bibe û emrê wê dirêj û bi xêrûber be hêvîdar im. Tu bi xêrûxweşî û li ser çavên me hatî.

Gernas Roderîn

Wek ku hûn dizanin di zayina jîndaran de çawa ku qolinc hebe, bê şik di zayina kovar, rojname, tv û her cûre xwemalî û pêdiviyên me de jî ev pîvan heye. Ji ber van qolincên bêeman lêv tên gezîn,xwêdan bi mirovî dikeve û lava tên kirin ji xwedê û xwediyan da ku zayin kêm êş û bijûn be. Belê, bê sedem negotine ku bê xwedê dibe lê bê xwedî nabe. Îcar di rewşa qolinckêşanê de pir xwezayî ye ku çavên mirovî li xwe-dî yan bigerin. Lewra xwedî,bê minet dikarin gelek fedakariyan bikin di ber ‘yên xwe’de. Min bibexşînin lê ev rastiyek gerdûnî ye.

Her kes girî tê li mirî ye ji mêj ve.Hewce nake ez serê we biêşînim bi peyitandina vî tiştî. Em hemû baş bi girîngiya erka ciwanan dizanin û em dibînîn ku di her civatê de mû li zimanan digere, lê ev jî tenê dibe wek dilxweşkirinê gelek caran. Loma divê ku ciwan jî riha xwe bi destên xwe bixurînin û teriya kerê xwe ew bixwe ji nava heriyê derxin. Li vir mebesta min bila çewt neyê fêmkirin.

Bê şik gelek malavayên navsere û rûspiyên me yên dilxort(rêza min gelekî ji wan re heye û emê hê pir tiştan ji ezmûna wan fêr bibin)jî hene ku bi piştgiriya çi rasterast çi jî bi navgînî ciwanan han didin. Em wan jî wek xwedî dinavînin û hêvîdarim ku dê tim jî ligel berzkirina dengûrengê ciwan bin.

Biborînin li min da ku mîna sofiyekî min hêvî û daxwaz rêz kirin. Bi destûra we ez ê li jêr jî bi çend xalên bêkêr yên destnîşankirî ku wek libên tîzbiya sedûyekê ne rave bikim.Lê zanibin ku min û bi tevayî em ciwan jî bi qasî her liba wê û kêşana wê ku ji bo sofiyî pîroz e ji bo me ciwanan jî gihîştina wan daxwaz û mirazan weha pîroz e.

Belê, mijar dema ku malper be û tewer ku ya ciwanan be, mirov heft xweziyan bi beşên din yên xebatên Kurdan tîne. Ez bixwe ne malpersazker an jî rêvebirê weşanekê me(rêza min ji wan re bêdawî ye) lê ji aliyê min û nerîna ciwaniyê ve ev xalên li jêr ku bûne tabû hêvîdarim dê bi hevkariya jidil bişikên,eşkere ne. De werin hela vê carê em bêstatutiya xwe Kurdan(ji bilî başûr)bidin aliyekî û em bala xwe bidin sedemên navxwe:

1- Ji ber ku kirûya malpersazkerî di jiyana kurdan de li gorî asta hevdemên xwe hê nû ye ango baş hîmen wê bi şêwenin pisporane rûneniştiye. Em bi hevre rewşa monoton û seyriya gelek malperên xwe dibînin,hewce nake em wan dahûrînin di vir de.

2- Ciwan, çi bi dilxwazî çi jî bi sorkirinê bi giştî di nava gelên rojhilata navîn û xasma di nava me Kurdan de, bêtir di çalakiyên xwepêşandanî de derdikevin pêş.Loma jî di xebatên ramanî û afirîneriyê de têra xwe nayên handan. Ev jî dibe sedem ku di xebatên navborî de bi rêjeyek berbiçav pêbawerî û pûtepêdana li hemberî ciwanî bivê nevê kêm dike.

3- Binhişîna civaka me ya di derbarê ciwanan de û hinek gotinên pêşiyan(ciwanî,cahilî û nezanî-ciwan mîşe ne lê şêrîn û kitkite ne) ku dibin sedem.

4- Xwîngermî û bêhedaniya ku di xwezaya ciwanan de ye û hesta xwepeyitîn/sepandina bi civakê û xasma jî bi elîta civakê re,nahêle ku tirî bi sebrê bibe helaw.Loma jî hin caran ev berhem û xebatna virnî(premature)û bê tam tên.Tibabek weşanên weha hene.Lê ev der ne ciyê eşkerekirina navên wan e.

5- Tunebûn an jî kêmbûna koçk û qadên rexneyên handana ciwanan.Ji bilî têkiliyên kesanî û hinek xebatên herêmî ev erka baş nayê kirin. Weke Kurd em di hewla pêkanîna vî tiştî de keslan in.Bê şik di vir de em hinek kenkenên vê mijarê li der dihêlin û kevir li alî tirî naxin.

6- Belê, xal tim şiyandarî zêdekirinê ne lê ji ber ku di nivîsarekê de hilnayên,em ê hin bi hin hewldarê bidestûpêkirina vê rewşa gelşbar û girîng bin. Min xwest hewl bidim vê bergeha ku bi hinekan zelal û bi hinekan jî şolî ye nêztir bikim. Dubare bi destûra we dixwazim ji bo niha nivîsarê bi çend rêzikên watedar yên Nemir Osman Sebrî biqedînim,bi hêviya pêkhatina van rêzikên pîroz.

‘Hin ji me

Bawer in ku,

Azadiya Welêt,

Ji neyaran,

Ji zorkeran,

Ew e serxwebûn.

A rast,

Çi ramanek kevn,

Çi ramanek nû,

Ku me girêde,

Me dike kolî,

Ew e wenda bûn.

Divê em,

Berî her tiştî,

Bi nêhrîna xwe,

Bi ramana xwe,

Aza bin serbest.’

Gernas Roderîn

Gernas Roderîn di sala 1979'an de li Mêrdînê ji dayik bûye. Di sala 2002'an de wî zanîngeha Dîcleyê qedand. Heta niha helbestên wî di
malperên diyarname.com, avestakurd.net, mehname.com û kovara W'yê de hatine weşandin.

Rojnivîska Dînekî li Stockholmê bû

2008-04-15T12:57:00.003+02:00

Lîstika bi kurdî ya Teatra Avesta “Rojnivîska Dînekî” piştî tûrneya Bakûr û Başûrê Kurdistanê, li paytexta Swêdê Stockholmê jî hat pêşkêşkirin.

Lîstika ku ji aliyê Cîhan Şan ve tê birêvebirin û ji aliyê Aydin Orak ve tê lîstin, doh saet di 18.00 de li Stockholmê Şaredariya Sollentunayê hat pêşkêşkirin.

Hunermendê şanoyê Aydin Orak, bi performansa xwe ya li ser dikê û hunera xwe ya xurt, bi rengekî serkeftî rûpeleke xweşik vekir, li Stockholmê. Salona şanoyê ji bo ”Rojnivîska Dînekî” hatibû dagirtin. Di nav temaşevanan de gelek nivîskar, rojnamevan û lîstikvanên şanoyê jî hebûn. Temaşevanan bi çepikên xwe û yek bi yek spasiyên xwe, dilxweşiya xwe û hêviyên xwe yên ji bo berdewamiya çalakiyên bi vî rengî anîn ziman.

Lîstika Gogol a bi navê “Rojnivîska Dînekî” ji aliyê Aydin Orak ve li kurdî hatiye wergerandin û tê lîstin. Di vê lîstikê de travmaya psîkolojîk a karmendekî û tevlîheviyên jiyana wî ya trajî-komîk tê vegotin.

Rapêşiya Şanoya Teatra Avesta ya bi navê “Rojnivîska Dînekî” ku cara yekem bû derket tûrneya Ewropayê, ji aliyê Komeleya Ziman Çand Huner û Wêjeya Kurd (PERKURD) û saziya perwerdeyê ya Swêdê ABFê ve hat organîzekirin.

Çavkanî: Amîda Kurd, ji bo xwendina e-kovareke Çandî, Hunerî û Wêjeyî, bifermin yek ji malperên me kurda yên gelek hêja: AmîdaKurd.com

PKK ji Lîsteya Terorê ya YE-yê derket; gavek dîrokî?

2008-04-14T16:05:00.003+02:00

PKK ji Lîsteya Terorê ya YE-yê derket; gavek dîrokî? Belê pirsiyareke girîng. Sernivîskarê me Sîdar Bengîn Epozdemir li ser vê mijara ku di rojeva kurdan de cîhê xwe niha girtiye kurtelêkolîneke hiqûqî amade kir ji bo malpera NETKURDÊ.

Ji bo xwendina vê berhema hiqûqî wêneyê yan vir bitîkîne.